居住在現時個地方, 已經八年了!! 個垃圾筒由入伙買到而家!! 仲記得,當時買垃圾桶時, 剛遇到有間什貨鋪"執粒", 見到有依個鏡面垃圾筒賣, 價錢相當便宜, 便即時買下, 就一直用到而家!!
我每天都會踏踏踏依個垃圾桶, 點知踏到上星期, 終於比我踏到個垃圾桶嘅腳塔移咗位, 攪到擲垃圾好唔方便! 要買個新垃圾桶.....
由於用開有感情, 想買返個同型號垃圾桶, 一係唔買,要買時先知, 依啲垃圾桶都幾貴下!! 謂有, 一放工, 就同Brian 周處去啲家庭用品店格下價.....順便買埋雪櫃突然間
燒咗嘅電燈泡!! 所以, 一放工都走咗出街!! 講真, 真係有點攰!!
最後, 咩都攪掂晒!! 即時係家庭用品店門口啲街邊檔嘆返個hotdog and 薯條先, 嘆完先返屋企!! 又唔知點解, 好多家庭用品專門店實有啲街邊車仔檔擺賣小食! 可能啲家庭用品店實在太大了!! 我揾粒電燈泡, 都行到我傻.....買完所需用品, 一定要補沖下體力先得!! 哈哈!!
↓街邊車仔小食檔
↓個垃圾桶腳踏已經移咗位, 要退休喇!! 買咗個更加大啲垃圾桶做替換!!
街邊既hot dog stand特別好味，以前成日食。係啦，我都想知點解實有架係家庭用品店/furniture 店出面擺檔
ReplyDelete[版主回覆05/27/2009 08:54:00]Mui: ~街邊啲hotdog 燒得特別好味架!! 而且, 醬料多, 好好味架!! ~我都唔知點解啲家庭用品店門口, 實有hotdog 店擺賣,但就令家庭用品店多了一啲特色!!!哈!!
Canadian tire at Bloor and Church
ReplyDelete[版主回覆05/27/2009 08:55:00]Kitty: 係呀!! 係依間, 但就係依間食野咋!! 買野就係第二間買!!! 哈哈!!
用咗8年真係好襟喎~~香港都有呢款買, 真係好貴架, 我都係買膠做既, 平d嘛....... 我諗外國周圍都有呢d車仔檔, 賣既都係d好簡單既食物嚟, 方便煮嘛, 而且外國d店咁大,d人買完嘢都應該幾攰吓, 所以呢d店就會有生意架啦~~~哈哈~~~我行完"now"都會有時買吓熱狗食啦~~~嘻嘻~~~~一樣道理!
ReplyDelete[版主回覆05/29/2009 12:14:00]細細粒: ~我八年前, 第一次買鏡面垃圾筒, 用開有感情, 但而家需要買返新一個, 先覺依隻垃圾筒越來越貴!! 所以, 行咗好多間先買! ~係呀!! 外國啲店鋪面積比較大, 有啲超市都好似"NOW"咁, 買完野, 真係要食返啲野補充energy!! 哈哈! 所以, 依啲車仔檔都幾好生意架!!
Vicky: 你都唔好話丫，你類既腳踏垃圾桶真係好貴架，我係美國見過類似既係起碼都要成$50USD，好過去搶，但你舊o個個真係無得整番啦?因為如果可以整得番既話就整啦，環保丫嘛！
ReplyDelete[版主回覆06/03/2009 10:13:00]陶陶夫人: ~真係物價高脹, 八年之後, 再買返鏡面垃圾桶, 原來係咁貴, 但行咗好多地方,終於, 揾到了!!! ~舊果個垃圾桶都唔知點救得返好,...而且, 買咗新, 舊果個已經掉咗喇!! 況且, 我屋企面積唔大架!! 唔知係邊度再容立多個垃圾桶....所以, 用唔到, 真係要掉!