April 8, 2009 (Wednesday)
上個月(三月)嘅依個時候, 我竟然走上網摷廉價飛機票, 因為我想飛去英國!!!
和我中學友好朋友在對話中, 得知朋友仲有一星期就要去英國工幹, 我見英國都同加拿大都幾近, 就想去join 朋友, 一個weekend 都好!! (其實我得weekend 先得...哈!)
上網時, 我同自己講, 如果在指定日子有機票, 而且, 機票係某一個價位, 就飛去揾朋友!! 心想由加拿大飛去英國應該唔太昂貴...點知, 出符我意料中外, 原來由加拿大去英國只係得5 hours 飛機旅程, 但機票真係貴到嚇親我!! 揾咗唔同航空公司...都係超出我預算!! 又話有啲航空公司因為經濟唔好會減機票...但到我買, 又無我份
!!!
最後, 大家都無機會見!! 謂有返香港再見!!!
其實, 我舊年十一月返香港, 我都成日約我依個朋友出街架!! 她仲同公司請咗兩日假陪我添!!! 但我有時, 都好唔知醜, 人哋返工, 我都會lunch time 走去她公司附近揾她食lunch架!!! 哈哈!! 但我好醒目, 我會霸定臺, 慕救大家見多啲,傾多啲計!! 哈哈!!
↓November 19 (wednesday)我走去揾自己最friend 個朋友食lunch! 人哋返緊工架!! 我都要同佢lunch!! 哈哈!! 雖然, 簡簡單單食, 但食物已經唔重要....只想大家見下面!!
↓依個芒果pancake 我覺好味, 但我朋友話馬馬哋...係咪我再返hk 帶我食個更好味嘅mango pancake 先!! 哈哈!!
以前, 讀書時,她知我要移民!! 幾驚日後無得見!! 又送我機, 又買禮物比我留念, 她仲係第一個由香港寫信比我嘅人!! 我哋真係可以一個月寫兩封至三封信比大家!! 又唔知點解我哋係讀書時, 點解有咁多時間寫信!! .......
近排, 由於比較繁忙, 沒有時間找她傾計, 但感覺她近來有啲不對勁, 我係感覺到架!希望她會重新鎮作!!
咁啱﹐我老公尋日又講起想飛去英國探朋友喎!
ReplyDelete原來機會係貴架!? 咁唔駛諗啦~~~
[版主回覆04/12/2009 10:40:00]bobo de Licious: ~係上個月頭 and 月中 (三月), 但我唔知依個月有無平返呀!! 但做我哋消費者!! 幾時都係想買到價錢實惠嘅機票架喇!! 哈哈!! ~但又會咁岩,你先生又想去英國!! 哈哈!
typo* 機票
ReplyDelete[版主回覆04/12/2009 10:41:00]bobo de Licious: 我明架!! 我明你想寫咩!!
你唔搵agent book, 有時會平d/易d compare 到
ReplyDelete[版主回覆04/12/2009 10:43:00]Kitty 你有無相熟agent?? 當時都幾紋先揾機票!! 況且,朋友係英國只得幾日!! ...算喇! 返hk 仲化算!!哈哈
travel zoo 有時見有D deal 都幾平 !或者可以飛paris 先,坐段Euro star 去london !
ReplyDelete[版主回覆04/12/2009 10:44:00]高貓貓: 係呀!! 唔該你嘅suggestion!!! ...算喇!! 都過去咗!! 下次會醒目啲!
都唔知點解d機票仲係咁貴既呢? 咁都無辦法啦, 唯有等佢減價時先去探佢啦~~會唔會係佢唔想去英國, 所以你feel到佢有妥啩~~ 我哋成日都話好朋友係唔怕時間催人既, 只要係老友, 幾耐以後都仍然會咁fd既~~~加油! 我都食過呢間舖一次咋.....佢唔係咁多地方有, 我都見唔到既~~味道都唔係好記得lu~~~個pancake又包得幾靚喎~~
ReplyDelete[版主回覆04/12/2009 12:43:00]細細粒: ~我個朋友都係去英國工趕幾日!!! 而且,我比較臨急臨忙先上網看機票!! 所以,無咩時間發現到廉價機票!! ~唔關英國事, 只係突然感覺到朋友有啲不妥!! 我有時會有依個感覺架!! 可能同依個朋友識咗太耐, 無疑中產生咗一種默契啩!! 唔講一段時間, 都sense到啲野架!! ~你都食過依間鋪呀!依間食鋪係咪有好多分店架?? 我覺味道ok 喇!! 但最深刻係同朋友見面,傾下計,最開心就係依樣!!