April 10, 2009 (Friday)
一起身, 就好想, 好想出街, 因為, 實在太耐無係friday 放過假, 但依日周處都話close!! 連超市都唔開門, 上網得知 Eaton centre (商場) and Bloor St. area 仲開門營業! 明知會多人去依兩個地方, 但我仍然要向Eaton centre出發!!!
本想, 行路去Eaton centre!! 但我身邊果個人好鐘意渣車.....是旦喇!! 就渣車去喇!! 但放假去停車場泊車, 真辛苦, 兜咗 x 咁多分鐘先揾到一個位, 我都唔明啲停車場架!! 明知無位就唔好放車入喇!! 攞咗張泊車票, 走又唔係, 車位又無, 都唔知點好!!總之, 泊車就係麻煩喇!!
由於等泊車需時.....唔肚餓都變肚餓....諗住求求其其去food court 食, 但後尾, 見到間restaurant 開咗patio area!! 就走咗去patio, 食lunch!! 雖然, 有陽光, 天氣都涼涼哋, 但patio 有戶外heater, 都坐得幾舒服! 坐Patio 就係可以望住繁忙街景啲人, 好衝忙行黎行去, 而我就舒舒服服食lunch, 真係感覺好特別!!
↓Good friday, 天主教人係需要守齋 (都可以進食白肉), 所以, Brian 食咗個veggie 三文治, 我無天主教信仰, 但我就食咗個spicy chicken roll. 大家仲齊齊飲coffee 望街景!!
↓食lunch 時, 就係望住依啲街景!!
↓Patio 裝飾幾服架....而自己第一次化咗妝去patio 食野, 哈哈!! 其實, 依間restaurant 室內裝飾唔錯, 但個個食客, 都坐晒露天個邊...不過, 比我都坐patio, 因為依日天氣非常好,又有啲陽光....好舒服! 哈哈!!
食完lunch, 行咗陣商場, 雖然, 無咩野想買....但都要去行, 感覺行街先似放假...哈哈!! 但行咗成日商場, 只買得杯飲品!! 一啲收獲都無!! 但都感覺好開心!! 因為行得好relax!! 平時, 返工係lunch time 都行得依個商場, 但時間局限住!! 幾時都係無時間局限住, 隨心想行邊就去邊...咁先relax!!
↓行街收獲---starbucks 飲品 (原來 iced berries chai 幾好飲 and 解渴)
到夜晚去咗食上海菜, 原本諗住食得清淡啲!! 點知越叫越多野食, 啲食物又大蝶頭, 真係放到兩人臺都無位放!!
其中, 我哋"唉" 咗個沙窩雲吞雞湯, 原來依個湯得一個size, 即係10人份量黎架!! 但我哋兩個人都飲得晒成窩湯, 係啲沙窩雲吞啲煲湯雞, 就無食到.....飲完成窩湯, 我哋仲食得落其他食物, 食完依餐, 我先知, 我哋兩個胃嘅吞吐量, 可以如似巨大...哈哈!!
↓唉咗....擔擔麵, 雞絲粉皮(傍邊啲花生醬, 好香,好味), 素菜餃
↓砂窩雲吞雞湯.....
本想食完晚餐, 想去啲 lounge 飲下野娛樂下!! 但由於, 食上海野食得個胃太滿足了, 依個飲野plan 都要刪除!! 但放假, 最唔想太早返屋企, 好想, 揾啲節目玩晏啲!!
盡慶成個good friday!
見hk 做緊一齣關於 snooker嘅電視劇!! 就手痕痕去屋企樓下個club house睇下有無人打snooker, 如果無人...就同Brian打場snooker!!! 講起, snooker 我同Brian 都有成 x 年,咁耐沒有打過!! 我真係連渣支cue 都唔記得!! 哈哈!! 雖然, 我打得超馬馬, 但都玩咗成晚, 打到club house 都close, 先走. 成個good friday 可以係咁玩 and 食, 都唔知幾開心!! 哈哈!!
↓(打snooker 前, 仲撞到我屋企對面新搬黎嘅鄰居....大家第一次shake hand 介紹自己, 求其同鄰居傾咗幾句, 但都覺對面個鄰居好nice, 下次見, 傾多啲先,哈!) 依個就係屋企club house 個snooker 場, 我哋真係好耐無打桌球了! 如果唔係齣戲....我諗我都無諗過打返場!! Brian 做咩都好入神, 連玩都係!
↓我打得馬馬咋!! 因為Brian 話我唔夠力!! 哈哈!! 是但喇, 玩下之嗎!!
1111111111111111111111111111111111
ReplyDelete[版主回覆04/15/2009 11:13:00]Kitty: 快
原來你去左味香村
ReplyDelete[版主回覆04/15/2009 11:14:00] Kitty: 去咗yonge street 果間味香村!!
snooker!! haven't played that for more than a decade! ha~~~
ReplyDelete[版主回覆04/15/2009 11:15:00] bobo de Licious: 我都係呀!! 我都好耐無打喇!! 真係連支竿都差啲唔識用, 哈哈!!
