波爾多之旅--Château haut-Brion / Château d' Yquem / Château Guiraud及火爐午餐

June 13,2013 (Thursday)

這天, 係最後一日嘅酒莊之旅. 

在法國, 逗留了咁多天, 都是得這一天是下雨天. 

去旅行, 當然, 要陽光普照先最好, 起碼影相都會容易啲. 但黎咗咁多日先至落一日雨. 其實, 我已經好好彩.

但最好彩, 都係今次旅程, 能夠參觀葡萄酒界第一等級的五大酒莊, 其中兩間.  還有好nice 接待員悉心講解.   因此, 在這旅程落一日雨, 我都不用計較大多了.

除了Lafite, 是第一等級酒莊之一.  Château Haut Brion 也是和Lafite 同一等級的酒莊.  

今日, 就去參觀Château Haut Brion 

遠在1525 年, Château Haut Brion就已經面世.  這個酒牌也最早進口到美國之一.  也是第一個革命性的採用不鏽鋼桶發酵技術的酒莊.   

到Château Haut Brion, 首先比我一個感覺係, 好宗教式的一間酒莊. 因為酒堡周邊, 有好多關於宗教的雕塑. 而且酒莊是十字架作標緻, 原來, 這酒莊曾經是天主教會神父經營, 所以, 有點宗教味道. 現在, 這酒莊擁有者是美國銀行家持有. 而Château Haut Brion 是五大第一級酒莊, 唯一一間是美國人擁有.

↓到達Château haut-Brion啦!! 酒堡周邊, 都很多關於宗教色彩嘅雕塑

↓Château Haut Brion的葡萄園, 而第二張相, 我哋好似渣住本書, 好似上堂咁. 其實手上的書籍係Château Haut Brion的接待員, 送給我們的書籍.

↓Château Haut Brion使用電視營光幕介紹酒莊歷史和釀酒過程, 而當中過程不能拍照, 所以, 係依個酒莊, 拍照不多.  到最後, 酒莊接待員, 帶我哋去葡萄酒陳釀室參觀. 這個室地方很大, 很多個木桶, 裡面全是葡萄酒.

↓剛巧, 一堆酒莊工人,正在葡萄酒陳釀室工作. 真係約都無咁"橋", 可以見到, 酒裝工人, 檢查葡萄酒過程. (因為, 這酒莊, 會放葡萄酒液在木桶, 陳釀24-27個月, 才會入樽)

↓這些酒莊工人, 非常熟練, 用蠟燭照一照木桶倒出的酒, 看一看, 便檢查到葡萄酒的陳釀過程是否在正常軌道.  (但點解一定要用蠟燭照一照酒, 接待員沒有解釋!!)

↓最後, 去到品酒室, 去每個酒莊, 最期待, 就是依一part. 哈哈~~ 相中的姐姐, 是當天在Château Haut Brion的接待員. 而依個品酒室, 好優雅, 周圍都掛滿壁畫.
 

↓這間, 被譽為第一級榮譽的酒莊, 在試酒方面, 都很慷概, 給了我們, 品嘗了2007年Château Haut Brion的正牌和副牌酒, 兩者,  味道芳香, 味道強烈, 有餘韻. 





-------------------------------------------------------------------------

Château d' Yquem


之後, 便參觀嘅出產甜酒酒莊----Château d' Yquem


Château d' Yquem是一個甜酒酒莊園. Château d' Yquem是第一間酒莊生產甜酒的莊園. 亦是唯一, 被評為一個超頂級的葡萄甜酒莊. 這個名譽還比五大紅酒品牌, 地位還要高出一個等級. 


我相信, 很多女士都偏愛甜酒. 我也是. 


但甜酒, 價錢是份外高價. 以前,唔太明白, 為何甜酒, 會這樣昂貴. 但去完這個甜酒酒莊之後, 才明白, 每滴甜酒, 原來很珍貴的. 



↓Château d' Yquem, 是生產甜酒的酒莊, 這酒堡是位於波爾多南端的Sauternes 的一個小山丘上, 這酒莊的酒堡, 外型好似一座城堡.  

↓甜酒酒莊嘅葡萄園和花園.

