May 28, 2009 (Thursday)
星期五(May 22), 仲好哋哋, 同Brian 放工之後, 都走去超市, 買了三文魚扒, 羊扒黎bbq!!
但到星期六朝, 我個肚就....好痛呀! 真係好痛, 真係做咩都無心機......., 而且, 瞓瞓下都會醒!! 但係, 沖熱水涼又唔肚痛喎!! 所以, 沖咗好多次涼! 哈哈!!
由於, 肚痛, 因此, 要食得比較清淡啲........總言之, 食咩, 飲咩都要熱辣辣, 就唔覺肚痛, 如果, Brian 唔係屋企, 我真係連冷氣都唔想開呀!! 星期一(May 25)我仲頭都暈埋, 未夠10pm 已經用棉被卷住自己瞓添!!(卷到自己好似條春卷....哈哈!)
痛了幾日了, 今日, 好返啲喇!! 無再太痛了, 舒服咗啲.....希望下個月唔會再痛成咁喇!!
↓Friday night 好哋哋,...... BBQdinner!
↓有出街食白粥, 炒麵, and 熱河粉 (Brian 食咖哩飯)
-------------------------------------------------------------------------------------------
而我屋企, 近來好似好多問題咁, 但唔係咩特別大問題, 只係好普通嘅家庭事, 有時, 食dinner 時, 屋企會打電話黎, 同我講lee 講露, 仲越講越勞氣咁!! 啲妹都大喇!! 她們都無學壞, 仲想點呀? 要日日坐係屋企先叫乖呀?......
祝妳快 D 康復!!!! 妳屋企可以 BBQ .... 勁!!!
ReplyDelete[版主回覆06/09/2009 09:15:00]表叔公: ~我好返了!! 多謝關心!! ~我屋企樓下, 有一層係BBQ 場地黎架!! 所以, 一夏天就會落樓下BBQ, 而且, BBQ 食物特別香, 所以, 夏天會食BBQ 多啲!!
我都痛啊 所以咁早訓
ReplyDelete[版主回覆06/09/2009 09:18:00]Kitty: ~原來, 大家有同樣問題...哈哈!! ~我都早瞓咗, 但瞓到臨天光會醒咗架!! 哈哈!!
好返未呀!!!多d休息呀!!!
ReplyDelete[版主回覆06/09/2009 09:19:00]V&M: ~我好返晒喇!! 多謝關心!!
而家有冇好ｄ呀？ 你唔舒服清清地食下白粥都好，但係炒麵都好油利架～～
ReplyDelete[版主回覆06/09/2009 09:27:00]傻妹: ~而家已經好返啲喇!多謝關心!! ~講真, 肚痛時, 我只想食熱辣辣食物, 粥就係最好選擇!!! 哈
Take care
ReplyDelete[版主回覆06/09/2009 09:28:00]小威威: 多謝晒!!
有無睇醫生呀?
ReplyDelete[版主回覆06/09/2009 09:29:00]心樂: 無去睇呀!! 每個月都會係咁, 只係今次比平時痛多少少!! 但現在已經recover, 多謝關心!!
好番晒未呢？
ReplyDelete[版主回覆06/09/2009 09:30:00]Pal: 好返喇!! 多謝關心!!!
Vicky: 知唔知點解會肚痛架?但用熱野去整下佢又真係無咁痛既，見你話沖左好多次涼都覺得有d搞笑！ 下如你買下d白花油啦，用下都唔錯，涼涼地，幾舒服架，再唔係買個暖水袋，一痛就用。
ReplyDelete[版主回覆06/18/2009 20:52:00]陶陶夫人: ~我M痛, 所以, 超肚痛囉!! 我有用暖水袋架!! 但都係痛囉!! 今次比較痛啲, 所以, 就係度呻下囉!! 我現在無事喇!! 多謝關心!! ~而今次肚痛, 一沖涼就比較舒暢, 所以, 痛得頂唔住就去沖涼囉!! 沖得多, 現在連頭髮都長了!! 哈哈!! ~白花油, 我以前細個有用架!! 但大個咗就無用喇!! 因為陣味囉!! 而且, 我男朋友個邊係比較相信西醫架!! 所以, 都唔係好受得啲白花油味!! 哈!!