July 1st

幾靚---最高的塔,就係CN tower.  我上次臨返自己apartment之前見到CN Tower有燈着! 好開心, 自從CN Tower亮咗燈之後,就覺多倫多依個城市有返d生氣!!

July 1st---- Canada Day有假放,   July 2nd 仲有保假, yeah!  我已經同男朋友相論緊去邊道玩,邊道食! 我係加拿大都居住一段時間, 我最開心係知道有假放,唔洗做,可以玩,瞓幾耐都得! 哈!哈! 以前一公眾假期所有店鋪都關門,所以,我係放假之前會準備所有糧食. 其實,屋企都有好多野食,不過我以便不時之需! 我係咁怪,以為店鋪關門,會餓死....但男朋友,and all my sisters 都覺我發神經! 
   年年Canada Day 都可以玩煙花, 政府又會放煙花,...好好玩,氣氛好好! 雖然,d煙花不能比美香港, 但都好過無! 依幾年,加拿大有部部份商場係Canada Day都會開門營業....可以行下街.   睇下有無野減. 
   就係因為加拿大國慶,加拿大地錶---CN Tower. 係上星期亮燈, 而家CN Tower 更加吸引....yeah! 多倫多可以有d生氣喇! 無咁悶!

     咁啱七月一號,香港又係回歸大日子.我仲記得係十年前,我都有睇七一回歸直播,我一邊睇一邊喊, 講真我係有d唔捨得--Mr. Patten (

Christopher Francis Patten) 走. 仲記得個陣時Mr. Patten仲係落住雨走, 我諗無九七回歸,我未必會係加拿大居住. 當時決定係加拿大居住係我parents. 我移民時,年記好細, 如果我有選擇權,我會去加拿大只係讀書, 但唔會居住, 但命運就係咁....
  唔知點解係我自己字典之中, 回歸=移民! 移民對我黎講影響好深, 為什麼Vicky性格獨立? 為什麼Vicky有了主見. 為什麼咁着緊自己學業? 為什麼我特別愛護自己身邊嘅人? 為什麼害怕生孩子? 原來這樣,那樣, 就係移民令我有所轉變同影響!   

  講返香港, 係依十年嘅香港,令我最感動係SARS果陣時,我見到香港所有人都好同心...醫生不離不棄,所有人勇敢面對,無賴邊個唔啱, 雖然每個香港人係依段時候都過得好耕辛. 但就係咁向前面對. 依件事我覺香港人好了不起. 我都好pride自己係香港出世,曾經都係香港一份子.  今年,回歸十年,時間過得真係快. 我當然望香港日日進步喇!

I'm not a plastic bag

   見唔見到好多唔同種類嘅袋? 全部都係環境袋, 而且價錢都係---能付擔得到. 依家有手袋生產商,(有牌子果d), 都向應 "Bring your own bag"大行動! 講真,我覺得班手袋生產商想賺返d錢. 但我買黎襯下衫都唔錯嘅選擇. 唔知第時d人去超市買野,會唔會用LV, Gucci....等名牌當做環保袋呢? 咁係超市都要show off. 哈哈!
   Anya Hindmarch "I'm not a plastic bag" 好似話好多人要渦! 估唔到自己用咗咁多年環保袋,初頭用比人笑,但而家越來越多人應同我...而且,連各大牌子都出靚靚環保袋,出街都唔洗悶! 哈哈!

My Daddy and Mummy

   啱啱過去嘅周末(June 23, saturday),我返咗屋企

,其實今次返屋企有點兒擔心, 因為我要...自己渣車返屋企, 條路對我黎講都幾長,我係高速公路上時常提自己,"Vicky你一定得,一定無事!" 雖然回程撞啱同性戀大遊行,好多路都封晒, 要係咁兜路, 而且要慢駛,但都安全地步, 返到自己apartment....感激!

