到星期五
食完飯....我同Brian出咗去街飲咖啡
自家晚餐
近排天氣好凍
, 出襯街都好大風, 真係想留係屋企食啖飯暖下肚!! 平時嘅我係閒日...食三文治就算架喇!! 真係好懶煮.... 但我依排就無懶到會煮飯餸食
....雖然我煮啲好簡單嘅餸菜, 但食完飯, 成身真係會暖啲架
!!
番茄豬扒, 白烚蠔油生菜 and 肉碎豆腐(少辣).0
到星期五
, 天氣繼續好凍
, 好似-17度
, 真係...喺街企多陣都唔掂, 但依日好想食啲特別野...但唔係好想出街食飯. 所以,Brian and 我一放工就渣車
去超市入貨, 順便買餸, 由於我同Brian都好鐘意食魚
, 外國人啲超市好少有游來游去嘅魚賣,... 因此,一去chinese supermarket就買咗條新鮮魚!! 之後, 咁啱比我哋見到有冰鮮台灣臭豆腐賣, 就買返屋企試下!! 再買啲立立什什野就返屋企喇!! 星期五dinner 就煮蒸條魚, and 台灣臭豆腐
喇!! 我都係第一次食家庭裝嘅台式臭豆腐, 一打開盒臭豆腐, 原來有好多汁架...就用煲上喇
, 順便可以用豆腐啲汁淥啲菜食
...特別啲!! 再煮個飯
...就開飯喇
!! 雖然得兩個餸, 但Brian係依餐dinner 都有幫手架!
食完飯....我同Brian出咗去街飲咖啡
!! 此終,都係weekend 開始....想出下街!! 唔知係未天氣比較凍, 連咖啡店都少人幫襯啲!!
睇下吖!! 我係超市買咗幾多餸!! 幾多膠袋放係車尾呀!! 我一入超市就失控,咩都買一餐!! 返到屋企當然蒸條新鮮則魚食喇!!0
依盒咪係冰鮮台式臭豆腐囉!! 真係有啲臭架!! 但係就好辣,好辣...食時仲打咗幾個"客痴"
!! 由於依個臭豆腐好多汁, 就索性攞個煲 and 電爐出黎...順便淥啲西生菜 and 普通豆腐食!! 因為一盒台式臭豆腐只跟兩磚豆腐..有啲唔夠,所以,就攞啲普通豆腐一齊淥黎食!!0
到星期五
食完飯....我同Brian出咗去街飲咖啡
Subscribe to:
Post Comments (Atom)
我好少買魚整，一來里度無新鮮既賣，二來唔識蒸，你個條要蒸幾耐呀？
ReplyDelete[版主回覆01/24/2008 14:59:00]Mui: ~我係海鮮中最喜歡食魚...好彩Brian都食魚!! 其實,蒸魚有formula 架!! 1.5磅魚,大概要蒸5-6 minutes...!! 要水滾先放魚入穫蒸, 擒蓋就計時!! 咁就得!!! 蒸完魚, 淋啲熟油 和李x記蒸魚醬油係魚面,就得架喇!! ~我都發覺多倫多少魚食!!係溫哥華多好多!
臭豆腐煲, 好特別喎
ReplyDelete不過, 我都係喜歡hk d 臭豆腐多d, 哈哈
[版主回覆01/24/2008 15:02:00]通少: 其實,我都喜歡香港啲臭豆腐多啲,但依邊都無得賣,咪食住台灣果啲先囉!! 依包台灣臭豆腐好辣架!! 味道仲馬馬!! 所以,食埋今次都唔買架喇! 哈哈!!
咁凍又真係唔願出街既,-17度喎~~~~我哋lee邊10度已經想死喇~~~
ReplyDelete[版主回覆01/24/2008 15:25:00]檬檬: ~ 講真我好怕凍,我比平常人着多啲衫先出街架! 所以,冬天出街需要好多時間着衫,到返到屋企又要花多啲時間除衫.....所以,冬天都係雖然先出街!! ~ 香港10度,都好凍架喇!!因為係香港大部分地方都無暖氣!! 所以,係屋企都會感覺到凍!!
原來你好鍾意食辣既!!
ReplyDelete[版主回覆01/24/2008 15:52:00]cat cat: 係呀!! 我好辣架!! 好細個已經跟媽咪食辣!! 因為感覺食完辣野成身暖晒!! 我依邊又凍,所以,成日都想食辣野!!
我都好鐘意食豆腐,當然唔係食人豆腐啦! (唔知你明唔明?)
ReplyDelete[版主回覆01/24/2008 15:59:00]高貓貓: 乜你講埋依啲野架!! 哈哈!! 我明架!!
