其實仔仔未到,我就成日同Brian講, 遲啲仔仔到咗我哋會同仔仔去邊!!會點點點!! TT 仔仔終於到咗,當然係帶TT 仔仔
周圍去喇!! 最雀躍當然係Brian 喇!!
Jan 10 (Thursday) 第一站, 就當然去食雪糕喇!! 我就最喜歡就係食雪糕
, 所以, TT仔仔一到就要去食我至愛嘅gelato 雪糕店
,食意大利雪糕!! 點知,我去到間Gelatio店就摸門釘,無開門! 唔知啲意大利佬係未仲放緊聖誕and 新年假!!? Anyway, 無雪糕食, 就同TT 仔仔一齊行街, 行咗啲電器鋪(Future shop and best buy, Canadian Tire), 行完之後,見未肚餓食dinner, 又近近哋supermarket...就順便同TT 仔仔買餸
!! 哈哈!!! TT第一次同我買雞蛋
,牛奶
and 果汁
呀!! 之後,去食dinner!! 去食Chinese 野!! 清清哋,我同TT and Brian 去咗食粥
, 咸魚雞飯
星州炒米
and 炸兩
!! 但由於太多人又好唔好意思影相!! 雖然第一日渣仔仔
周圍去, 行我同Brian成日去嘅地方! 啲地方都好普通!! 但由於有仔仔陪住我哋!! 沿途返屋企都份外開心!! 我仲周圍摸仔仔,門柄又摸, 出風位又摸, hifi 又模, 窗口制又摸,總之就咩都模下!!!了解多啲仔仔!! Brian就試下車的性能, + and - 波, 咩都試一餐!! 哈哈!
Jan 11(Friday) 由於仔仔係第二個省黎, 所以,今日專登請假,去
政府部門嘅運輸處搞啲野!! 一朝Brian就帶TT仔仔check body...攞齊啲文件
,
下午Brian才叫醒我, 去政府運輸處...去到當然係排隊喇!! 等叫number...我等咗好耐,等到想瞓, 雖然,等得耐, 但我TT 仔仔終於搞掂, 我TT仔仔終於係多倫多車喇!!
我同Brian就再帶仔仔出街! 今日再兜去睇下間gelato 店有無開門, 真係比我恨到!! 開咗門呀!! 即刻叫Brian 同我入去食!! 一道望住 TT仔仔一道食!! 今杯雪糕
食得好開心
, 因為有TT 仔仔 and Brian陪!!! 食完之後, 去超市買定材料
返屋企打邊爐
慶祝TT 仔仔成為多倫多人!! 今餐邊爐以魚
為主!! 因為想食清淡啲囉!!
而家Brian好仲意出街,我哋食緊晚餐,Brian已經問定我,聽日想去邊樹行街....務求要日日見到TT 仔仔,哈哈!! 好似大細路!!
終於比我恨到,意大利雪糕店開咗門!! 可以望住TT 仔仔一齊食!0
打邊爐材料, 好簡單, 以食魚為主!! 今次試咗小籠包打邊爐, 原來小籠包打邊爐好特別!! 啲肉汁好好味架!!
打邊爐喇!! Brian你快啲坐埋位, 開飯喇
!! 依日都有一邊打邊爐一邊飲啤酒...好爽!! 哈哈!
依架電單車仔好特別, 我係行街(Canadian Tire-- 家用專門店) 見到即刻影低, 我諗依架電單車仔係比小朋友架!! 依家啲細路真幸福!
**Jan 11號夜晚, 一返到屋企,開電腦就好開心,因為我個好朋友(爆炸魔女,blog 友)已經同我三妹見咗面!! 我好興份呀!! 爆炸魔女仲專登開咗篇網誌----講述: 和我三妹約會嘅經過!! 依篇文章..我睇完又睇!!! [ 依件事我一定要係依度記低...因為好開心!! ] 我依個朋友好客氣仲話會送野比我!! 其實,我不是貪圖什麼禮物...而我係blog裡頭, 可以識到啲咁啱傾, 咁關心我的朋友.....
有新車，去邊度都覺得特別d。你地架係stick shift定automatic呀？
ReplyDelete打邊爐食小籠包，又幾特別bor，我地通常都係食水餃，雲吞個d
[版主回覆01/18/2008 08:55:00]Mui: ~我個TT仔仔係新嘅System,叫DSG (direct shift gearbox) 係用電腦clutch!! 唔洗自己踩clutch!! 方便好多!! ~我哋成日打邊爐, 所以, 成日都食水餃,雲吞,所以,想搞搞新意思!!
一路開車..一路食雪糕! 我試過幾過癮...
ReplyDelete[版主回覆01/19/2008 18:22:00]小威威: 我杯雪糕係堂食!! 我係坐係雪糕店窗口傍邊,一邊睇住TT仔仔一邊食雪糕!! 唔好意思, 我啲wording 令到你誤會添!! 我好少係車食野!! 因為怕整"烏祖" 車裡面囉!!
