May 31, 2009 (Sunday)
好例牌, 周末就會同Brian 一齊, 返媽咪屋企!! 又好例牌咁, 下晝去飲茶, 夜晚係媽咪度食媽咪煮嘅dinner!!
現在, 啲妹長大了!! 我也沒有所謂, 啲妹去唔去飲茶..., 啲妹返唔返屋企食晚飯....., 因為, 我覺啲妹有自己生活, 有自己圈子, 干預得幾多吖?? 而且, 啲年青人當然喜歡出下街架!! 總之, 生活健康, 唔係學壞就得喇!! 但我daddy 就不是這樣想, 當啲妹唔返屋企食飯, 一家人唔整齊, Daddy 個心情就會好"慶"..........感覺他自己咁遠飛到黎加拿大, 真係有點唔直,.....哈哈!! 我曾和Daddy 解釋過, 人到唔同階段都要學識「接受」!!
新一代, 而且, 啲妹細細個已經接受外國教育, 外國教育啲小朋友比較獨立, 有自己思維, 要擁有自己私人空間, 所以, 現在啲年青人會越鬧就越走......哈哈!! 所以, 做長輩要識配合!! 才做到受歡迎老人家!! 而且, 老人家都需要自己圈子!! 咁樣生活才開心!! 但我講完, 我Daddy 都話我偏幫啲細妹, 我講完= 無講.....哈哈!! 真是無Daddy 辦法!!!
不過, 我承認, 人越多, 問題自然會多一點!! 我屋企計埋我有五個女, 一家共有七口!! 計埋啲妹男朋友......有時, 啲是與非, 真係一蘿蘿!!! 講唔完!!
↓去飲茶...and 媽咪煮嘅dinner
------------------------------------------------------------------------------------
今次回家, 媽咪叫我一朝早陪她去藥房購買健康藥品, 因為, 媽咪就黎返香港....便幫朋友買點健康藥品, 幫得就幫!!
趁去完買野, 仲有時間, 我同Brian and 我父母, 去了食早餐, 係去食港式茶餐廳, 太耐無係加拿大享受港式早餐喇!!現在, 多倫多啲茶餐廳裝飾到好得體!! 係加拿大都享受到香港早餐,....而且,味道都可以, 算係咁喇!! 當然, 如果比較香港....就無得比喇!! 但人比人比c人喇!!哈哈!
唔知, 係咪得四個人食早餐, 我daddy and Mommy 比較多野同我and Brian 講, 特別坦白!!! 雖然, 好多都係講, 我屋企啲妹點不和!! .....只是一件事, 我聽阿媽講, 又有一個版本, 我聽阿妹講又有令一個版本.......真係婆說婆有理!! 我同Brian都唔知點去評理! 不過, 事情已經過去.....知道就算了!! 但就係因為, 啲妹有點不和, 我媽咪唔捨得離開加拿大, 返香港定居!! 做一個好多兒女嘅媽咪, 就係有依個擔憂....做我家媽咪都幾辛苦, 想過自己生活, 也可能要"就 lee 就路", 還放不到心頭的大石.
↓港式早餐 and 臨返自己屋企時, 媽咪又比咗啲水果& 棕比我....其實,依啲野自己都買到,但我阿媽就係都要我攞走...哈哈!
!!!
