April 22, 2009 (Wednesday)
依幾日都天陰陰, 落下雨又停下, 而且,刮大風, 真係有啲涼 !! 雖然, 有着依啲天氣, 但前幾日, 我透過自己屋企隻窗, 見到屋企樓下個bbq 場, 有人燒野食呀!! 我仲朋友講, 住我大廈啲人癲癲哋, 落雨都bbq....
但我同我朋友閒談完無幾耐, Brian竟然放工時打電話黎揾我, 原來他打算買bbq材料, 想食bbq 晚餐!!! 咁今次倫到我哋癲癲哋....天陰陰都燒野食喇!! 哈哈!!
又咁岩, 我哋燒野食時, 無落雨, 仲有啲陽光出現添!! 但就好大風, 啲風太大到, 接唔住個香腸包裝袋, 吹咗個包裝袋落街添!! 哈哈!! 攪到我哋變咗垃圾蟲添!! 哈哈!!
通常, 燒野食Brian 都會做先頭部隊, 自己落咗去bbq 場先!! 我就慢幾拍先落去, 皆因我會準備啲食物盒, 紙巾....之如此類先嗒電梯落去揾Brian...., 而今次bbq 啲食物無係bbq 場食, 係燒完啲野食, 打包返自己屋企一邊睇電視一邊食囉!!
而食完bbq 有啲喉渴渴, 想放啲甜野入口!! 所以, 我同Brian 去咗麥當當食雪糕, 唔知係咪等杯雪糕耐得濟, 麥當當個哥哥, 送咗杯免費coffee(大) 比我哋!! 飲開先知, 原來而家, 麥當當啲coffee 好飲咗!! 而且, 個咖啡杯設計改良咗, 幾岩咀型架!!哈哈!!
↓09 年第一次BBQ.....我企係BBQ爐前,係取暖...哈哈!! BBQ dinner就係香腸, 羊扒肉, 麵包!!
↓依家朝早去麥當當食早餐係有免費咖啡飲架!! 我夜晚食宵夜都有免費咖啡...哈!
↓喉渴渴去食咗杯軟雪糕(當宵夜)
--------------------------------------------------------------------------------
↓同場加演: 我近排無咩煮飯, 就食咗依啲野......而包蝦片係我近排喜愛嘅零食, 但食得多生咗pimples 呀!!
你嗰度咁方便, 梗係可以無時無刻都去燒都得.....我哋無咁方便呀, 所以真係極少食呢D嘢~~~
ReplyDelete雖然你話天陰陰, 但影出嚟都唔係好覺...
我仲以為麥當當哥哥無喇喇做乜會送咖啡比你哋, 原來係公司既政策嚟...否則點會咁好送嘢飲喎~~~
你食咁多熱氣嘢, 唔生瘡都唔得啦...哈哈...快D飲涼茶啦, 或者塗暗瘡膏呀!
[版主回覆04/29/2009 10:21:00]細細粒: ~我哋依邊溫暖時間唔多架!! 所以, 一有機會BBQ 季節, 都會好多人會BBQ 架! ~未燒野食時, 天係陰架!!! 但一開完爐就有陽光!! 哈哈! 所以, 影啲相時, 唔覺天陰囉!! ~其實, 咖啡只係在早餐時段送架!! 我食完BBQ 已經係夜晚, 但麥當當哥哥都仍然送Coffee, 所以, 好開心!! 不過,我哋等杯雪糕等得耐,所以, 麥當當哥哥就送杯coffee 比我哋飲囉! ~我近排飲多啲橙汁架喇!! and 停食蝦片, 我都希望啲pimples 快啲走!!!
有免費coffeer咁正~~
ReplyDelete[版主回覆04/29/2009 10:22:00]C&K: 原本係麥當當食雪糕架!! 但等得耐得濟, 所以, 麥當當哥哥送咗杯coffee 比我哋囉!!