你記得同佢沖涼呀, 你知啦, 冬天條路好污糟呀
ReplyDelete有無噴防鏽呀?
[版主回覆01/19/2008 18:27:00]通少: ~ 我已經幫我TT仔仔沖過一次涼, 但沖完第二日又落雨and 雪!! 又烏遭晒喇!! 等好天再洗喇!! 我住apartment..所以,好難自己洗車,都係入完油,順便去油站洗車! ~ 有呀!! 做咗防鏽!! 係加拿大啲天氣,唔做唔得!!
見到你打邊爐，我都好想打呀．．．而家好肚餓，一陣煮麵食先！
ReplyDelete你真係講到TT仔仔好似你同Brian生出嚟咁呀，好攪笑呀！．．．我就替TT仔仔慘喇，你地兩個有得食，有暖氣，而佢就要喺條街度吹風．．．哈哈！
我成日都想問你架喇，又唔記得．．．．你地好鍾意食辣嘢架？我見你地打邊個湯底次次都好似係辣嘅？係咪一包包湯包嚟架？？？．．．．你地成日打邊爐，有冇煲涼茶或買沖劑飲架？？？
唉，真係愈講愈肚餓添．．．．我聽晚都要打邊爐呀！
[版主回覆01/19/2008 19:07:00]爆炸魔女: ~ 我好鐘意你依個bear bear icon 呀!! 好cute呀!! ~ 唔好意思整到你肚都餓埋添!! 你肚餓就食野先,唔好餓襯呀!你第時食咗野先寫回覆比我喇!! 哈哈!! 但你有時啲蛋糕都搞到我流晒喉水架!! 哈! ~ TT仔仔黎咗之後真係好興份...日日都想見0下佢,掂0下佢!! 將來我真有仔仔...我諗我會全神貫注日日抱住個仔!! 哈哈!! ~ 我依邊係依排又凍返,我都唔係好捨得TT仔仔出街!! 但加拿大嘅冬天,有幾可唔凍,唔落雪!? 買咗TT仔仔無可能唔渣...應渣就渣!! 咁我喜歡食雪糕嗎!! 所以,天氣零下幾多度都想TT仔仔陪我食雪糕!!謂有食完雪糕,去油站獎勵TT仔仔!! ~ 你估得無錯,我同Brian好仲意食辣野!! 食火鍋首選麻辣湯底!!你好留意我呀!! 我哋真係次次打襯邊爐都係辣湯底!!啲辣湯底係chinese supermarket 買架!! 係一包包!! 你有無聽過小肥羊?? 我有時係買依隻架!! 但多數買"草原紅太陽"--涮肥羊辣湯底!! (因為辣啲and 香啲). 清湯---就喜歡皮蛋弦西湯!! 而家香港凍返,打邊爐就最啱!! ~ 我想問啤酒算唔算涼茶,間唔中打邊爐會飲啤酒!! 食完邊爐多數會沖中國茶飲!! 其實,我媽咪比咗好多涼茶即沖--沖劑比我!! 好似菊花茶,夏嗓菊,花期參,仲有啲沖出黎黑蚊蚊嘅唔知咩名嘅涼茶!! 但我唔係成日飲架!! 真係喺電話,媽咪叫到先沖黎飲!! 或者自己病喇!! 先至飲!! 係咪好唔乖呀.....!
架mini電單車我係上次個電單車展都見過呢類型，真係好得意架，我都有坐上去影相架！
ReplyDelete[版主回覆01/19/2008 19:11:00]爆炸魔女: 哈哈!!又會咁"橋"...我哋大家會見過依架mini 電單車....而我就無坐上去!! 我見到得意,就影張相作留念!
幾時會帶TT仔遠遊?
ReplyDelete有冇諗過好似H.K果D("忽時")人咁,買返塊車冚笠住仔仔!?
呢個sunday又開始凍,我都打邊爐先!
(我見你唔係用gas爐,用電果d係咪冇咁好火力?)
[版主回覆01/19/2008 19:33:00]高貓貓: ~ 本來都想同Brian去母校睇0下!! (母校遠離多倫多2個小時),但而家天氣又凍,而且有啲懶, 唔想渣太耐車,所以,遠遊個plan....壓後咗!! ~ 我估你話...用車套笠住仔仔?! 唔洗用車套....因為係apartment 都拍空內停車, 都ok架!! 而且我樓下個car park洗日都洗地,都好clean!! ~ 係呀!!依排突然間又凍返,仲好大風,吹到頭髮都亂晒!! 真係唔梳頭出街都無人知!!哈哈!! ~ 你又打邊爐呀?? 咁凍打邊爐最開心!! ....我係用電爐打邊爐,我貪唔洗買gas 囉!! 電動其實同我哋煮飯嘅爐頭差唔多!! 啲火力有得調教!!一熱咗就好猛, 但火力,我覺gas爐好啲!!