Jan 4,08 (friday) 08 年第一個weekend.....好似等咗好耐咁, 可能真係放得聖誕節假期
太耐... 一到星期五晚, 就好似中學時放學咁.....就即刻衝咗出街行!! 當然, 同咗Brian一齊去街行
, 睇下野,食下野咁囉!!! 啲經濟好似好好咁,去電器鋪
...好多野反而升咗價...哈哈!! 我就係咁睇電動打發機, 本來
粉紅色
個果Brian話加咗價都照買!! 但一問售貨員...原來個
粉紅色打發機
come with 好少配件
!!! 有啲唔實用!! 所以,去其他店鋪框下先...因為想買個實用啲!! 最後,都未有收獲...
之後,行咗去食泰國野
,做dinner!!! 本來唔係好肚餓, 但等位等到好餓....所以,啲泰國食物
(綠咖哩 and 紅咖哩) 一黎就係咁食, 無影到相!! 而且依間泰國食鋪好多人, 一定要"答" table ...所以,一張table 有多人, 因此, 都唔好意思影相!!!唔知係咪太耐無食過太辣
, (因我哋order 超辣),食完咖哩個胃有啲shake....哈哈!! 好彩返到屋企飲杯熱茶
就無咩事!!
Jan 05,08 (Saturday) 我好早,好早起身, 因為業主話派人黎睇廚房 and 洗衫房 (度位)
....無理由人哋黎check 野, 我仲抱住張棉被
, 着住睡衣
咁核突!!! 所以,份外早起...get ready!! 好彩好on time.... 黎到.
搞掂之後, 就同Brian去麥當當食早餐
...我叫咗個早餐全餐
, 但個早餐貌相唔好睇,所以,又無影到相!!! 之後,去chinese supermarket買餸, 買新鮮魚
and 蠔準備dinner打邊爐
!! 唔知點解,
依邊啲chinese supermarket要講國語先得!! 講英語都好似唔知你講咩!! 我好不容易先形容到我要一條游水則魚...仲要起肉.....!! 我係等魚哥哥幫我切魚途中
, 我還幫了一個外籍人士翻譯....個外籍人士好好笑, 買完野,仲以為要馬上比錢切魚哥哥!!! 我話比錢要去前面cashier架
!! 其實,依個係個別例子...有啲外籍人士係chinese supermarket買餸, 仲熟過我....連榴鏈放係第幾行都知!! 哈哈!!! 買完一大倫餸
....雖然好攰....但隔無一陣又出咗街....行商場
(Sherway garden)......我就無收獲, 反而Brian買咗條皮帶
and 一條西褲....very good...為返工至新衣
!!!
行完街, 真係腳都攰埋.....但要prepare dinner...好彩係打邊爐!! 只要切切...洗洗就ok!! 到打邊爐....個人開始精神啲....好耐無同Brian打邊爐
...所以,食得份外多野
!! 但都係食剩好多野, 謂有...放返去雪櫃...遲啲再食過!! 食完又開始sleepy
...都唔知點解近排....成日都想瞓
!!!瞓極都唔夠!
最喜歡係屋企打邊爐, 因為食幾耐都得,又可以食下停下都得...今餐邊爐買咗條新鮮魚, 剩係食魚都已經夠!!! 仲有山竹米粉, 吸收晒火鍋湯...very good!!0
Jan 06, 08(Sunday) 經過, 前兩日,周圍框街.....我今日好攰...所以, 成日都坐咗係屋企休息....邊道都唔去!! Lunch都係淥個台灣山竹米粉食
, 近排我至愛食山竹米粉
, 好好味!!! 而依日最大娛樂係watch tv
.(睇咗香港音樂辦獎典禮)..and一邊食聖誕節啲禮物包
!!!Brian係聖誕節返自己屋企攞咗好多聖誕禮物包啲餅and 糖果返黎...由於他屋企人唔係好食零食!! 所以, 就比晒Brian.....叫Brian和我一齊分享! 算喇!! 食完先keep fit....但我都唔知點keep...謂有平時坐少啲地鐵,行多幾個站
返屋企喇!!!!