其實, 經營一間甜葡萄酒莊, 是一件相當冒險的事, 由於, 甜酒釀製過程比紅酒困難. 而且, 環境氣候, 需要緊密配合才能成事.  要先潮濕後晴朗的天氣.  還有, 甜酒需要特殊手工, 慢節奏用人手採摘葡萄.  而且,要分多次採摘, 每次都只能摘下萎爛程度最深的葡萄.  因萎爛葡萄, 甜份才高.  所以, 甜酒需要更加多葡萄樹, 先能生產到一支甜酒.  難怪甜酒價錢其高. 所以, 甜酒又被稱為「滴金酒」

而參觀這間頂級甜酒榮譽的Château d' Yquem, 它是位於波爾多南端的Sauternes 的一個小山丘上. 而Château d' Yquem甜酒莊一路都是Alexandre 伯爵家族經營, 但甜葡萄酒, 常常會要等待葡萄萎爛到某一程度, 才能採摘和釀製. 所以, 經常因為葡萄收成不夠粒數. 而影響全年酒莊的收入.  也曾經有9個年份, 因甜葡萄的品質不當, 而要放棄, 全面停產.  

但時常停產,  都唔係好掂當, 世界上其他甜酒酒莊又冒起, Château d' Yquem甜酒酒莊, 追不到現今的商業社會競爭, 所以, 1999年, 世界名牌公司LVMH集團, 便和Château d' Yquem合併.  成為一間有點商業味的甜酒酒莊.


↓甜酒---需要萎爛程度深的葡萄才能釀製.  因萎爛程度深的葡萄, 甜味較高. 所以, 種植這些葡萄需要潮濕和霧氣重, 而又遠離海嘅區域種植. 總之, 潮濕後快睛朗的天氣啦!!   相中深顏色, 而又縮小的葡萄, 才能採摘,來釀製甜酒. 但由於, 要等待自然天氣令葡萄萎爛, 所以, 採摘工人,  可能分很多個階段逐粒葡萄採摘, 比紅酒工作勞力得多.  有時一組葡萄, 只有數粒會萎爛正確. 所以, 一支甜酒, 真是需要更加多葡萄樹, 先能生產到一支甜酒

↓甜酒, 能成功採摘一定數量的葡萄, 真是不容易, 成功採摘, 便以進行發酵及搾汁, 再放至像木桶陳釀. .....而這甜酒酒莊的品酒室, 很舒服. 成個大廳咁. 還有甜酒的招牌. 

↓相中, 就是相當珍貴的甜酒,(又名「滴金酒」or 「貴腐酒」), 甜酒酒莊接待員, 倒甜酒給我們品嘗. 但這位接待員, 很孤寒. 我哋十一個人, 只分享了半支甜酒咋!! 即係每人只得一少杯咋!! 飲兩啖都無晒. 我哋要求添多點甜酒品嘗, 接待員話害怕我哋渣車危險, 唔比再添酒, 還把支甜酒收埋入房. 其實, 這接待員, 見住我哋係旅遊巴落車, 即係我哋有司機啦, 邊會渣車呢??她擺明想將支酒, 據為己有啦!!! 說實話, 一團人, 飲得半支酒, 真係試唔清隻味. 但d' Yquem酒, 很濃蜜糖和杏乾味香氣, 飲落喉嚨很流暢. 好好飲

↓見到嗎!! 成12隻杯(個接待姐姐都有飲),  即每人試得一, 兩啖酒甜酒咋, 少得緊要, 但這隻甜酒, 真是好有蜂蜜蜜糖的味,而且香氣好好, 濃郁悠長的蜜糖果乾味,長留喉嚨, love it so much!!   

↓這天, 就是試這支2007年甜酒........., 由於, 甜酒由種植開始, 已經非常困難, 採摘方面, 又要逐粒黎, 又要天公造美, 甜酒才可成事. 所以, 甜酒, 擁有「液體黃金」的美譽. 很多人會稱 d' Yquem甜酒為「滴金酒」(每滴都係黃金的酒). 仲有,甜酒能經歷數十年的存放, 存放越耐, 甜酒顏色越深金黃, 甜味更濃郁和成熟.  當然, 越耐年份的甜酒, 會越昂貴.  

-----------------------------------------------------------------------


Château Guiraud

再繼續酒莊之旅.

黎到另一間主要生產甜酒嘅酒莊參觀, 我哋除咗參觀, 仲會係依個酒莊食一個午餐.

這間酒莊----名為Château Guiraud, 主要生產甜酒 和 部分白葡萄酒.  

由於, 這天下着雨, 酒莊接待員, 見我哋一到, 便為我們準備了大傘, 邊行莊園, 邊解釋.  

↓這就是Château Guiraud 的酒堡, 而箭咀指着嘅地方, 就係Château Guiraud嘅葡萄園. Château Guiraud位置在Sauternes, 當地天氣環境獨特, (朝早潮濕, 後轉天睛)容易令到葡萄容易萎爛, 因萎爛的葡萄, 最適合釀製甜酒.

