啤酒,燒烤

September 27,2014 (Saturday)

星期六有個外籍朋友, 由香港飛來溫哥華短暫停留!!

所以, 就走咗去「牛角」食飯.

去幫襯「牛角」, 唔係因為佢哋啲日式bbq food

而係因為「牛角」啲啤酒, 先決定去「牛角」

因為, 「牛角」啲啤酒, 真係好。 抵。 飲.

講啤酒, 就真係開正----外籍朋友個範.  他真係飲啤酒多過飲水!! 直情可以話, 啤酒當水飲.

而他係一年前, 已經預約咗我同Brian 食依餐飯.

講足一年, 真係長氣

好啦!! 我就"括"出去, 同依個外籍朋友, 黎一個啤酒之晚啦!!!

↓黎咗「牛角」,人頭湧湧. 個個都努力燒bbq food (但我哋個檯, 就好努力飲beer) 但依家「牛角」啲抽風系統, 差咗好多, 食完依餐,連胸圍底褲, 都有好大浸---燒烤味!!

↓一邊飲,一邊燒.

 


↓而家, 依間「牛角」menu 轉咗, 只可以order set dinner.啲頭盤熟食又少咗!! 而家set dinner 係包小食, 餐湯. 但我鐘意散叫, 自由啲. 不過, 食物味道都keep 到

 


↓除咗燒bbq food, 仲有食炸雞和拉麵

 


↓仲食咗芝士餃子, 甜品----芝麻雪糕, 夾餅棉花糖, 和豆沙魚餅(全放係碗內)

 


↓到戲肉-------啤酒.  依餐飯, 六個人食, 有兩個係渣車, 所以, 有兩個無飲啤酒. 換句話, 只有四個人飲, 但飲咗六扎啤酒. 其實, 真係幾crazy. 仲飲到位外籍朋友癲咗!

↓外籍朋友食完飯, 飲完啤酒, 行去停車場攞車嗰段小路, 無啦啦要人抱, 又話幫我攞手袋. 直情癲咗!!

---------------------------------------------------------------
September 28,2014 (Sunday)

經星期六嘅瘋癲 & 嘻哈之夜.

話咁快, 就黎到星期日.

我一朝早起身, 就即刻開洗衣機啦!! 因為琴晚食飯時啲衫褲, 真係好大陣味.

之後, 我就去咗行商場啦!!

至於, 個外籍朋友, 好像一夜之後,失去聯絡. 近排, 無再時常係電子煤體, 留言Beers 嘅訊息啦. 哈哈~~

↓星期日, 去商場行街, 見到商場有啲巨型擺設, 立刻走去影張相, 最巧合係, 我當天着件衫, 同啲擺設係一樣色. 哈哈~

 


↓行商場時, 發現自己慣常幫襯間時裝店. CLOSE 咗!!!好悲慘, 依間時裝店, 係直情設離加拿大. (又一品牌脫離加拿大) 我即刻打去揾依間鋪頭個sales, 她都係返工嗰日, 見鋪頭門口張告示先知自己失業(慘). 咁我以後啲去街衫, 返工衫, 又要從新找新鋪頭買啦!!  ..........之後, 去食下嘢, 冷靜下又好, 享受都好啦!! 食咗皮蛋酥, 咖哩角和飲咗杯芝麻奶配涼粉

 


↓星期日, 望彌撒日. 通常去完教堂, 都順便食埋dinner 先返歸. 我食薑汁魚湯米線, Brian 食泰式炒飯