香蕉蛋糕仔 with 食譜

               我見屋企啲香蕉

食黎食去都食唔晒!! 而且起晒斑點喇!! 咪整香蕉蛋糕...但我今次唔用loaf pan 焗

, 我係用muffin tin 焗

, 做到一個一個蛋糕仔

咁, portion細細哋, 食一,兩個香蕉蛋糕仔,

就已經過足口癮!!


             唔知點解

?Brian見我一入廚房整野食

,就會係梳化小睡

!! 我整完甜品,唔洗我叫,自己就會起身!! 我見佢起身咪叫他試味!! 但他次次都話ok!! 所以,我自己都唔知啲蛋糕係好味,定係馬馬哋!! Brian只係喜歡食朱古力蛋糕....他曾經主動叫我整朱古力蛋糕比佢食!! 其他甜品就無主動叫我整喇!! 我諗我依家都應該開始要學整其他口味嘅蛋糕, 擴闊我整蛋糕圈子! and 擴闊Brian 食甜點嘅口味!! 哈哈!!


                                           

其實仲有更多香蕉蛋糕仔...但我只係影咗依低蛋糕....因為我好鐘意依個小型muffin tin!!  講起蛋糕仔,我以前細個幼兒園放學, 如果係媽咪接放學, 媽咪都會買一包牛油蛋糕仔接我放學!! 我依家見到依啲香蕉蛋糕仔,突然間諗返以前細個添!! 哈哈!0

材料:
無鹽牛油 70 克
黃糖 30克
雞蛋  2隻 (打散)
麵粉 180克 (All purpose flour)
泡打粉 1湯匙
梳打粉 半茶匙
熟香蕉茸 3隻
果仁碎 適量
做法:
1) 預熱375 F 焗爐, 將2 隻香蕉壓碎. 第三隻香蕉切片 or 切粗粒準用
2) 將室溫牛油用打蛋器,打軟身
3) 分2至3次加入黃糖,繼續打勻
4) 分2至3次加入蛋漿,繼續打勻
5) 放入2 隻壓碎香蕉, 拌勻
6) 篩入麵粉, 泡打粉, 梳打粉,然後用膠刮拌勻
7) 將混合物倒入蛋糕模內,
8) 在面層放上香蕉片 or 香蕉粒, 再放上果仁碎
9) 把蛋糕放進預熱焗爐, 以375F ,焗 20 分鐘. 即可. (*要睇火,因為每個人的焗爐溫度不一)

*這個食譜, 大概可以做到30 個小型蛋糕仔, 因為我係用mini muffin tin 做架!!  但大家可以用 loaf pan 焗, 而依個食譜我係在我blog 友 (好朋友)個樹學返黎, 但自己再改良咗少少!! 哈哈!