   由於今次自己渣車返屋企, daddy and mummy 專登買定好多食物比我,因有車就可以帶多d食物...入自己apartment. 他們買野食比我嘅數量, 真係多得很...零食,蝦子麵, 燒味,調味品 and 媽咪愛心送菜, 可以話應有盡有, 甲甲埋埋都一大推, 好似我住的地方會好遍迫, 沒有超市似的. 其實,我自己apartment附近有許多超市, 但大部分都係外籍人士(鬼佬)經型, 但對我屋企人黎講,唔食中國野, 好似會無淡好食咁! 哈哈! 連我d妹都講:"家姐你再度搬屋呀!?"  因為,我packed 兩個細行李仔, and 兩個大紙皮箱, 我一邊執野上車,我媽仍然覺唔夠,我臨返自己apartment之前, 媽咪迫daddy and me 再去chinese supermarket再買多d野比我. 真係好多謝daddy and mummy provide咁多食物and 愛心比我. I'm so touching. 講真自己年記都唔細,如果可以, 都做得人媽咪添! 多謝吳爸爸 and 吳媽咪對我關心與關懷. 
  我臨走,渣車走果陣時係車嘅倒後鏡,見到吳爸爸 and 吳媽咪係咁望住我渣車離去,樣子好像有點擔心我.....我眼裡即時流眼淚. 看到你地身形越來越細....好唔捨得你地. 下一次要九月份先見到你地喇!
 
 

 星期日(June 24)早上同媽咪出街, 點知媽咪出街之前同我講, 佢話佢自己種d花好靚,好壯,我話比媽咪知我手袋有相機呀! 媽咪就即刻話要影相, 仲攞埋太陽眼鏡出黎,..哈哈! 但我個吳爸爸就唔係好欣嘗d花,我個吳爸爸話要影車渦! 好好笑呀!

 <--

睇下我個冰櫃滿晒!



  今次返屋企同屋期人打麻雀,而且吳爸爸仲帶我周圍食, 今次出食咗好多特別野! 有朝州野,知味小炒, ....差唔多唔瞓嘅時間都係食! 口同胃都無停過, 食得好誇張! 哈哈!

三妹送比我的禮物

    上星期,同三妹坐車返屋企個陣時,三妹突然間話送份禮物比我

, 我好surprise! 原來三妹送個環保袋比我, 依個環保袋好得意,完全唔似環保袋. 又可以變細and變大.  雖然我係車裡面, 但我都即刻攞黎玩. 哈哈! 多謝三妹!
     我問三妹點解送環保袋比我, 佢話:成日見你手袋裡面會帶多過extra 膠袋 or bag出街,而且上次同媽咪去超市,佢話我見到有環保袋賣,就即刻走過去睇,仲話要買,所以,三妹話我一定好仲意用環保袋. 因此,就送比我囉! 原來三妹咁留意我 o架!
    
     其實,我點解會用環保袋? 我唔知點解成日出街, 除咗攞手袋外, 仲有好多要拎. 整到個手袋好重. 由其事以前返學, 我日日好簡便返學,但就攞幾袋野返屋企, 因我放學之後就去圖書館,and超市, 所以,就有好多書,筆記and超市貨品要攞返屋企. 所以,我由讀書時期就有攞extra bag出街嘅習慣. 初頭攞膠袋,但膠袋易爛. 後尾係超市見到有環保袋賣,所以,就開始用..... 直到現在!

    我今個周末會返屋企,我一定會用三妹送比我嘅環保袋架!

睇下個環保袋,接埋個陣時,只有個mouse咁細!

放大就好大個,都裝到好多野,而且唔似環保袋!

知唔知誰叫--王賢誌?

   好多人將黃智賢,同王賢誌打亂咗! 前者係"真情"---"阿海",而且,曾經做過兒童節目! 另一個係大多數做主持嘅藝人.
   娛樂直播, k100,各大節目or慈善show主持(除台慶),甚至近排電視節目都見到佢---王賢誌,例如: 法政先峰, 火跳黃沙, 寫意人生...都可以見到佢, 以上電視戲他都做得好好.表演自然.  另一方面,我幾留意佢做主持, 因為無線好少有咁嘅年紀擔任主持. 而且佢做得唔差, 講野好順, 証明事前做足功課, 但做娛樂圈依行真係靠運氣. 就算有幾靚仔,幾努力, 着衫幾好, 都咪必有人仲意.  我時常期待佢有新電視劇,or 幾想佢會做台慶主持呢? 但竟然上年比咗崔建邦做. 我總覺得崔建邦未夠成熟...有時講野也會食鑼溮! 但我唔係dislike 崔先生. 但只係有果句講個句0者!

