Pizza 姐

April 1, 2011 (Friday)
   我家的後面街, 新開了一間pizza 店, 說實話, 新開的Pizza 店, 真的無咩特別驚喜可言. 因為我依區太多這類型嘅pizza 店. 

  大路嘅Pizza 店特色, 玻璃櫃, 放滿一片片唔同口味嘅pizza.供街客買. 店內幾張臺, 裝修簡單, 主做外賣生意.

  但我無啦啦有張$10 off 嘅pizza 卷. 咁抵, 即時化身pizza 姐. 攻去買pizza. 還掂都星期五, 都想特別啲. 最大原因,-----自己都懶煮.

   雖然, 話有pizza 卷, 買個大size pizza, 有埋雞肉及超級芝士, 之後, 要補九個大洋. 才能成交.  我覺acceptable 啦!!

    由於用pizza 卷, 要自己攻入pizza鋪買, 無得delivery.  所以, 就要呆坐在pizza 店等pizza. 因而, 令我全身都感染pizza 味.

    一個全身pizza味嘅女仔, 捧住個大pizza 回家. 好像引起街上嘅途人主目. 途人也特別讓路給我前進. 哈哈~~星期五, 我好像化身為------PIZZA 姐.

↓蒜蓉, 雞肉, 芝士Pizza......味道 & pizza 個皮都唔錯. 雞肉都幾多.0

↓呆坐pizza 店等待時, 見到依間pizza 店嘅推廣牌, 原來啲散裝pizza 幾抵食. 0

*今年, 愚人節, 我一買完pizza 回家, Brian 話:「阿Sa & William 散咗啦!!」
  我仲信以為真, 仲問Brian, 邊本八婆雜誌公開架!!
  Brian 哈哈笑, 才知自己被玩.
 (Brian偶像係阿Sa, 當然想依個消息係真啦!) 

Easter eggs

March 31, 2011 (Thursday)
    復活節, 來來去去都係甜到流嘅朱古力, 但我貪吃, 也會等待復活節過後, 買啲大降價兼甜到流嘅復活節朱古力, 來慢慢食.

    今年, 見到兒時喜愛嘅朱古力----Crunch. 出了復活蛋, 而且, 係fb 見到有人對這朱古力復活蛋讚"好". 便馬上call Brian 買給我吃. (因為他順路啲.)

     唔知點解, 等待他回家時, 特別緊張, 可能就是---滿足我吃甜到流嘅復活節朱古力嘅渴望啦!

    女士, 係會在一個月內, 某段時間, 會很想食甜點. 凍的雪糕, 不能吃, 吃完痛多兩錢重. 朱古力便是好選擇.

↓味道不錯嘅復活節朱古力蛋.   不會甜到流,....(我也讚"好")0

晚餐

March 29, 2011 (Tuesday)
    是的!! 忙碌了許多, 生活上有了額外工作, 令到自己在時間方面, 排得好密.

    Brian 今天去買了新鑰匙包, 他很鐘意, 還興奮到, 話要出街食飯慶祝. 還好, 我也想出街吃.......但原來閒日啲食鋪好早就close. 去了幾間都模門釘. 最後, 去了帝皇, 才有機會坐下. 但原來我哋係最後一臺客. 幸好, 沒有催客走嘅感覺. 唔洗食得咁趕. 但我們太肚餓, 很快就食完.

↓太夜才食晚飯, ....魚香茄子飯, 班腩時菜炒河, 椒鹽雞翼, 通通給我們在一瞬間吃完了. 哈哈~0

             

March 31, 2011 (Thursday)   現在, 開餐都是講求快, 就是因為排得密嘅時間表, 變相食飯, 都從簡了! 其實, 都係一餐飯. 無咩特別. 填飽便算.

↓雜菜+燒賣+麵.....我依張相, 重點係個湯碗, Hello kitty 碗!!!哈哈~ 平凡生活, 有Hello kitty 點燿下, 會開心啲.0

化妝

March 27, 2011 (Sunday)
    自從, 買化妝以後, 就越來越多投資係化妝 and 美容方面.

   以前嘅我, 瞓到最後一秒才起身, 但現在會提早起身, 盡量都會化下妝才肯出門口. 點都要韃一點化妝品在面上.

   好像少了將真面目視人, 現在嘅我只是係淡妝 or 濃妝嘅分別

   此終, 化妝之後, 人嘅面色和精神是可以呃到人的. 長期鼻敏感的我, 化了妝以後, 連自己都可以呃埋. 哈哈~~~ (我的紅紅鼻子不見了!!)

↓隨拍   (化妝後的我)0

    很多男士會無耐性, 等待另一半化妝. 反而, Brian 係依方面, 超級有耐性, 唔介意等呀等!! 還經常提點我, 唔好慳, 有需要就趕快買! 他有好幾次, 幫我買埋化妝用品添!! 哈哈~~~可能他已經習慣我化妝的樣子了.

↓在電梯內和Brian 玩自拍0

行商場

March 27, 2011 (Sunday) -12℃    
    買早餐時, 仍感受到寒意. 凍住行去買早餐. 不過, 捧住袋早餐返屋企, 會好開心. 因為很喜歡在星期天, 嘆早餐.

