December 30,2014 (Tuesday)
一放工, 聽到廚房好多砂煲瓦餐聲
黎緊餐dinner, Brian 爸, 又黎顯廚藝呀!!
不過, 今次Brian 爸, 好早就入咗廚房.
望到廚房個佈局, 我相信, 我放工前,Brian 爸已經準備緊.
但完全無預料. 這餐飯, 會如此豐富.
有蟹, 有俄羅斯魚子醬, 又有clam pasta . .....
原來依餐算係New year eve dinner. (Dec 30 提早食, 因為Dec 31 要去ball)
最開心, 依餐飯, Brian 爸, 能夠掌握煮飯菜嘅時間. 哈
食完主菜, 還有大量時間, 賞酒和食芝士.
↓New year eve dinner, 有焗蟹蓋, 啲蟹肉, 真係好多呀!!
↓餐前小食有, 俄羅斯魚子醬和蟹膏, 送餅
↓主菜係Clam pasta, 啲clam 好鮮甜呀!! 最後, 黎一個賞酒時間, 還有芝士送酒
----------------------------------------------------------------
December 28,2014(Sunday)
鏡頭返一返. 去前兩日
依日, 天氣好凍 -3℃. (但我娘家個樹-13℃, 所以, 我應該無資格, 係他們面前講個"凍"字)
但依啲天氣情況下, 就好想飲啖熱湯.
自己煲, 就煲唔切.
那就出街食, 反正, 依家出街食中菜, 好方便.
晚餐, 去間中菜餐廳, 飲燉湯, 食石窩菜. 啖啖熱辣辣....正!!
↓燉湯, 真係一盅盅上枱, 今躺飲咗花旗參雞湯.
↓石窩菜, 食咗魚香茄子, 支竹羊腩, 上到枱仲"咋咋聲",
↓這蝶咁悶嘅西芹蒸魚係Brian 爸嘅!! 還有黑椒豬手石窩
.
.
.
.
.
.
鏡頭又再轉
襯有時間, 寫少少先.
時間到咗..Dec 31.
我又去一年一度, 除夕倒數Ball.
各位Happy New Year
↓着成咁去Ball 啦!! (今年肥咗添!!)
December 25,2014 (Thursday)
外國culture 真係唔同啲.
聖誕日, 全地區嘅商鋪, 食鋪, 會關門, 休息.
真係完完全全無街可以出. 聖誕日, 大部份人留係自己屋企過.
以前嘅我, 好有出街癮
而家有無街出,都無咩所謂,
反而, 可以瞓耐啲. 休息下!! 我仲開心!!
但喺Brian 家住, 都瞓唔得耐, 因為要食早餐.
仲要係table setting 好完整嘅早餐
不過, set set 下, 都變咗食brunch!! 哈
↓聖誕Brunch, 其實, 還有很多食物未上枱, 但大至上, 係咁嘅樣啦!!
而聖誕日, 一定要去嘅節目---就係去教堂,望彌撒.
我而家,都有啲期待去教堂.
因為好想見到教堂, 個兩altar boys. 他們好cute, 幫神夫整理聖經. 銬響bell.
而家, 這兩名altar boys見到我, 都識同我打招呼啦!!
↓望完彌撒, 去啲中式餐廳食dinner. 但因聖誕日,只有中式餐廳肯開門. 但去咗好多間, 都好多人等位, 好彩, 最後有間茶餐廳有位, 但聖誕日, 只有set dinner 供應. 都好呀!! 我想食嘅野都有! 頭盤, 有餐包, 沙律, 和粟米雞容白汁湯
↓間茶餐廳, 平時無咁暗, 聖誕日先整到啲燈光好暗, 還好西式feel, 點蠟燭. 哈哈~~ 而主菜, 火雞肉(我好想食), 甜品, 係凍焦糖燉蛋
---------------------------------------------
December 26,2014 (Friday)
依日, 不得了, 係全年減得最多價嘅日子
雖則, 依家已經無以前咁有熱衝, 去boxing day shopping 啦!
不過, 會心郁郁, 出去商場行下.
依日, 啲商場真係人頭湧湧, 行步路都難
雖然, 無目標行, 又人逼逼.
但又比我, 唔覺唔覺shop到啲.
其實, 唔止我shop 到啲, Brian 都同樣有收獲! 大家都happy~
↓個商場, 人好多, 啲鋪頭啲貨,摷到亂晒. 你摷到啱size, 就係你. 但老老實實, 溫哥華啲人, 已經shop 得好斯文.
↓今年boxing day shopping 嘅收獲. 首先黎張大合照!! 係溫哥華, 買hello kitty 產品容易啲, 所以, boxing shopping 實會shop 埋hello kitty.
↓還買了衫褲一大堆, 終於, 等到Le creuset 肯減啦!! 買咗個oval 盤. 打算用黎蒸魚
↓瘋癲一倫, 好攰呀!! 走去食台式便當, 一客便當,點夠食, 再加個鹵肉飯先補返腳骨力!! 還有杯渣到好滑嘅紅豆牛奶冰, 爽晒
December 24,2014(Wednesday)
這一餐聖誕前夕晚餐.