   我自己點解咁留意同欣賞,王賢誌? 可能,因為佢的樣子吧, 而且他望落去幾順眼,... 我啱啱同我男朋友一齊嘅時候, 我地曾經一齊同一時間提及過王賢誌, 原來我地大家都有留意佢電視上嘅演出---好"橋"呀!
   初時,我見王賢誌係做旅遊節目--佢講解得好好!一兩句就明白,唔係講費話. 再睇其他主持節目覺佢好有口才,講野好有邏輯,幾醒目, 當時我感覺他將來會紅架! 但等下,等下...等咗原來有13年, 我前幾日睇娛樂直播(自己校時間錄),見佢話係最後一日主持,真係有D唔捨得佢,以後都唔可以係電視營幕見到佢,.....希望佢會係第二道有好發展喇! 

*王賢誌呀!

*最後一日王賢誌主持--"娛樂直播",拜拜!

算完成部份----原來

     我一早起身去車行攞返架車,天氣好好,所以成日周街望! 哈哈!
     而我d"原來"唔記得做果d 野,今日都算做減d.  但都要Brian幫手

. 仲要Brian做做下野中途走出黎真係有d唔好意思,  等我今晚煮餐好嘅比佢啦!
      至於,做運動...我會盡力,聽醫生要求...每天至少15 mins, 如果唔係咩野炸野都唔食得架啦! 我唔想咁嘅年齡就要戒口. 但我又"的"唔起心機!  幣啦!....我要堅持我嘅意志力!!!!

    係呀! 我清理咗我Hard drive (pvr) 嘅電視節目,我錄咗好多Oprah Winfrey嘅show. 我琴晚,一邊睇電腦一邊睇電視. 睇到眼都"特"埋, 最interest睇到有一集係講"Deal or no deal"(香港叫"一擲千金"),成個Opeah Winfrey's studio 嘅佈景,都佈節成Deal or no deal佈景,----主持,同部份美女,都上咗去 Oprah Winfrey節目裡面,最好玩,係Oprah Winfrey 自己估寶箱, 最後d錢就會分比其中一位現場觀眾.  Oprah Winfrey版嘅Deal or no deal 開始啦!!但Oprah 第一個寶箱就係開到最大銀碼! ...到最後,攞到唔係好多獎金. 但d觀眾都好開心and 興份! 到抽現場觀眾,誰可以獲得Oprah手上寶箱獎金, 終於抽到一位中年女仕, 依位幸運兒and我都以為會攞Oprah寶箱嘅獎金,點知Oprah話: "你唔係攞依個寶箱d錢, 你果個寶箱係後面果位靚女道. It's 最多銀碼果個寶箱, 嘩!好驚喜呀! 我自己都戚起隻眼!  我最仲意睇Oprah Winfrey嘅show﹐就係因為睇依個show有好多無窮驚喜!所以,我好仲意睇Oprah Winfrey's show. 校定時間日日錄!

   而"Deal or no deal"(美國版)and(加拿大版) 我以前都有錄黎睇,但邊有咁多時間吖! 所以,放氣唔錄!記得先 睇下! 但我覺咁多遊戲節目,最容易玩就係deal or no deal 啦!唔洗考智慧,就咁上去講幾個number就得,完全靠運氣嘅遊戲! 哈哈! 我自己都想上去玩,....唔貪心就可以有獎金攞走 .哈哈! 上次,加拿大話想請deal or no deal 嘅model. 我想去,因為一定要有一個chinese面孔! ..哈哈!講笑咋! 邊夠膽...
   我都有watched 香港 "一擲千金",但香港d "一擲千金" 個主持唔識搞氣氛,d觀眾又唔係好投入同埋d美女集集同一件衫架! 但美國版, d 美女, 集集唔同衫, d衫又靚, 睇fashion都夠. 所以,我仲意deal or no deal 美國版 and 加拿大版多d.


Deal or No Deal主持---Howie Mandel,佢同Banker講野呀!

Oprah Winfrey玩Deal Or No Deal 呀! 一開就開大銀碼!

Deal Or No Deal班model. 次次唔同衫架!

睇下棵金錢樹. 最大銀碼係五百萬美金! 依集係平時個集deal or no deal,Oprah無份架!