    我真係嘆個早餐好耐架!! 一邊食, 一邊睇雜誌, and 睇電視. 食到中午都得. 好享受依個懶洋洋嘅感覺.

↓早餐    0

   下晝, 走咗去行屋企附近個商場(Eaton Centre). 見到Apple store 門口有好多人排隊, 等呀等.  原來, i Pad 2 係加拿大出購兩天. 仍然, 需要排隊才能買到. 蘋果產品確實吸引.

    我哋入去買個 i Pad 2 保護套, 都排咗好耐隊先比到錢!! 蘋果蘋果,....你好勁呀!!

↓條人龍係排隊買 i Pad 2架!! 另外張相係Apple store 門口嘅window display......最後,Brian買了個藍色保護套  0

    行完Brian啲野, 又到我啦!! 我一次過, 買了兩套裙, 有啲人買衫, 買褲, 需要用好長時間先買到. 但我一有需要買, 就會好快手. 我計埋試, 都唔洗15 mins . 就行去櫃臺比錢.  不過, 我都係好彩, 咁啱我想買個啲裙,就比我見到.....而且, 去櫃檯比錢時, 無啦啦話有咩咩星期日優惠, .....我買嘅裙有$10 off 呀!! 開心到我吖!! 哈哈~~~

    之後, 去咗咖啡店tea 一 tea, 現在星星咖啡店啲掍仔蛋糕, 好吸引呀!! 而且, 又唔貴. 用黎當下午茶就最啱.

↓紅色果袋---係我買嘅裙. .............星星咖啡店, 飲下午茶0

↓商場出面, 個十字路口, 超多人!! 每次只係過到3-4架車, 因為地鐵臨停服務作維修. 所以, 啲人擁上地面, 去坐接博巴士. 令到全街都係人!! (我係車箱入面影, 效果係馬馬!! 但真係好多人)0

     晚餐, 又係我顯技, 雪櫃有就整咩. 其實, 煮完先知, 煮到好似上星期日嘅晚餐咁. 哈哈~~ 咁為咗清雪櫃嗎!! 同上星期日差唔多都係咁話. 而且, 依排啲青口平嗎! 咪買多咗囉!! 哈哈~~~

↓有煎三文魚塊, 食剩嘅煲仔飯, 食剩嘅飲茶點心, 豉油雞翼, and 青口 0

飲茶+煮飯

March 26, 2011 (Saturday) -14℃
   很喜歡這個星期六, 得我們兩個人.  見我哋兩個咁耐都無嘆過茶, 起床之後, 便立刻梳洗, 行去飲茶.

   雖然, 兩個人飲茶, 係叫野食方面有點難度. 但就喜歡這個自由, 坐幾耐, 食咩野, 任由自己選擇. 很享受!

    一朝早, 肚空空, 話去飲茶, 當然什麼都想吃. 不自覺叫了很多籠點心. 但每籠食啲啲. 都係闊肚紮啦!! 最後, 都係打包一盒盒回府. 

↓飲茶點心 (最喜歡最尾張相嘅---饅魚酥)0

   由於, 加拿大嘅Apple store 發購咗 i Pad 2. 咁連帶i Pad 2 啲配件都出咗. 咁我隔離果個當然要去望望啦!!  雖則玩了 i Pad 2兩星期, 但i Pad 2 還未有保護套. 我掂部 i Pad 2都份外小心, 有時, 唔知自己咩動作. Brian 也會為部i Pad 2心驚膽跳. 

   所以, 飲完茶嘅節目, 便是去齊Future shop and Best Buy (電器鋪). 望望i Pad 2 嘅保護套.  一行得入電器鋪, Brian 邊會剩係望 i Pad 2啲配件. 簡直見到咩電器都有興趣啦!! 這係咁, 消磨了許多時間.

    最好笑, 電器or i Pad 2 嘅保護套, 就買唔到. Brian竟買咗條西褲. 哈哈~~ 我成日都覺有心去揾就未必揾到. 但有啲野係無心去揾. 自自然然就揾到. 買野都要講緣份. 唔知點解, Brian依條西褲比我嘅感覺,.....係會着好耐.

    臨回府, 去了超級市場, 行了一轉, 之後, 我入廚房整Brian 講足成個星期嘅煲仔飯. 他很鐘意食煲仔飯. 食開鐘意就會食. 仲要係材料+份量要同上次一樣. 所以, 我時常講, Brian 細個啲工人點解可以係佢屋企打咁耐工.   皆因, Brian容易奏. 日日煮同一款他鐘意食嘅菜式便攪掂.

     我曾經煮過全個星期嘅豉油雞比Brian 食. 因為他鐘意食, 他唔會有聲出. 雖佢食唔厭, 但我都煮厭啦!! 我之後頂唔順煮其他野!! 他好像有點不慣. 哈哈~~~

     係咁架啦!! 鐘意食都唔會日日整. 咁先顯得個煲仔飯矜貴嗎!! 哈哈~~

↓星期六晚餐, 麵豉醬炒椰菜, 煎三文魚塊, and 肉排潤腸煲仔飯0