Brian 爸, 一早就話, 要自己操刀.
還預先講比我哋知, 會有乜乜菜式.
聽菜式, 真係好豐富,
但我們暗地裡, 很擔心.
我哋唔係怕唔好食,
只是害怕Brian 爸煮嘢食嘅速度. 因為Brian 爸煮三個家常菜, 都需要煮三小時.
現在, 聖誕前夕晚餐. 有前菜, 又有湯.......唔敢想像啦!!
所以, Brian 事先叫我, 自行係街食定一點東西, 打定個抵. 免得全晚等到個肚打鼓.
因我肚打鼓啲聲, 係特別響!!
不過, 事情真是唔好想到太壞.
好彩, 有Brian 媽.
Brian 媽, 有見Brian 爸嘅廚藝嘅速度,
所以, Brian 媽主動走入廚房幫手, 雖然, Brian 爸有點不滿.
但就係Brian 媽催下催下. 又幫下手.
這一餐, Brian 爸操刀嘅聖誕前夕飯, 8pm 就可以食啦!!
↓依餐就係聖誕前夕晚餐.. Brian 屋企好注重table setting. 還出動我啲Le creuset 碗.
↓前菜係蟹肉牛油果魚指醬沙律 (Brian 媽有份擦蟹肉, 如果Brian 爸擦, 都唔知佢會擦啲蟹肉擦到幾時!! )
↓依個大包, 上面插住意大利芝士餅條, 而係餅條上,包意大利火腿, 大包旁有哈蜜瓜, 屬於前菜. 其實, 這前菜, 係Brian 爸設計, Brian 媽整, 但Brian 媽做完出黎, 同Brian 爸心中個設計有點出入, 但如果Brian 爸整, 可能又唔知整幾耐. 求其啦, 大家圍內食, 依個大包外型, 係全餐焦點啦!!
↓主菜, 焗火腿
↓還有蒜香意粉, 依一個好彈牙, 好鐘意. 甜品, 街外貨. 有栗子蛋糕, 芝士蛋糕, 咖啡蛋糕 & 黑森林蛋糕
↓我食個件蛋糕, 加咗啲雪糕, 當然啦, 會開埋酒飲.
↓食食下, 用自拍神器, 玩自拍, 初頭玩, 未掌握到, 影到離晒位, 但玩玩下, 玩到好開心!
↓支自拍神器, 係Brian 個香港朋友送, 一齊玩自拍,真係好容易, 原來依支自拍神器真係幾好玩!! Brian 媽玩到停晒筷. 哈哈~
December 24,2014 (Wednesday)
依日, Brian 唔洗返工.
我只是返半晝, 就off 得. 可以提早放聖誕假.
而且, 天氣又好,
真係好上加好, 即刻同Brian 過橋去玩餐飽
放假個心情, 真係特別唔同.
全日, 都係歡喜mode.
食咗個舒服lunch.
還買咗好多嘢比自己. Brian 又送好多禮物比我.
又周處逛
實在全年最鬆嘅一日. 哈哈~
↓最鐘意過橋去玩, 可能我細個住九龍, 好鐘意過海, 而家, 搬黎溫哥華, 由於地理關係, 周不時, 都要過海及上橋先能到達目的地. 心理上, 好似細個時, 過海去玩咁
↓去咗食西人茶餐廳. 飲杯milkshake 及食個all day breakfast. 雖然, 望落去好似好簡單嘅一餐, 但我鐘意食埋依啲嘢. 而且, 我鐘意西人茶餐廳個環境. 感覺食得好舒服
↓Brian 就食咗Burger, 個包好juicy!! 之後, 仲去咗食, 我想食好耐嘅almond 甜牛角包, 個牛角包裡面, 係雞尾包啲椰絲餡
↓依日, 還比發現到一間日本人開嘅精品店, 有啲hello kitty 產品賣, 還要個老版娘, 好好人使,全都打個折扣比我, 真係興奮到我吖!
↓還買咗個識着燈嘅hello kitty!
這天是平安夜
各大商鋪及食鋪係Dec 25, 聖誕日, 全都關門.
所以, 這一天Dec 24, 很多人last minute shopping. 準備過節.
而且, 聖誕係西人嘅大節日.
因此,去到邊, 都逼下逼下, 人頭湧湧.
我哋去酒鋪買酒, 排隊排咗幾個蛇餅, 去買蛋糕, 都排到出街咁濟.
但就算, 幾逼, or 要排幾耐隊, 個個人都係為一個目的-----慶祝聖誕節.
去到邊, 都有人同你講Merry Christmas
以前, 一到聖誕, 就請假, 坐飛機去第二樹.
其實, 自己住緊個地方, 都好有聖誕氣氛!!
↓過咗橋, 返歸, 準備食Christmas eve dinner.
