係加拿大居住都好幸福, 都有許多香港小食賣, 但返到香港, 香港啲小食, 真係有一種特別風味!! 雖然, 大家, 都係同一樣, 魚蛋 and 燒賣!! 但唔好話我偏心, 香港啲街邊小食, 真係好好味!! 我係香港點止食咗一次街邊小食, 我仲食咗幾次, 都唔夠喉!! 哈哈!!
有啲女仔, 好怕一邊行街, 係當街當行食野架!! 但我一啲都唔怕! 仲食得好滋味添!! 食到我daddy 要係車等我!! 哈哈!!
↓次次去食街邊小食, 都好快手, 無影到相, 只係影咗依兩張!! 其實, 我食咗好多, 最好味嘅豬大腸, 碗仔翅... 我都無影到添!!
---------------------------------------------------------------------------
食完香港啲地道野, 緊係食埋香港啲自助餐喇!! 香港啲自助餐, 比較多元化, 什麼類型嘅食物都有!! 由於, 我返香港時, 都係大閘蟹季節, 所以, 自助餐中, 有埋大閘蟹食, 仲有啲蟹粉toast and 蟹粥食, 真係好美味!! 食到個肚脹book book 都仲要食!! 哈哈! 朋友為我準備自助餐飯局, 就係想我可以咩都食啲! 咩都可以試啲!!
依餐buffet 我係同老師一齊食架!! 其實, 唔好講到老師咁嚴重, 依個老師係我細個時嘅英文補習老師黎架! 但而家已經成為好好朋友關係了! 而家講開, 都有啲掛住佢添!!
其實, 我由細到大, 都係接受一啲好普通嘅政府學校教育, 英文程度, 當然無我啲讀私校啲妹妹咁好!! 當屋企打算移民時, 媽咪就請了, 這位英文補習老師比我!! 但我教極都馬馬哋, 而家我講英文仍有好重accent! 好有可能, 我就是教得最失敗嘅學生!!唔怪之得教完我依位學生, 她已經唔再幫人補習了!! 哈哈!哈哈!!
老師, 我早已經不再叫她老師了, 我哋互相都用名字黎稱呼大家!! 我叫她做"阿su", 真開心, 她在百忙中抽時間, 請我食自助餐, 因為,透過平時和她電郵, 得知她近況, 真是忙得很!! 她到現在, 還會在香港大學進修! 比我就無依個心去讀書了!!
阿su, 仲帶了我去了她屋企坐, 她家相當舒適, 設施仲好多!! 我們還一齊觀看聖誕燈飾!! 大家一啲唔似師生, 有時, 我覺阿su 係我家姐, 我就是她妹妹, 大家咩都講架! 連好私人嘅事都會講! .....還記得, 我大學畢業時, 她由香港坐十幾鐘頭機, 飛過咗黎加拿大感受我份畢業嘅喜悅, 之後, 我個大學畢業旅行就是和她一起外遊, 玩了一星期!! 在旅遊當中啲團友, 還以為, 我哋係兩姐妹! 哈哈!!
↓Buffet 啲食物, 有大閘蟹, 蟹粉toast, 蟹粥, "鄧"湯
↓通常食buffet 都會攞幾蝶大堆頭野食, 估唔到香港buffet 有海南雞飯食, and 第一次食隻海鮮叫"聖子"!! 味道幾好! 其實, 我仲食咗好多魚生and 壽司, 但原來無同佢哋影相添!!
↓仲有甜品!! 甜品我有食crepe...haagen dazs雪糕, 火炎雪糕蛋糕..仲有好多....
↓同"阿su"合照!! 好耐無坐埋一齊食野喇!!依餐食咗好耐.....食到人哋間餐廳轉咗宵夜buffet 先走!! 但香港宵夜自助餐, 原來都係超多人!! 食宵夜自助餐, 咪會食到個胃 "脹book book" 先瞓! 哈哈
↓自助餐環境
↓很喜歡在香港見到聖誕樹
↓食完自助餐當然要做運動.....去看聖誕燈飾!! 成15 年, 無親身在香港看燈飾!!所以, 見到好開心!! 不過朋友係捱凍和我看...哈哈!
↓外國啲聖誕燈飾, 唔會有咁多圖案架!!
↓雖然, 好多香港朋友同我講, 依年啲聖誕裝飾無往年好,但我已經覺很美, 香港啲商場好識花心思,吸引人!!