寧記係好出多食麻辣火蝸架,我都試過買佢出品既湯底,真係辣到跳舞,簡直係嗜辣者既良品呀
ReplyDelete[版主回覆01/24/2008 16:05:00]陶陶夫人: ~ 我都係第一次買寧記食品!! 寧記啲麻辣,,真係好麻 and 辣!! 食到頭頂都想着火..哈哈!! 但我好喜歡食辣架! 所以,打親邊爐都係打辣湯底!! ~ 但依盒 臭豆腐,我就認真麻麻哋,食埋今次,下次唔會再買!!
睇落又真係幾得意喎~~~可惜我唔太食臭豆腐丫....
ReplyDelete而家都有唔少女仔會整餸, 唔知我會唔會加入呢個行列呢
[版主回覆01/24/2008 16:19:00]細細粒: ~ 我都幾懷念香港啲臭豆腐,我係依邊無港式臭豆腐食, 咪食住台式臭豆腐(凍鮮)果啲先!! 但都係馬馬哋好食!! ~ 我都係學咗煮飯無幾耐, 有時煮飯都係迫出黎架!! 跌跌碰碰, 就會學到啲!! 我初頭煮野食都錯漏百出,而家先至話入得到下口!! 你就結婚, 又搬咗新屋,...你遲啲應該會對廚房產生感情架喇!! 哈哈!!
始終香港旺角的油炸臭豆腐最好食呀!~
ReplyDelete[版主回覆01/24/2008 16:21:00]小威威: 我以前都好鐘意同啲朋友去旺角食小食架!! 好yummy!
咁凍不如整個自家邊爐!!
ReplyDelete呢都排 我都成日打邊爐呀~~
嘻嘻
[版主回覆01/24/2008 16:33:00]炭炭媽: ~ 係呀!!好凍呀!!我依邊好凍,日日至少-10 幾度!! 真係唔想起身!! 我好喜歡打邊爐,因為覺得好好玩!! 所以,襯住依家凍,打多啲!!哈哈!! 但你發唔發覺一打開邊爐就會食多咗野架喇!! ~ 我都知香港好凍,你同炭炭都小心身體...因為就chinese new year...要出去逗利事架!!哈哈!!
臭豆腐．．．．我就最怕喇，聞到都要走遠d呀．．．．．．
ReplyDelete你整嗰個肉碎豆腐叫做【麻婆豆腐】呀，整得幾好喎，衰鬼．．．．．真係好少見到你食新鮮嘢，通常平時你地多數食雪藏嘢．．．．．見到你蒸魚，真係眼前一亮呀，條魚知唔知叫咩嘢名呀？？
我呢幾日開始陸續清潔屋企喇，所以之前又少咗時間係度逗留，遲咗覆係呀．．．．．
[版主回覆01/24/2008 17:15:00]爆炸魔女: ~ 首先想講...你條魚魚icon好cute呀!!係咪見到我蒸魚,所以,你送個魚魚icon比我呀!! 哈哈! ~ 臭豆腐,你唔食架!! 我係香港都食架!! 但近排去超市見到有冰鮮臭豆腐食,咪買返屋企食囉!! 但係味道就馬馬!! 下次唔買喇!! ~ oh yeah!! 應該叫麻婆豆腐,差啲唔記得依個名..哈哈!! 我見近排好凍,咪整啲辣野食下囉!! 無理由成日打邊爐架!! 咪整咗依個麻婆豆腐送飯囉!! 依排食返飯,無再餐餐都三明治...因為食飯會暖啲!! ~ 我依邊啲西人超市好少有游來游去嘅海鮮賣架!! 如果要買新鮮魚, 要去特別魚市場先有得買新鮮魚!! 但唐人超市會有游來游去啲魚賣架! 我依條新鮮魚係唐人超市買架,個名係叫" 魚則" 魚呀!! (<---係Brian教我買) 蒸一蒸, 再加熟油 and 李x 記蒸魚醬油就ok!! 我係海鮮中最喜歡食魚架!! 好彩Brian都喜歡食魚!! 但多倫多魚嘅選擇比較少!! ~ 你多數一個月都會為間屋進行大清洗!! 你keep得間屋好clean呀!! 就黎又到chinese new year. 我諗你一定會份外大清洗屋企!! 你遲咗覆我都ok架!! 你慢慢喇! 我唔mind 架!! 你做完自己野先寫blog喇!
喂喂！你嗰條叫鰂魚呀，唔係叫魚則呀．．．．你要教返Brian先至啱呀！
ReplyDelete[版主回覆01/25/2008 15:20:00]爆炸魔女: ~ 我今日又去chinese超市, 望到個牌,原來係叫鯽魚!!(應該係你話個名).... 哈哈!! 我對魚的名稱好陌生架!! 連依個 "鯽"字我都係第一次見!! 哈哈!! ~ 我真係要慢慢學!!