我又要食
ReplyDelete[版主回覆04/29/2009 10:24:00]Kitty: ~咁我下次見你,係咪要pack 條香腸比你?? 哈哈!! ~你可以係(五月第一個星期日)同你奶奶, 試下BBQ 餐!!!
帶埋我呢隻為食貓去食嘛...嗚嗚嗚~
ReplyDelete[版主回覆04/29/2009 10:32:00]貓貓: 原來你叫貓貓,係代表胃食貓...哈哈!!
我見到我近期新favorite:Hero burger
ReplyDelete[版主回覆04/29/2009 10:35:00]Mui: 你喜歡食hero burger 架!! 我相信你要試下South St. Burger, 因為, 同樣好味架!! 但South St. Burger 啲fries係出自new york fries. (而South St. Burger係你三姑奶屋企附近)
(Empty)
ReplyDelete[版主回覆04/29/2009 10:38:00]小COL: 依排啲天氣正常返啲, 你同你奶奶and 你先生都試下BBQ 喇!!
襯而家天氣未係好熱我都好想 bbq 啊!!!!
ReplyDelete[版主回覆04/29/2009 10:40:00]畫: 好多人都講, 襯依排啲天氣唔算太熱, 就BBQ 喇!! 如果遲啲熱啲, 蚊蟲又多!! 太陽又熱,就燒得好辛苦!! 哈哈!!
你樓下有BBQ 爐真係幾方便,最好係唔使清潔 !燒完就走得 !
ReplyDelete40 pics sushi都食得晒,我就怕太多飯了 !
熱氣就試吓飲菊花茶啦,唔會太涼 !
[版主回覆05/01/2009 11:37:00]高貓貓: ~你講得岩,燒野食最開心係唔洗清理個bbq爐! 因為每日都有人清理架!! 但我燒完野食都會用刷, 去擦一擦, 咁下一手用都唔會太dirty..哈哈!! ~我哋兩個, 又食得晒張相中啲sushi .....可能我哋大食啩!哈哈!! ~而家啲pimples已經好咗好多,多謝你提議!! 原來菊花茶係比較中和架!! 我平時飲夏桑菊多!! 我見到超市都有菊花茶沖製, 下次, 我見到都會買黎看門口!! thx!
你地2個人去燒呀? 做乜唔搵多個朋友去既?
ReplyDelete[版主回覆05/01/2009 11:38:00]心樂: ~依日係閒日, 所以, 都好難約人bbq, 而且, bbq啲食物份量都係得兩個人!! 燒完攞返屋企食, 好方便!
Vicky: ~你已經開始左BBQ啦?我都好想呀，但我地呢邊時好天時壞天，好似人既心咁，好難預測呀，其實我地08年BBQ時，成時都會咁岩落雨，好黑仔架，好彩既係，只係次次咁岩都係朋友屋企既前園燒，有野cover住咁解囉！ ~你唔好食咁多蝦條呀，真係好鬼熱氣架！你知嘛，我買左包同你一模一樣既蝦片，我只係食左少少咋，因為我覺得嘛嘛地好食！
ReplyDelete[版主回覆05/20/2009 08:56:00]陶陶夫人: ~我依邊啲天氣都係時好時壞, 都係見開果日天氣好, 啦啦臨攞啲食物落樓下燒, 有時, 燒完就攞返自己屋企食!! 不過, 現在啲天氣已經好啲, 平時出街已經唔再需要手套, 頸巾, 大褸之類, 方便好多!! ~你今年約朋友bbq,就真係要睇清楚weather 預告喇!! 咁樣, 可能會好啲!!! ~又會咁岩會大家買埋同一包蝦片架? 哈哈! 我平時, 真係好少買chinese 零食架!! 竟然我遇然買啲chinese 零食, 會同你一模一樣!! 我依包係黑椒蝦片, 我又覺ok, 不知不覺一邊睇電視就食晒喇!!