年年過完聖誕節返番自己屋企.....都會有一大推零食!! 大部分都係聖誕禮物包啲野食!!多數啲零食都係...餅, 果仁, Jam and朱古力!! 我and Brian會慢慢清得晒!0
Sunday 邊道都唔想去,....個 lunch都好求其, 見雪櫃有打邊爐材料剩, 就滾埋山竹米粉一齊食!! 依個hello kitty 碗, 係聖誕節買架!! 貪依個碗夠大,咩都放得落去,可以一邊watch tv 一邊食, 唔洗去廚房再添!!0
好多零食喎,有排你哋食喇~~~前排成日出左街都好想起屋企休息下~~~
ReplyDelete[版主回覆01/09/2008 18:14:00]檬檬: ~ 我次次post親新網誌, 你都覆得好快...多謝支持! ~ 講真,我好仲意食零食, 以上啲零食都會好快清晒!! 哈哈!! ~ 你都有同感呀!!出得街多, 都好想係屋企rest多啲!!!此於,都係屋企最舒服!!
我都好鐘意打邊爐架....臨尾用個湯底淥啲米粉食, 吸晒啲湯裡面嘅精華...真係超好味....真係唔理佢肥唔肥....
ReplyDelete個Hello Kitty碗好靚喎...又夠大....最好用嚟載啲麵食架喇...一碗過...正...
我喺爆炸魔女度知道你好耐...但成日都唔記得過嚟拜訪吓你....以後...我會多啲嚟....等我慢慢睇返你以前啲網誌...再認識你多啲先....嘻...
[版主回覆01/09/2008 18:44:00]小妹: ~ 好多謝你...探訪我個blog!! 我好surprise 你會留言比我...你仲話要慢慢review我以前啲網誌,你真係好有心...!! 我一見到你留言比我,我就即刻去你blog個樹作出回應, 一開你個blog, 就見到一張好sweet and 好touching 的手拖手嘅相!! 我都好開心 and 好慶幸, 可以感受到你人生最美麗的一頁!! Wish you both.....Happy forever!! ~ 我都係爆炸魔女個道知你的名字, 每當我去爆炸魔女個樹回應都會見到你!! 有時我寫完回應比爆炸魔女,我都會讀埋你啲回應先走(sign out)哈哈!! ~ 至於,打邊爐,..我同我男朋友都超級喜歡架! 連夏天都照打,哈哈!! 打邊爐啲湯真係好正!! 最後,加個粉 or 烏冬...好好味架!!算喇!! 一餐半餐打邊爐粉...食咗先再諗!! ~ 係喎!!你喜歡hello kitty嗎?? 我好喜歡hello kitty架!! 我諗我都係hello kitty...所以,令到我and 爆炸魔女拉近, 之後,成為好好傾嘅blog 友(好朋友). 我諗我都要多謝爆炸魔女...因為我哋透過爆炸魔女而認識大家!! Nice to meet you,小妹!
哈哈哈, 2條友打邊邊咁多野食, 更係有leftover啦
ReplyDelete你哩幾日有d 共通點, 就係食, 訓, 行街, 同睇電視呀, 哈哈哈
[版主回覆01/10/2008 05:11:00]通少: ~ 我哋好仲意打邊爐,而且口味都好相似, 所以, 夏天都會照打邊爐架!! 哈哈!! 因為打邊爐好方便, 又玩得, 又唔洗我煮,只係切切,洗洗,就ok! ~ 你知,打親邊爐,就咩都想食,但個胃邊有咁多位吖!! 所以,都係食咗新鮮先...可以雪凍個啲就遲啲食囉!! 留第二日淥麵or 粉囉!! ~ 哈哈!! 08年第一個weekend...就瘋狂玩咗一日半,就到咗星期日都已經好攰...要休息下...所以,就仍成咗 食, 瞓, 行街, 同睇電視!! 但我已經覺得好relax!!
