趁記得, 就嗱嗱臨寫咗依篇blog, 我驚我過咗中秋節先post, 到時, 先再post mooncake 已經out 晒!!
每年, Brian's daddy 都會好自動波, 用速遞由西岸, 寄大班冰皮月餅過黎. 因為, 我哋依邊無依個牌子賣嗎!! 一寄開, 就年年都寄. 印像中, 好似速遞咗好幾年冰皮月餅過黎!! (多謝晒
)但舊年, Brian's Daddy 實在寄咗太多月餅過黎, 我哋自己去開街, 又買咗啲唔同款嘅月餅, 所以, 舊年啲月餅食到十月尾都仲食緊 (舊年, 中秋係九月中) 哈哈!! 食月餅食咗成個月咁濟.....
所以, Brian's daddy 今年速遞咗一盒冰皮月餅過黎比我哋過節囉! 無往年寄咁多.....還掂寄開郵包, 點止剩係寄月餅....仲有Brian's parents去旅行時, 買嘅手信都寄埋過黎, 咁就唔洗等到十二月見面先送囉!! 一舉兩得.....
↓好大個郵包呀!! 仲幾重添!!...除咗月餅仲有其他野架!!
↓郵包裡頭有...月餅,仲有少許糖果....(唔知點解Brian's parents 好鐘意寄jelly 糖過黎, 唔通Brian鐘意食, 但次次都比我清晒喎!!), 還有小禮物 (旅行手信)
↓同場加幅, 晚餐相一張, 好簡單嘅---蕃茄蒜蓉意粉
**祝大家中秋節快樂!
Vicky:中秋節快樂呀！
ReplyDelete[版主回覆10/07/2009 10:31:00]傻妹: ~多謝你!! ~你今年中秋, 我相信你會特別難忘喇!
Brian's parents r so nice........I haven't buy any moon cake yet, need to buy tonight. Is it a wallet inside the Prada box??
ReplyDelete[版主回覆10/07/2009 10:31:00]小col: 係呀!! Brian's parents 真係好nice!! 每年都會好寄月餅過黎架!!
中秋節快樂... 冰皮月餅唔會溶嗎?
ReplyDelete[版主回覆10/07/2009 10:31:00]小威威: ~多謝你!! ~啲冰皮係速遞寄過黎, 而且, 有硬冰包住保持溫度, 所以, 唔會溶!
咁你有無寄返d嘢過去畀佢父母呀? 正如你都叫我要鍚奶奶多d, 呢d禮儀都要做返架~~~
ReplyDelete[版主回覆10/07/2009 10:31:00]細細粒: ~我哋又無寄月餅or 用月餅送禮, 因為, 他父母都唔興依啲野, 反而, 注重聖誕禮儀多一些!!
遲來的中秋節快樂..
ReplyDelete[版主回覆10/07/2009 10:31:00]心樂: 多謝你!!
Vicky: 嘩！你就好啦，有大班冰皮月餅，我超鍾意食架，我呢邊都有大班西餅，但就唔係香港開過黎既，只係用人地個名o者，係china town架，都做得好有規模，同樣都有冰皮，但就貴得勁人！ 佢地真係好有你心呀！係呀，我呢排都好忙，又岩岩轉左工，所以都好少上blog，依家先至可以同你講聲中秋節快樂啦！
ReplyDelete[版主回覆10/23/2009 09:41:00]陶陶夫人: ~你真係好有心, 成日睇返我以前啲post!! ~嘩!! 攞咗人哋個名......自家產都要賣咁貴, 真係明搶錢.....不過, 都無法, 係外國生活, 如果又要應節, 都要買!! 都係果句喇!! 係外國都有冰皮月餅賣, 已經好好架喇!! ~轉咗工呀!! 希望你新一份工, 工作愉快, 順順利利!!