111111111111111
ReplyDelete[版主回覆04/21/2009 08:31:00]Kitty: fast!!
我都好唔鐘意向街到食野
ReplyDelete[版主回覆04/21/2009 08:32:00]Kitty: 咁我明喇!! 我夏天唔會約你出街食hot dog!
哦, royal garden, 我最近都有去食過自助餐, 都幾好食呀
ReplyDelete[版主回覆04/21/2009 08:35:00]Kat: ~好開心, 依排見多咗你!! ~講真, 我唔係好記得我食依間buffet 餐廳叫咩名架!! 你講, 我又有啲頭水, 哈哈! 因為, 我太耐無返香港了!! 朋友帶我去邊, 就去邊道食囉! 我相信我啲朋友一定帶我食啲好食嘅野架!不過, 依餐真係幾好食!
Hello ! The buffet looks very good ! Delicious !
ReplyDelete[版主回覆04/21/2009 08:36:00]happy girl: ~好耐無見!!! ~係呀!! 十一月返香港時, 食到依個buffet, 真係好好味!! 而且, 選擇仲好豐富添!! 哈哈!!
街邊小食真係好正架~~~
ReplyDelete[版主回覆04/21/2009 08:37:00]V&M: 我好掛住香港啲街邊小食...yummy!
我都會係街一路行一路食野．． 下次再有機會同你一齊掃街．． kekekekekeke
ReplyDelete舊年係我第一年出去影燈飾 朋友都話無往年咁靚
但．． 可能係我第一次去影 我又反而覺得唔錯呢~~
[版主回覆04/21/2009 08:38:00]畫: ~你講架!! 帶我去掃街架!! 我下次返hk 就同你掃街! 咁你順便可以影街邊小食啲相喇!! 哈哈!! ~其實, 我覺08 年啲燈飾都幾好架!! 可能我太耐無去香港觀看燈飾, 感覺香港啲燈飾, 真係好靚 ~好彩, 你比咗啲燈飾相我.....我自己影真係無咁好睇!! 遲啲我會post 你啲傑作!! 哈哈!! 但遲啲...真係唔知幾遲...哈哈!!
我好鍾意食咖喱魚旦架, 有時放工見到又好想食, 但我叫自己忍住, 唔可以食咁多零食架~~~
ReplyDeleteBUFFET我就唔會成日食啦, 個胃咁細, 食少少就會飽, 費時浪費錢嘛....但見你有大閘蟹食, 我都好想食呀, 係咪好新鮮, 好好味架?
對於香港人嚟講, 呢D燈飾真係有好過無咋....絕對稱唔上靚, 反而商場既裝飾我會覺得靚D添~~~
[版主回覆04/22/2009 08:18:00]細細粒: ~點解唔好食太多零食呀?? 咖哩魚蛋一串得幾粒!! 食咗都好快消化喇! 又唔係成日食, 間唔中食下! 都幾ok 喇! ~我哋加拿大係無大閘蟹食架!! 係香港當然食返夠本喇!! 我食依啲大閘蟹幾好架!!到而家都仲想食!!哈哈! ~做香港人實在太幸福喇!! 每年都有燈飾觀賞!! 我哋依邊外國, 雖然節日氣氛隆厚, 但我哋啲商場裝飾年年都一模一樣架!! 而且, 啲商業大廈無燈飾架!! 相比下, 香港有什麼燈飾我都會感覺好靚!!
Vicky: ~你去既係帝宛酒店既buffet?佢地出名正架，尤其是係甜品，我以前都好鍾意去食！HK既buffet真係好多人架，我都唔知點解香港人係咁鍾意食buffet，可能多選擇啦，所以好既buffet要一早定位架！ ~香港既街邊野食真係好正，我以前都唔鍾意係條街度食野，覺得無儀態，我亦唔食豬大腸架，但大個左，就會食下街邊野，又會食豬大腸，但只係食炸既腸，o個動味道好特別架，你覺唔覺呢?
ReplyDelete[版主回覆04/29/2009 09:29:00]陶陶夫人: ~香港啲buffet 實岩香港人啲口味喇! 所以, 返香港一定要試下香港buffet....你快啲返去喇!! 哈哈!! 聽你口吻都知你掛住香港喇! ~我唔介意周街食野架!! 我係加拿大都係咁架!! 哈哈!! 感覺一邊行一邊食, 仲更加好味架!! 哈哈!