終於等到你既新 blog 喇....我都好鍾意打邊爐呢
ReplyDelete[版主回覆01/10/2008 17:28:00]心樂: ~ 係呀!我返黎喇!!你都多啲上黎喇!! 得閒黎我依樹坐下喇!!! 哈哈!! ~ 打邊爐又好玩,又方便...所以,我仲意!! 你都仲意打邊爐架!!你男朋友而家好返晒!!就同男朋友一齊打邊爐喇!!!
我好少去買魚，乜原來可以叫起肉架？等我下次都試下先，不過我既國語唔掂bor，起肉點講呀？
ReplyDelete[版主回覆01/10/2008 17:49:00]Mui: 我都唔知魚有得起肉架!! 係我男朋友返西岸時同他屋企人去 t&t買魚先知,有依個服務!!返到黎Toronto就照同啲魚哥哥講要起肉.....但由於買魚哥哥唔係好識廣東話...就用英文講。。條游水魚,要處理到一片一片filet...之後,個魚哥哥都唔係好明..就講"起肉" (qi rou) 兩個字國語比他聽!! 加埋手勢..咩語言講一多次,又好似明....但我男朋友話依邊多倫多起魚肉起得唔好!! 係西岸,真係起到咩骨都無架!!! 今次買咗條魚返到屋企都係我要跟手尾!!
嘩嘩嘩！你又係咁食食食啦，你唔驚第日變肥妹仔呀？
ReplyDelete我見到你、小妹和細細粒好好傾喎，仲成日見到我個名添，唔怪得我打乞嚏啦，哈哈哈！．．．．．．見到你地咁，我好開心呀，以後我地四個就會更加close喇！
你隻Kitty碗裝咗麵又幾靚喎，但我之前冇買呀，因為我有好多碗碟，所以要忍手呀！同埋我比較喜歡made in Japan嘅貸，所以我盡量留返買Japan貨架！你而家呢隻係made in H.K.架，不過唔緊要啦，我講d俾你知咋，等你可以留意吓分別．．．．．
小妹同細細粒唔鍾意Kitty架，淨係得我地兩個鍾意咋．．．以後你再慢慢了解吓啦！
Brian嘅屋企人都幾好喎，都會叫Brian帶零食返嚟同你一齊share．．．
[版主回覆01/10/2008 18:27:00]爆炸魔女: ~ 依排真係食食食!! 而家已經開始要節濟飲食喇!!衣櫃裡面有啲褲好多唔着得!!要打入冷恭喇!! 但唔可以再"眾"容自己...Now,我只可以比自己係weekend先食多少少!!平時以多菜為主!!去買野唔坐地鐵, 用步行方式去買野!! 希望work 喇!! ~ 學小妹話齋,你係我哋嘅媒人, 令到我哋四個連埋一齊,我覺得,依個感覺好特別...除咗可以約埋打麻雀,仲可以互相了解!! Very good!! 講真我對四方城都係一知半解!! 因為我都係舊年先學!! ~ 你好似hello kitty博士呀!! hello kitty係邊陣時出咩你都知!! 好彩有你教我買hello kitty!! 我都覺Made in Japan會值錢啲,我以前住大學residence,都有買hello kitty 鑊剷,湯羹, 杯仔,筷子...但我係大學時成日搬黎搬去...都唔知放咗去邊喇!!! 諗起都激氣!!哈哈! 而家我會清楚留意hello kitty先買架喇!! thanks!! ~ Brian屋企唔止比零食叫我同Brian分享, (Acturally,我喜歡食零食多過Brian) 其實,Brian's 媽咪都間唔中送野比我,又送手錶, 絲巾,而家又話係西岸寄緊份禮物比我!! 有時都唔知點多謝他媽咪好!!
