我煮飯

November 18,2014 (Tuesday)

係咪好耐無見我啲煮飯相呢?

今篇blog, 就有得睇.

其實, 我真係好耐無煮過飯.

我真係差啲唔記得, 原來自己識煮飯.

但好好彩, 一煮返, 都pick up 到. (因我煮啲簡單嘢!)

無啦啦, 我要負責煮飯, 係因為Brian 父母, 又突然間, 自行book 機票, 自行去咗旅行.

瞬眼間, 得我和Brian. 兩個人

雖然有Nanny, 但我哋兩個放工時間唔穩定, 所以, 都無特別分付Nanny 煮飯.

但通常我放得早過Brian.

所以, 就由我負責煮晚飯.

↓我煮都係簡簡單單, 通常都係蝶頭飯, 但就搬咗自己啲心型廚具出黎, 唔好食都有個樣嗎. 煮咗咖哩洋蔥雞配飯, 還有黑椒汁雞翼配飯.

 



↓還煮咗麻婆豆腐飯, 牛肉奄例配撈麵.

 


↓近排, "飛陸"個樹, 瘋傳番茄飯, 就整咗餐番茄飯, 順手煲個青木瓜雞腳湯, 再加個咖哩雞煲, 就食得飯.

 


↓有時都會懶, 食下pizza, 食下餐肉蛋湯烏冬就一餐. 但就有湯飲.

 


↓我同Brian 係五香肉丁愛好者, 所以, 實整餐, 五香肉丁撈麵食, (平時, 邊可以咁樣食!!). 之後, 都係食啲外賣餸, 再加碗餐肉蛋烏冬, 再飲下啲湯, 就一餐啦!! 好求其 

 


↓煲咗個海帶花生眉豆無花果豬骨湯 (有啲材料, 我係Brian 屋企個廚房摷). 兩個人飲, 又食埋湯渣, 飲足兩餐先完.  所以有湯飲嗰餐, 再係咁二, 煮啲簡單野, 又可以開飯.  有一餐蒸腸粉, 開罐五香肉丁, 就一餐. 另一日, 又是開罐五香肉丁, 加碗餐肉蛋湯麵. 就攪掂

 


↓雖然, Brian 父母去咗旅行, 無人迫我食早餐, 但食開早餐, 真係會自動自覺食. 但食得好求其, 麵包, 藍莓, 乳酪, cereal. (啲cereal 係自己鐘意食嘅cereal, 唔食Brian 爸啲"雀叔"cereal)

 


↓零食,......哈哈~ 當然會食, 仲一邊睇電視, 一邊食!! 平時, 唔可以咁. 右手邊幅相, 盒圓型物體, 係蛋卷肉鬆條. 超級美味, 我短時間內清晒.

 


↓仲買咗條卷蛋當零食 (因我超愛食卷蛋), 還有糯米滋都係至愛.  ......而放工之後, 有時都會出街行, 買下買下, 立立雜雜咩都買啲, 零食, 雜不甩用品

 


↓我煮啲飯, 好簡單, 我飯後都仲有好多時間剩, 還有時間煮甜品, 整咗薑茶湯丸, 還可以同Brian 出街, 去下咖啡店

 



係咪有一個詞語叫"久違"?

好耐無同Brian 兩個人生活啦!!

突然間, 可以擁有二人世界. 有啲覺得依個感覺好特別. 好似曾經好期望, 但又好似要時間適應二人生活節拍咁.

但當然, 好享受這些時間啦!!

原來二個人生活真係好free.

久違了, 這一種舒服嘅感覺.