行街飲野+煲仔飯

March 13, 2011 (Sunday)
    由於, 要返兼職. 見出咗街. 所以, 完成兼職之後, 便去行行Don Mill Mall. 如果我返咗屋企, 就唔會出街架啦!!

    Don Mill Mall 係一個露天嘅商場, 舊年聽說, 商場中央有個溜冰場, 時常都好想去八下. 感覺商場有個冰場特別有生氣.  但由於今年周末時常落大雪, 所以, 等到而家先有心情去行Mall.

    我無帶溜冰鞋去, 所以, 都係齋睇人玩, 見到啲外國人真係唔同中國人, 啲小朋友溜冰跌低咗, 係唔會付小朋友起身, 等他們自己起身, 跌未跌囉! 比着啲chinese, 一定唔係咁啦!!

↓商場中央嘅溜冰場0

    還掂都行開商場, 就順便睇埋煲, 我早幾年, 已經很想買Le Creuset嘅煲, 等到現在, 越出越多色, 究竟邊隻色好, 邊個size 好呢?? 我諗足咁耐都無行動...講真個句, 我多唔多用依啲煲呢??哈哈~~
  
↓Brian 話鐘意湖水藍, 我鐘意紫色, 也鐘意蕃茄煲, 其實仲有橙色南瓜煲 (無影到)....都係想清楚先0

    諗了很耐, 覺自己還未有衝動買煲,  就行咗去飲下午茶. 都好耐無幫襯過星星咖啡啦!! 連個杯嘅logo 都換咗樣添!!  仲順便買埋星星咖啡新出嘅棍仔蛋糕. 啲棍仔蛋糕唔太甜, 一啲都唔似傳統鬼佬甜品風格. 好light 架!! 而且, 價錢好抵食. 哈~~~

↓咖啡+甜點....很喜歡棍仔甜品用個四方箱盛載住.    0

    行完我啲野, 就行下Brian 啲電器鋪. 見到有game 特價, 即時買返隻玩. 回到家即刻試game. 我也玩埋一份. 但依隻game好多關要過, 要有耐心先玩到慶喜嘅感覺. 哈哈~~

↓Kinect game0

    不知不覺, 又到晚餐時間, 我突然興起, 好想食煲仔飯, 我以前從未整過, 上網亂摷一個食譜, 慢慢跟住做, 又攪掂咗. Brian 食到好滋味, 仲叫我有時間再整過.

    煮完煲仔飯, 先發覺自己屋企個煲, 原來好深, 都煮咗兩嘜半嘅飯, 加埋啲餸, 都去唔到個煲嘅一半. 我係時候買個細啲煲, 咁樣整煲仔飯先會似樣啲.


↓肉排潤腸煲仔飯+蝶菜就開飯啦!! 仲有五妹買給我嘅Hello kitty碗 and Queenie送給我嘅Hello kitty 蝶黎開飯. 有Hello kitty 陪食飯, 會開心啲. 但原來, 我and Brian 細食咗, 依煲飯食唔晒呀!!0

   由2011 年開始, 每個周末, 都好像沒有特別出街走走, 至多買下餸就返屋企. 難得這個星期日出街走走, 周圍望下野, 感覺個人令捨舒服. 心情都開懷了!!