唔記得問添．．．．．
ReplyDelete打蛋器要有好多配件嘅咩，多嗰d有咩嘢配件跟架？．．．我而家呢個都係好basic咋，咩唔係最重要有幾多段馬力嗎？我唔係幾識呀，你教吓我啦！
[版主回覆01/11/2008 05:09:00]爆炸魔女: ~ 我都唔係好識現今啲打蛋器, 有幾新穎!! 但我原本個 就跟兩set 唔同嘅 (依啲我叫配件), 打蛋黃用一set,打蛋白用一set!! 我媽咪個打蛋器有三set, 仲有一set係可以用黎攪重形麵粉糰做麵包!! ~ 我本來想要粉紅色果個係跟一set 依啲,但啲馬力就有digital display! 貴在係電子control. 但我自己用慣,有兩set-->依啲 , 所以,想買返好似個啲style! 而馬力,我諗隻隻都差唔多掛!! 我都係識咁多咋!! 我都係識得好皮毛!! 啱我用 and 實濟就算架喇!
我都唔知買魚可以起肉! 係咪剩起魚肉?定幫你切埋片?
ReplyDelete咁唔知象拔蚝(geoduck) 可唔可以叫佢起肉呢?我成日打邊爐都想買,但又怕唔識整,晒咗佢!
[版主回覆01/11/2008 05:23:00]高貓貓: ~ 其實,我都唔知可以起肉依個服務!! 起肉即係幫你整到條魚好似filet 咁!! 我男朋友係西岸t&t 買魚先知有依個服務, 他返到黎咪照同啲魚哥哥講, 但多倫多依邊啲魚哥哥切得無西岸咁好!! 我條魚雖然起肉,但仲有好多手尾我跟(因為仲有骨), 跟完啲手尾之後,仲要自己切片!! 但都save咗我唔少功夫!! ~ 象拔蚝, Sorry!!我都唔知可唔可以起肉切薄片!!我都唔識切..我剩係知道魚可以起filet 囉!!Sorry!! 幫唔到你解答!!!
Ｖｉｃｋｙ，
ReplyDelete～買咗咁多零食怕吾怕肥先？
～我都好鐘意係屋企做大懶虫～
[版主回覆01/11/2008 05:59:00]MaGGie: ~ 啲零食係男朋友屋企聖誕節收到啲禮物!! 男朋友屋企人都唔食零食, 咪攞返黎多倫多同我分享囉!! 我而家都好怕肥,開始留意飲食!! 適可而止! 但weekend就會放自己假,食多少少!哈! ~ 係屋企做大懶蟲,好爽架!
嘻...又會咁岩嘅....我又係每次留完言給爆炸魔女...我都會再睇埋你俾佢嘅回應架....嘻...
ReplyDelete係呀....爆炸魔女講得冇錯...我唔係鐘意Hello Kitty架...不過都唔係唔鐘意果隻囉....但我覺得呢隻碗又真係幾靚喎...
咁爆炸魔女咪做咗我地嘅媒人?....哈哈...
[版主回覆01/12/2008 15:44:00]小妹: ~ 爆炸魔女都話咗比我知, 你唔係咁like hello kitty...It's ok!! 唔同人有唔同喜好!!多謝你欣賞我依個hello kitty碗, 我係boxing day見到有得買就買囉!! 哈!! ~ 我都覺爆炸魔女係我哋媒人,將我哋拉埋一齊!! 我都會學你,如果我有機會,同等時間無咁忙就會睇返你以前啲blog再了解你...哈哈!! 但依排好忙,好忙, 睇咗你啲新網誌,...就懶去睇你以前果啲..但我一有時間就會睇架喇!! 我見你都好喜歡煮野食,一定要參考下!! ..... ~ 我哋成日講爆炸魔女依個名,我真係怕她會成日打 乞嚏,打唔停呀!!哈哈!!
咁奇怪?? 加拿大CHINESE SUPERMARKET 職員唔識英文?
ReplyDelete[版主回覆01/14/2008 16:23:00]小威威: 係架!! 有似事架!!
好正的hotpot ! I like it.
ReplyDelete[版主回覆01/14/2008 16:26:00]happy Girl: hotpot真係好好玩,而且會比平時食多咗野!! 哈哈! 我走咗去你個blog...都見你話打邊爐,..好yummy呀!!