April 17, 2009 (Friday)
五個月前, 返了香港一轉!! 感覺許多地方都熟口熟面......雖然, 好多建築物都翻新過, 有所轉變! 雖然, 身邊啲事物轉變了, 但仍然比我認得出!!
香港真係好特別, ....雖然香港現在都有好多缺點, 但慢慢發覺, 點解我會對依個都市咁着緊, 係因為我對香港仍有歸屬感!! 我仍然好愛佢!
---------------------------------------------------------------------------------
今日,已經到達咗加拿大16 個年頭了!!突然間, 聽到依個數字有啲鬱壓感!! 某程度, 我又慢慢接受加拿大....某程度我又想返香港!! 感覺自己好邊緣!! 唔知自己屬於邊樹好!
好喇!! 早倫比我恨到, 有得返香港了!....但返到香港, 每天都想念加拿大啲人, 每天都好想念加拿大自己租住間屋!! 但又喜歡香港人啲動感, 喜歡香港交通運輸工具, 又好唔捨得香港啲朋友!! 又好唔捨得香港比我嘅自在感覺!! 人係咪就係咁矛盾? 有時, 感覺香港係比到我自在感覺, 但係加拿大16 年依種自在感覺, 好似又開始產生!
係加拿大, 我會周街同Brian or 屋企人講中文!! 所以, 無人覺我係加拿大人!! 係香港, 啲親戚會叫我同佢哋啲細路講英文, 因為, 她/他們覺我係加拿大返黎, 多個途俓比佢哋啲細路講英語!! 唔洗局限啲細路係學校 or 同工人先講英文!! 所以, 同啲親戚食飯, or 行街竟然有waiter/ sales 用英語同我交談! 我係香港出世, 香港人黎架!! 我識中文架!
我依代人, 就係時常比移民地點, and 香港依個都市, 令到自己唔知自己應該點好!! 唔知自己什麼身份先屬於自己, 好辛苦呀!! 每年到依日都會晒下淚!! 發洩下!
其實, 近幾日, 自己都心情唔多好!! 有啲野有啲"左濟"....但我只可以就係"等"!!! 而今日咁岩移民16年, 所以, 就一次過流淚吧!! 我相信到weekend, 心情會好返, 咩都唔記得晒架喇!!
做咩咁感觸呀? 有時女人既情緒真係好難控制, 突然間可以好傷感咁, 我諗係你既工作令你唔開心, 所以令你既心情低落咗....只要時間過咗, 或者做其他嘢去舒緩返就會無事架啦~~~
ReplyDelete[版主回覆04/22/2009 10:21:00]細細粒: ~我無咩野架喇!! 相信慢慢會決定到!! 慢慢黎就得!! Anyway, 多謝關心!!
Bright side: we have the best of both worlds.
ReplyDelete[版主回覆04/22/2009 10:23:00]momo: ~多謝你!!
你好！第一次留言。^^ 時間眨眼就過，對我地黎講，就好似有兩頭家。 我黎左唔系太長時間，都好掛住HK。 咁你之前有無番過香港呀？
ReplyDelete[版主回覆04/22/2009 10:34:00]Miss: ~Nice to meet you !! ~係發生啲煩事! 現在, 我已經無咩事喇! 只係一時感觸!! 多謝關心!! 得閒多啲黎坐!! ~我都去咗你個日誌個邊坐坐....哈哈!! ~yes, 我五個月前, 返咗香港黎, 而再對上一次返香港已經是10 年前了,今次(五個月前)一返hk, 感覺好舒服!! 哈!! 但在hk 時, 個心好掛住加拿大依邊啲人!!好矛盾! ~都過咗咁多人, 我已經recover 咗啲喇!! 多謝到訪!
希望你煩既野快d搞掂啦
ReplyDelete我係里邊去親唐人超市d人都同我講英文
[版主回覆04/22/2009 10:35:00]Mui: ~過咗幾日, 好返好多喇!! ~其實, 我係加拿大又唔似加拿大人,係香港又比人誤以為係外地人!! 兩頭唔到岸!! 自己唔知點!! 哈哈!! 好似兩邊都唔屬於自己地方咁! ~Anyway, 多謝關心!!!
香港生活比較繁忙, 可能你一時間覺得有壓力 每個人都一定有情緒既, 過幾日冇事架喇, 雨過就會天晴~
ReplyDelete[版主回覆04/22/2009 10:42:00]小貍貓: ~時間已經過咗幾日, 心情已經好返喇!! 多謝關心 ~其實,壓力係世界任何地方居住都會有!! 慢慢過幾日......我會好啲架喇!! thx!
Vicky: ~真係好有共嗚，移民後，去到一個唔屬於你既地方，有好多野都要重新適應，過左一段時間，到已經適應時，遇然返到HK，好好掛個佢，好想返番去咁，我都曾經為左咁而喊過架，亦會問自己，點解要移民，香港已經係一塊福地，仲要求什麼呢?但香港生活急促，如果係久居外地，可以早已經被外國既優閒生活寵壞左，返到香港又未必會再適應到，我想信，呢個就係我地邊緣人既痛苦！ 朋友成日話咁好呀去外國住，我地只係留係香港咋，但其實有時d野真係你睇我好我睇你好架咋！
ReplyDelete[版主回覆04/29/2009 09:34:00]陶陶夫人: ~多謝你一句"共鳴" ...好似有多一個人明白!! ~我到依家我係加拿大居住啲地方, 生活都好急促, 坐車, 買野都要趕先能夠完成!! 上幾個月返咗香港, 我真係好適應香港啲速率!! 係香港人對我有唔同感覺咋!!! ~好多香港啲人都覺外國生活優閒, 但其實. 我感覺係外國生活, 只係有更加選擇, 你想優閒, 可以居住啲優閒社區, 你想熱鬧就住city 囉!! 但係香港, 居住係邊(除非有錢到住山頂喇)四圍都係人來人往....店鋪林立!! 所以, 想感覺優閒就會有點困難囉!! ~如果有得比我選擇, 我係唔會移民架!! 係外國讀書便算!!
Vicky 姐, 人在世上寄居; 住邊度都唔緊要. 不過嘅然決定留加, 就唔好諗太多. 掛住香港就得閒返嚟揾吓我哋飲咖啡啦!
ReplyDelete