May 9, 2009 (Saturday)
現在, 有啲細妹已經工作, 讀書啲妹都做緊part-time, 所以, 母親節都會自己諗禮物送給媽咪!!
每年, 天氣和暖, 媽咪都會去啲園藝市場買花, 之後, 自己動手把花種植在前花園.... 但媽咪每次種花都會整到自己腰酸背痛.....我曾勸媽咪, 比啲錢比園藝公司啲人賺喇!! 唔好自己種花喇!! 但她喜愛自己種......
所以, 今年, 母親節前夕啲妹, 晨咁早 (7am)起身, 就同屋企前花園種花, 當媽咪母親節禮物!! 啲妹一早買定媽咪每年買嘅花 and 泥, 大家分工合作把花種入泥土內!! 全程, 三個妹唔比人幫手, 一定要自己黎喎!!! 雖然, 他們在初時種花都有點雞手鴨腳, 但最後都順利完成!! 但就整到成雙腳都係泥....哈哈!!
完成種花, 三妹還要趕去幫小朋友私人補習!! 真係忙......
媽咪, 九點幾起身, 見到前園有花仔, 仲以為係發夢, 媽咪感覺好驚訝! 原來係啲細妹送給她的母親節禮物!!
↓平時周末, 啲妹當然唔會咁早起身.....為了給surprise 比媽咪, 唔洗叫都識起! 
↓其實, 她們真係好落力種, 值得一讚!
11111111 差d睇唔到
ReplyDelete[版主回覆05/27/2009 08:29:00]Kitty: 哈哈!! 最後都獲得第一!! 眼利!
你冇幫手啊你
ReplyDelete[版主回覆05/27/2009 08:31:00]Kitty: 三個妹唔比任何人幫手, 因為幫媽咪種花, 係她們為媽咪準備嘅禮物黎架!!
你媽咪住嗰度都好大喎.....個前花園都感覺又大又舒服呢~~~仲有假山添....哈哈...好寫意....
ReplyDelete除咗鍾花, 你D妹仲有無買禮物畀媽咪呀? 就算無, 你媽咪都一樣咁開心啦~~
[版主回覆05/27/2009 08:33:00]細細粒: ~前花園, 係媽咪叫啲專人黎設計架!! 所以, 有啲假石...哈哈!! 但我好少enjoy 個花園, 返屋企就入屋架喇!! ~有時, 禮物唔需要物質架!! 一啲行動, 都係禮物黎架!!! 幫媽咪種花仔, 已經係我三個妹送比我媽咪嘅母親節禮物, 你唔好睇少種花...因為, 將前花園種滿花, 買花啲價錢都有返咁上下, 而且, 仲要買埋泥, 仲要一棵一棵慢慢種, 真係要用心先做到!!媽咪起身, 見前花園種滿花, 她已經好開心了!!
Vicky: 你媽咪o個度都真係種左好多花花草草喎，其實佢地種野係一種興趣，所以真係寧願落手落腳去做，如果你話請人番黎做既話，咁變左只有觀賞既樂趣，無左落手落腳既過程，少左o個種樂趣架啦！ 你d妹真係好乖，講真丫，你媽咪見到有咁多花花係個花園度，真係一定會開心過買現成既一束花俾佢囉
ReplyDelete[版主回覆06/03/2009 10:12:00]陶陶夫人: 其實, 居住係一間house, 除咗室內要關注之外, 真係連戶外都需要照顧埋, 整開就會每年都要整架喇!! 叫人黎整, 係就係方便, 但點都要自己執手尾, 此於, 都係自己先最了解, 自己個花園!!! 我媽咪對花花草草係有興趣...但點都喜歡自己動手才有實在感!! 而家啲妹買咗花, 而且, 仲種埋....已經幫我媽咪慳咗一個功夫了!!! 所以, 我媽咪見到咁多花係花園, 真係好開心!!