Thanksgiving holiday

             依個星期(Oct 6-8)係加拿大thanksgiving holiday! 星期一係唔洗返工,  Yeah

!!! 而且依個周末d加拿大人家家戶戶都會整火雞

同一家人一齊食! 我成日覺得thanksgiving holiday 好似中國人嘅團年飯, 因為係人都會返屋企食飯 , 應節, 而且d公司仲比人早D走添! 哈哈

! 仲唔似食中國人嘅團年飯! 其實,自我入咗大學之後, 我先開始對依個日子隆重返d! 可能我依個時間先自己搬出去住啩! 跟得d同學多, 所以,就襯下熱鬧囉! 

         係星期五(Oct 5)一放工就去超市 入thanksgiving dinner 嘅貨物. 當然,係去買火雞 喇! 今年d細火雞好少, 大就有好多, 算喇! 大有大食! 買咗隻成十幾磅, 都預咗食唔晒架喇! 哈哈! 除咗買火雞, 仲買咗青口, 諗住整青口湯 , 火腿 , 波蘿 ,蘑菇 , gravy, 蔬菜  , 白酒 ,糯米, 蠟腸, ....林林總總一大推野! 我又要整足成日

先有得食! 而我買糯米 and 蠟腸係諗住將蠟腸糯米飯

, d糯米飯 "失" 落隻火雞身裡面架! 買完野之後, 仲同Brian 去meet 一個朋友, 先返自己屋企, 依日我整到成十一點先食dinner, 我食dinner有如人地食宵夜時間, 真係食完飯未食碗

都已經想瞓! 哈哈!

         其實,我諗住星期日晚先食thanksgiving dinner 架! 但我要買定野, 因我星期六會同Brian去Niagara Fall 無時間買野, ..! 哈哈! 如果等到星期日朝先買就會趕唔切架喇!
  

       星期六(Oct 6), 十一點幾,Brian 就買咗麥當當chicken wrap 黎, 我未擦牙就食喇! 食完先擦牙

都未遲.   換埋衫兩點幾先出門口, 一出門口就落好大好大雨

, 但唔理喇! 照去! 還掂都係坐巴士

入去!   又唔洗自己渣車! 巴士一到我就好開心, 因為一上車有個靚仔哥哥同我一架車囉! 哈哈! (我唔應該咁樣,Brian係我隔離,哈哈!

).   由於好大雨

 ,坐咗好耐車先到Niagara Fall. 一入到去, 連Fall 都無睇, 就入咗去賭場先! 因為Brian話好耐無去喇! 我又係跟佢入賭場, 但一毫子都無玩! 因為我唔捨得用自己血汗錢 係依樹囉! 我只係望人玩咋! 今日,係賭場 嘅結果係輸咗! 但輸咗好少! 哈哈!  玩完賭場,行咗陣街, 雖然停咗雨, 但地下好多雨水, 都無咩心機行, 就去食Dinner 囉! 我地去咗間西餐廳食, 講真我真係唔係好肚餓! 今朝lunch果個麥當當仲係肚道, 食麥當當真係可以飽足成日! 我今餐dinner叫咗quarter chicken 已經enough! 今餐dinner我同Brian都係坐patio食, 真係估都估唔到十月而且係thanksgiving week 都可以坐係patio食dinner. 往年thanksgiving week 我要帶上頸巾

先出得街! 今年,我仍然可以着住輕便外套出街, 天氣真係暖咗好多!

十月仲坐係patio 食dinner and 嘆啤酒

. 我同Brian食完仲坐多陣先走! 因為舒服囉!

我dinner --quarter chicken 跟薯條&洋蔥圈   

Brian叫咗fish and chip

幾得意, 依個就係盛載刀叉, and 調味料的盒   

我覺得後面d燈幾靚,so 影抵

**由於眼瞓,update完自己d野,都無時間去其他blog友個樹留言! 而且我想用心留言比大家,唔想馬夫,所以,我會遲少少先回應 and 留言比大家! sorry!