放工時, 七點幾!! 就同Brian 係Eaton centre 行咗一陣,行商場...其實, 去行商場都係買電話 accessories.....真係無Brian 收, 他個腦永遠都係電話...哈哈!! 買完電話accessories...我哋就去咗food court 買野食, 因為, 我同Brian今晚, 要等到10點先食飯, 因為, 約咗兩個大學同學, 其中一個大學同學, 會係10點由美國返黎加拿大同我哋食飯...兼飲野 ...所以, 襯放工 (7pm)去食少少野打住抵先!!!
↓打抵壽司....
十點幾, 終於見到大學時果兩個朋友喇!! 其實, 其中一個大學朋友咪啱啱係六月結婚個對伍氏伉儷囉!! 今次, 約會伍太都有出黎!! 伍先生結咗婚之後, 真係成熟咗好多!!! 每每都講供樓,供車, 同未結婚之前, 真係識諗咗好多!!! 原來結咗婚男人真係會長大咗, 思想都自然成熟咗!! 唔會下下都諗住玩!!
我哋食台灣野做dinner, 食完野, 邊度會咁快返屋企吖!! 實有下場, 我哋一行五人就落咗pub 飲野!!! 發下佬蘇!! 哈哈!! 依間pub 我都第一次去, 係韓國人開架!! 因為menu 有好多韓國野食and 韓國酒叫, 連啲waitess 都係韓國妹!!.... 但依間pub比我個感覺好好玩, 啲啤酒係一大樽上, 真係可以飲過痛快......飲多幾杯, 啲朋友又開始有故事講..飲酒就有依樣好, 啲朋友飲多幾杯就毫不考慮講野!! 依啲毫不考慮說話...先最好笑!! 真係0喜0喜哈哈咗成晚!!! 成零晨三,四點先返屋企!!!
"0喜0喜哈哈"感覺, 真係大學啲朋友先可以有...我自讀完書後, 都好少識到依啲朋友, 讀書啲朋友, 就係比較真實, 而且, 好多野講兩句就有共鳴!! 好容易笑下講下, 就笑到大家流晒眼水!!! 真好好玩!!! 完全無驅緊感覺!!!
↓幾大樽啤酒...啤酒中間係冰柱雪住啲啤酒架!! 啲啤酒可以時時都涼快!!
↓係韓國pub, 當然飲啲韓國酒, 百歲酒---其實有人參味嘅酒, 感覺好噥烈酒香and 人參味!!味道都幾夾
↓依個大學朋友, 坐近啤酒樽,變咗bartener,哈哈!!
嘩.......好大樽呀,我都未見過~~~
ReplyDelete[版主回覆09/12/2008 05:06:00]V&M: 我做係第一次見啲咁大樽beer....所以,要影低相...哈哈!!
呢個樽幾好喎.
ReplyDelete[版主回覆09/12/2008 16:19:00]Edison & Cherry: ~ 我都覺依個樽好特別,我都忍唔住同個樽影相!!哈哈!! ~Nice to meet you!! 其實,我係kitty 度,已經見過Edison 唱生日歌,比Kitty 聽,之後,我有時,就會click 去你度!!! 但無留言!!
Vicky: 每檯都有一個咁既啤酒樽架,又幾好喎,想飲幾多就幾多,個idea好好丫! 其實同學就算係十年後再見返,都會係同一個感覺架,因為大家以前一齊既時候係好真架嘛,所以到依家都會係一樣,唔同依家所識既同事呀,朋友呀咁架! 我以為你地會飲"真露"添,呢隻酒又幾得意,有d人參味,咁你又飲左幾多杯呀? BTW,你朋友都有幾分似韓國人丫.....hahaha
ReplyDelete[版主回覆09/16/2008 06:03:00]陶陶夫人: ~我都覺樽啤酒好特別!!! 成支大啤酒放係臺, 好有氣氛!! 哈哈!! 我哋依日, 叫咗兩樽大大啤酒飲...,飲都好開心!! ~此終, 都係讀書啲同學係最好, 就算幾耐無見!! 一見就可以傾到計, 唔洗被啲咩, 自己想講咩就講!!! 所以, 讀書啲朋友一約, 就真係會盡量應約, 玩餐飽,傾餐飽, 因為一定玩到開心先返歸..哈哈!! ~我依邊好多韓國人架!! 真係好多, 所以, 自然多韓國食店, 超市and 韓國人娛樂嘅地方!! 你知喇!! 韓國出名係人參, 所以,我哋都係貪得意叫韓國酒飲, 味道又幾特別!!! 由於, 叫咗一支試..我哋一行五人分咗杯幾人參酒玩!!! ~相中個朋友係大學啲朋友, 係100% 香港人!!! 係前幾年去咗美國工作, 而家返番黎多倫多!! 你講開, 我望清楚, 相中個朋友影得幾似韓國人, 但可能依幅相影得似. 真人就唔係....