冬至飯--雞蟹窩

December 22,2014 (Monday)

原來, 我臨近聖誕, 係會比較優閒啲.

定係節日嘅氣氛影響. 總覺啲時間好易過.

相反, Brian 就好忙碌, 忙到9pm 先off.

咁又係, 外籍人士點知咩係冬至?? 點會無端端早啲off.

其實, 9pm 先食冬至飯, 我都無咩所謂. 食到就得啦!!

最開心係見到, Brian肯力爭上游

至於這年, 冬至飯, 去咗打邊爐呀!!

待應向我們推介-----雞蟹窩.

聽落去, 雞和蟹, 好似好少放埋一齊.

但這個窩, 很受歡迎.

而且, 冬至飯, 通常都是吃雞和海鮮.

所以, 我哋就試下, 這個「雞蟹窩」

嘩!! 個「雞蟹窩」黎到, 真係不得了, 個窩啲湯好鮮甜. 我哋忍唔住, 不段係度飲. (平時, 我哋好少飲火窩湯! 好彩, 飲咗成晚, 都無口渴)

「雞蟹窩」裡頭, 還有成大隻蟹, 大量斬件雞, 薑, 大蔥及蒜頭. 怪不得, 啖湯會咁甜啦!!

而且, 份量幾多, 啱晒我哋大食嘅人!! 哈哈~~

冬至飯, 食到啲特別嘢, 個感覺令捨開心啲.


↓冬至飯, 去咗打邊爐, 叫咗個「雞蟹窩」, 個湯底有雞又有蟹, 真係啖湯都甜啲. 當然啦, 打邊爐, 就叫埋肥牛, 肉丸, 餃子,魚滑....一大堆. 不過, 個窩裡頭隻蟹肉, 都好鮮甜

 

↓食完個「雞蟹窩」, 用個湯底淥個碗麵, 真係最好味, 由其是啲湯, 夠鮮甜, 啲麵又索咗啲湯汁, 全餐, 依一碗麵, 最美味!!

-----------------------------------------------------------


鏡頭一轉

又去到第二日嘅晚餐.

這天, 係Auntie T & Uncle T 結婚周年紀念日.

當年, Brian 爸就是為這個Uncle T 做伴郎.

所以, 這位Uncle T每年結婚紀念日, 都會請Brian 爸食飯.

由Brian 爸開始, 再請埋Brian 媽, 之後, Brian 出世, 又請埋Brian. 到我加入Brian 屋企. 又邀請埋我, 食依一餐飯. 



↓Uncle T 結婚周年紀念日, 去咗食中餐. 環境都ok. Uncle T 是愛酒之人, 所以, 飯菜未到, 已經開酒, 首先飲支香賓

 

↓又有紅酒, 還有支好特別嘅甜酒, 甜酒裡頭, 有啲威士忌成份. 容易入口, 但飲到成身好高溫. 不過, 好鐘意依隻酒嘅特別配塔

 


↓這間中菜餐廳, 第一次黎, 首先食咗個併盤, 還有食咗隻好特別嘅雞, 因隻雞分開三個食法, 1)雞身內有魚翅, 2)雞底部執住鮑魚, 3)隻雞有金朴, 食埋啲雞肉

 

↓待應係我哋面前整上湯, 再加雞身內啲魚翅, 還有執雞底嘅鮑魚

 


↓還有, 椒鹽豬扒及牛利粒, 最後, 係杏仁蛋白糖水(好清甜)