放假relax 最開心, 唔需要做啲咩特別野, 休息吓, 食吓野, 篤吓波, 夠晒啦
ReplyDelete[版主回覆04/15/2009 11:21:00]通少: ~同意!! 我都覺放假relax 就最開心!! 有時, 話渣下車去啲郊區玩, 渣完車已經好攰, 邊度都唔想行喇!! ~我放假, 休息下, 出下街食野, 已經好滿足架喇!
玩得好開心呢
ReplyDelete[版主回覆04/17/2009 09:06:00]心樂: 咁放假,當然relax 下!!
最特別係你哋可以食到咁多嘢, 我好佩服你哋呀? 2個人食5樣, 仲要樣樣都咁大碟添....畀我食一樣都開始飽LU~~~
ReplyDelete第二樣特別係你哋打SNOOKER, 我都無打過呀, 因為唔夠力呀~~~而且香港D場比較複雜, 希望正如電視咁比較正經既就好, 但去襯見D人都係食煙, 而家應該禁咗煙喇啩?
你個club house仲有咩玩呢? 我知係BBQ外同呢個囉~~不過已經好好啦...我哋住居屋, 無club house呢D, 我知有D私人屋苑先有咋....都唔係所有私人樓都有呢.
[版主回覆04/17/2009 09:08:00]細細粒: ~都唔知點解, 依日我哋兩個都可以食到咁多野架!! 平時, 都唔會咁架!!! 可能係放假喇!! 心情開心啲, 所以, 食得如此多!! 變咗大食怪!! 哈哈!! 初頭諗住叫多咗會打包!! 但竟然食得晒!! 自己都有啲唔相信!! 哈! ~我都明, 香港以前啲Snooker 場係比較多人食煙!! 我都係黎到加拿大先接觸snooker, 而且, 讀大學時, 大學裡面啲餐廳, 實有波臺架!! 所以,抱住人玩我又玩個心態, 玩下囉!! 同埋外國地方比較大, 有啲人屋企都可以放到波臺, 一家大細一齊玩架!! 唔係局限於大人玩!! ~你都幾留意, 我住緊座大廈架喎!! 仲記得我有bbq 場!! 哈哈!! 其實, club house, 啲設施, 我都唔係成日享受架!! 以前剛剛入住時, 都會去做gym, 去跑下啲跑步機!! 而家都無喇!!
見到你篤波搞到我都好想篤hehe...
ReplyDelete[版主回覆04/17/2009 09:14:00]C&K: 去玩喇!! 突然間玩返好耐無玩嘅野, 玩完會特別開心架!
snooker .... long time not play loh ...
ReplyDelete[版主回覆04/17/2009 09:18:00]表叔公: 咁你得閒就去玩下喇!!
我都好耐無篤波喇~~~
ReplyDelete[版主回覆04/17/2009 09:18:00]V&M: 你同C&K 都係咁講, 不如, 你哋有時間一齊去玩返場Snooker 喇!
估唔到你好哋都咁鍾意snooker !咁又有冇學電視咁,擺個陣試吓破唔破到呢?
ReplyDelete[版主回覆04/17/2009 09:21:00]高貓貓: ~當然, 無玩到電視果啲咁花巧!! 好普通咁玩咋!! ~讀大學, 學校裡頭啲餐廳, 多數有球檯玩架!! 當時, 就玩多啲喇!! 哈!! 而家, 就真係無咩點玩!! 哈哈!! 係比電視劇影響, 先想去玩返場!哈!
Vicky: ~Patio 有戶外heater又真係幾好喎，起碼舒服得黎又唔使捱凍丫！ ~我見你地o個個沙窩雲吞雞湯真係好大喎，有無味精架?如果有你地就唔好飲咁多啦！另外雞絲粉皮係勁正既野食，真係見到都想食丫，其實我諗主要係個醬好味得黎又香！ ~你地去打檯波係因為套劇，我都有睇秋官呀，搞到我都同老公講話可以教我打，搞到我都有少少興趣呢！你用椅天cue定屠龍cue呀?哈哈哈！
ReplyDelete[版主回覆04/29/2009 09:24:00]陶陶夫人: ~依日good friday, 天氣算係好, 有陽光,都幾溫暖, 但此終都未到夏天, 所以, 真係有heater 暖住比較好啲!! 不過,依個patio 真係好舒服!! 第時都想去再坐下!! ~個沙窩雲吞雞湯, 我係估唔到會咁大架!! 我估味精實有啲, 但好彩返到屋企唔口渴,...哈哈! 不過, 得我同Brian 兩個人, 真係飲晒成窩湯呀!! 哈哈!! 出親街食野, 得我同Brian 兩個人, 叫就叫唔到太多野食, 但每次打開menu 就咩都想食!! 有時都要打包!! 哈哈!! ~我有時發覺係外國居住啲香港人, 睇香港電視劇集仲多過香港居住啲香港人!! 講真, 我覺桌球套劇馬馬哋, 但見我身邊果個人追開, 我就一齊看埋一份!! 而我桌球都唔太好, 但見放假有時間就玩下!! 唔想坐係屋企, 咁悶囉!! 我同Brian 玩得好普通, 唔似套戲咁, 玩啲花巧!! 所以, 椅天cue同屠龍cue 都無出現!