May 3,2009 (Sunday)
一個weekend 又咁快過完了!! 多數係weekend, 都好像有好多野要做!! 但要講到忙啲咩, 又講唔出有啲咩忙喎!!! 但點都要渣車出街, 買依樣,買個樣!! 買都係買日常用品, 或者日常食品....但好像遍遍用了許多時間!! 可能加拿大啲道路, 係比較長啲喇!! 哈哈!!
而且, 在星期六, 又要去King St. 做點東西......一個朝早嘅時間已經沒有了!! 但竟然比我係king St. 周邊街道, 揾到一間家庭式經型嘅小食店, 店子細細, 裝飾普通, 但食物好好味!! 可以和Brian係下晝嘆個美點......真係早起身之苦, 都唔記得了!! 哈哈!! (由於,間小食店, 座位不多, 但坐滿人, 檯掂檯, 不好意思影相, 自己心中知道便算了!)
下星期是母親節, book 檯食飯之餘, 還要購買禮物而傷腦根! 因為, 想買一點實用物品比媽咪, 想了好耐, 終於, 諗到....但需要勞煩Brian 車我去商店購買之餘, 還要Brian 幫我搬運....因為件物品相當大件!! 雖然, 自己都有力氣搬運, 但唔通抱住大大件物品坐交通工具咩?? 所以, 多謝Brian 用weekend 啲優閒時間, 幫我做我屋企啲野!!
↓這就是禮物
購買埋我同Brian 一周所需物品之後, 才有點時間去行Mall, 其實, 我行Mall 都唔係想買野!! 只係同Brian 行一陣, 出去食下野, .....就已經感覺好relax...哈哈!
↓行商場時, 見到雪糕車, 好開心!! 平時, Brian唔比我食雪糕車啲雪糕架!! 但近期又就比.....yeah!! 
↓去了粥店(皇后粥店)食咗餐!! 其實,仲去咗去食台灣野, 但間台灣店, 我哋成日食,所以費事影架喇!
↓還去了yorkdale, 電話交易
↓星期日,已經沒有出街, 和Brian在家, 我便整點早餐, 夜晚吃公司三文治配甜薯做dinner
同香港雪糕車D軟雪糕有冇得比呀？
ReplyDelete[版主回覆05/07/2009 09:59:00]pal: ~半年前返香港沒有品賞過香港雪糕車!! 哈哈!! ~但無論邊度嘅雪糕車啲雪糕!! 一定比到開心嘅感覺我!! 哈哈!!
妳媽媽一定很喜歡這份禮物！
ReplyDelete[版主回覆05/07/2009 09:59:00]C&K: ~多謝!! 我都希望我媽媽會喜歡!!
點解我唔111111111111111111111111
ReplyDelete[版主回覆05/07/2009 10:00:00]Kitty: ~依篇blog 無通知你, 因為, 我好夜先寫完依篇blog.....下次, 再通知你1111 喇!!
伯母一定會好鐘意呢份禮物呢....
ReplyDelete[版主回覆05/12/2009 09:29:00]心樂: ~多謝你!! 我媽咪真係好喜歡.....
買禮物都幾難諗,我哋都係食飯算喇~~~
ReplyDelete[版主回覆05/12/2009 09:30:00]V&M: ~我都覺買禮物幾考功夫, 但當見到媽咪收禮物時,我就唔記得依隻功夫了!! ~你同媽咪食飯都好呀!! 都係心意!
You are so nice to your mom. I seldom buy gifts for Mom. I just have dinner with her.
ReplyDelete[版主回覆05/12/2009 09:30:00]Happy Girl: ~係平時, 我見你對屋企好付出真心!! 你陪到你屋企做咁多野, 你父母一定好開心!!
平時, Brian唔比我食雪糕車啲雪糕架
ReplyDelete點解?唔通有問題??
[版主回覆05/12/2009 09:31:00]高貓貓: 係呀!! 他平時, 唔係好喜歡我幫襯街邊檔架!! 而且,雪糕需要一定冷凍情況下, 先至會ok,所以, 我唔係時時可以幫襯!!
其實係咩禮物嚟? 我睇唔到呢....有D似按摩器, 但又好似唔係。
ReplyDelete好少可你會喺星期日留喺屋企架喎? 全日都無出過街? D早餐&晚餐都好美式呢~~~哈哈~~
[版主回覆05/12/2009 09:32:00]細細粒: ~份禮物好普通, 只係放係門口的一張長梳化,只係方便媽咪出街着鞋時,坐係門口着鞋, 由其事冬天, 天氣比較凍, 需要着boots, 依張長梳化, 就能夠幫到媽咪着鞋時舒服啲囉!! 而且, 把長梳化上蓋打開, 可作放什物用!! 一舉兩得! ~我比較喜歡留在自己家, 因為感覺舒服啲, 如果唔係需要買日常用品, 我未必喜歡出街, 因為成日覺係屋企最舒服!!
係咩? 但係見你周不時FRIDAY OR 其他日子都話一放工就想出街, 又話唔想咁早返屋企喎....哈哈....
ReplyDelete[版主回覆05/20/2009 09:10:00]細細粒: ~我講話星期日喎!!! 星期日我通常都留係屋企架!! 打掃下, 熨下啲衫, 都差唔多一日喇! ~但一friday 放工, and 星期六, 就想拿拿臨出街, 自己都唔想煮飯喇!! 而且, 做得咁辛苦先等到 weekend , 真係好開心架!! 而且, 星期六通常都係出街買食物(我買定一星期啲餸架!) ~點講好呢!! 如果唔係需要照顧屋企所需, 我真令願星期六出下街食野, 所有時間係屋企休息, 感覺好舒服!!