去咗咁個酒莊, 其實, 都知道酒莊嘅流程. 大至上, 每個酒莊嘅接待員, 都會介紹酒莊位置和歷史, 再介紹葡萄酒點釀製, 幾時入樽......

但參觀甜酒酒莊, 就會特別講解, 採摘葡萄的經過. 因為, 直到而家, 甜酒的葡萄, 仍是要用手, 逐粒逐粒採摘.  還要採摘萎爛的葡萄. 所以, 要一定經驗和更大力氣才能成事!

因此, 參觀甜酒酒莊, 接待員在講解方面, 都講得比較長時間. 但好彩, 我唔覺悶, 越聽越有興趣添!!


↓這是Château Guiraud的標誌,而個酒莊接待員, 講解製做甜酒的過程, 之前, 間酒莊都講過, 製作甜酒, 是比較吃力. 因要潮濕和霧氣重的區域, 才會令葡萄萎爛, 要葡萄達到一定程度萎爛, 才適合採摘. 因萎爛葡萄, 甜度較高.  但有時, 一串葡萄, 可能只有數粒先會萎爛正確.  採摘依個步驟, 聽落去已經不容易. 所以, 甜酒價錢咁高, 真是有得解.  (相中就是萎爛的葡萄) 

↓完成耕辛採摘過程, 便要用鏽鋼桶技術進行壓搾葡萄和發酵過程, 釀酒工人要每日檢查葡萄的溫度和發酵過程, 當發酵一定程度嘅糖分, 就會停止發酵. 之後,將葡萄汁液放入木桶陳年, 大概要24月時間. 才可入樽

其實, 我未參觀甜酒酒莊前, 我真係唔知甜酒, 原來是咁難先, 製作到一支. 而且, 甜酒背後的工夫, 真係唔係噤個製就攪掂.  

到現今科技昌明嘅社會, 製甜酒, 真是無法有機器代替. 仍是需要全人手, 才能成事. 而且, 甜酒還要比較紅酒, 更講彩數. 天氣不似預期. 真是咩都無.

所以, 去完依一個酒莊之旅, 我會額外珍惜, 每一杯, 都是很珍貴. 

↓酒莊接待員, 比我哋品嘗 Château Guiraud兩支甜酒. 兩者, 顏色金黃, 有很濃厚果行和蜂蜜味道. 我越飲越鐘意. 但加拿大賣到依支甜酒, 相當昂貴. 不捨得飲呢. 所以, 今次去法國, 有幸去酒莊, 還能品嘗咁多酒. 真是很值得.   ( 在近年﹐美國知名葡萄酒雜誌(Wine Spectator)累次介紹Château Guiraud的甜酒, 這甜酒, 還被這雜誌評選為, 最佳酒莊為第四名)

↓由於, 這天下雨, 我們留在品酒室, 食埋酒莊安排比我哋嘅lunch. (原本, 是在葡萄園吃lunch的). 雖然, 不能在葡萄園吃lunch, 但酒莊安排我哋在有火爐的品酒室, 做食lunch嘅地方, 我反而感覺, 在室內進行品酒和食lunch, 仲有另一種風味. 因對住火爐, 仲warm 啦! 

↓酒莊安排比我哋嘅lunch. Table setting 幾靚(張檯仲係火爐旁邊, 但人太多,影唔到)

↓係酒莊食lunch, 酒莊當然會安排埋它們自家嘅酒啦!! Totally, 十一人有成八支酒飲, 還要用甜酒配食物喎!!好似有啲"車此". 但又感覺咁飲甜酒法, 好夾喎!!食到好開心!!! 哈哈~~  午餐有煙三文魚

↓酒莊lunch, 還有鴨肉橙沙律, 雞肉卷(全都好好味)

↓甜品, 有甜酒浸雜莓(好好味), 士多啤梨蛋糕

↓甜品: custard tart 和波爾多特產caneles

↓最後, 還有咖啡. .................臨走, 同火爐影張相先走.

*這個酒莊之旅, 已經黎到尾升, 今次好好彩, 去足九個知名度高嘅酒莊,
 
  由初頭唔知頭唔知路, 到最尾明白到, 製作葡萄酒一切嘅過程, 了解好多葡萄酒的知識.  雖然, 不同酒莊有它們不同嘅風格, 但製作葡萄酒的過程, 真是一點都不容易嘅事. 這次旅程之後, 我會比以前更珍惜葡萄酒.
 
  依個旅程, 有得食, 有得飲, 又有得玩, 最喜歡係學到一些知識, 令到這旅程, 非常充實嘅旅程. BYE BYE---法國嘅酒莊.