April 7, 2008 (tuesday)
我煮飯手腳都好慢下!! 自己一個食晚飯時, 我仲簡單到連爐都唔會開, 就咁食cereal, 麵包就攪掂!! 但如果Brian 同我一齊食, 就一定會煮好少少!!!
由於, 一放工, 時間關係, 所以, 特別肚餓, 但煮飯都需時, 所以, 我煮飯前....都會食下啲無謂野架! 有時,一放工, 直情入咗麥記, tim 記...買下啲包點, 食咗倫再煮飯...哈哈!
↓donuts, bagel, 麥當當包 and 蘋果批
↓麥記出咗一系例snack....依個叫Mac wrap (漢堡扒+wrap)
但邊有可能時時買包點食......有時, 都會摷下屋企啲零食, 一邊煮飯, 一邊食!!! 其實, 我同Brian 食啲零食, 好大路, 多數係啲係餅呀, 薯片呀......有時, 會食下cereal 但without milk 囉! 最多, 咬完cereal 先再去飲一杯milk ...哈哈!
講起零食依啲野, 就會勾起以前細個啲回億返黎, 我以前細個, 係讀下午班, 成6pm 先放學, 但係學校附近, 好多街邊小食開始擺賣.....有雞蛋仔,魚蛋, 燒賣, 碗仔翅, 炒麵, 煎 釀三寶, 韭菜棵, 橙色墨魚, 蒸花生, 炒栗子,.......仲有啲口淋濕(話梅之類)....總之, 應有盡有!!
雖然, 學校啲老師叫我哋唔好幫襯街邊食物, 但邊有人聽....個個人都照買, 連學校家長都照樣買...我每次, 食完街邊野, 先至再返屋企食晚飯. 我估我係依個時候已經食大咗個胃喇!! 哈哈!!
早倫係超市見到芝士醬配餅乾依款貨品. 嘩!! 依個我細個讀書時都有食過, 所以, 見到就即買囉!! 記得, 以前有朱古力醬配餅乾( or 餅捧)..
當我買依個芝士醬配餅乾時, Brian 話, 咩黎架!! 我話, 依啲係我小學時, 食啲零食!! 好好味,又好玩, 買喇!!
其實, 我同Brian 差一歲, 我們兒時居住同一個香港, 但玩啲野, 食啲野, 完全唔同我一個channel架!! 我話食街邊野.....他竟然話未幫襯過街邊野! 我有啲驚訝
!!↓依個就係芝士醬配餅乾, 仲有支捧黎同啲餅乾渣芝士醬.....又玩得又食得!! 哈
No comments:
Post a Comment