最後一激

December 5,2014 (Friday)

平時嘅閒日, 唔會玩到咁盡. 

但玩埋依一日, Brian 父母, 殺到黎啦!! 

我同Brian 都有啲掛住, 依個突然其來嘅二人世界. 

所以, 我哋係Brian 父母臨返黎一日. 玩盡啲啲.  哈哈

其實, 玩盡啲, 係咪等同虐待自己?

平時,超級唔願早起身, 點都瞓到最後一秒.

但為了玩盡啲, 就迫自己晨咁早起身. 為就為咗個, 港式早餐. 

因依一日之後, 就要食返Brian 爸準備嗰啲, 超健康早餐啦!! 


↓港式早餐. 

 



鏡頭一轉, 到咗放工時間,

好趕咁, 放工之後, 過足兩條橋, 走咗去溫哥華西部.

為就為咗, 同Brian 一齊, 行溫哥華西部嘅戶外商場。

依個戶外商場, 無黎大半年, 又多咗鋪頭營業, 而且, 又係聖誕, 氣氛更加好.

雖然, 去商場係咁行, 都無咩睇中嘢比自己. 但好enjoy 同Brian 兩個人, 在無時間限制下, 周圍行. 當中, 仲睇啱咗啲聖誕禮物比人. 聖誕購物list 又可以少啲工夫啦!!

↓溫哥華西部嘅戶外商場(Park Royal Mall), 依個Mall 係溫哥華西部, 一定要過橋先能抵達(每次都要好多時間先塞到上橋, 所以, 去依個戶外商場, 要好充份時間先去到)

 


↓行完商場仲去嘆返杯咖啡.

 

↓行商場嘅戰利品, 係Hello kitty 大罐裝popcorn. 其實, 係貪個罐, 可以食完, 做垃圾桶先買. 哈哈~~

入夜啦!!

我同Brian 嘅二人世界, 暫時要停止啦!! 

Brian 父母坐夜機抵達溫哥華啦!

一落機, 就即刻同Brian 父母一齊, 出街食宵夜.

原先, 想買外賣比Brian 父母食, 因怕他們一落機就出街食, 會好攰.

但事實Brian 父母, 一點都唔攰, 擁躍出街食完宵夜, 還不段講旅行中嘅所見所聞比我哋聽.

反過黎, 我由於早咗起身食港式早餐, 我食宵夜時, 有啲啲想中眼瞓. 哈哈~~~



↓宵夜食咗手撕雞, Brian 見到蝶手撕雞, 學人玩撈起

 


↓宵夜, 食咗煎黑魚, 肉碎生菜包

 


↓蘿蔔牛腩煲, 同埋食咗皮蛋蠔豉粥

 


↓Brian 香港個老友(九月份, 一齊旅行嗰個), 得知Brian 父母路經香港機場, 所以衝去香港機場, 托Brian 父母帶兩箱曲奇比Brian 食. 好yeah, 有得食謝寧曲奇餅食