好似去商場打劫

January 21,2015(Wednesday)

這幾排, 好歡樂.

Brian 送我返工之餘, 放工時, 又可以接埋我.

攪到我, 完全唔洗自己坐交通工具

所以, 依一排,同Brian 多咗共處時間, 大家放咗工, 就出去行陣Mall, 逛一陣, 先返歸

但一行Mall, 就出事.

買完依樣, 再買嗰樣.

但可能一月份, 零售業比較淡.

好多貨品, 做緊半價.

最好笑係, 好多商品, 都半價咗, 再有半價. 之後, 再有折頭打.

攪到我覺得似去商場打劫, 多過去買嘢

因為, 我shop咗一大堆, 都用唔到三位數字嘅銀倆.

換句話,買埋一大堆, 都唔過$100 (我講緊"加幣").

這一個一月份, 個市減價, 減到, 好得人驚!!

↓同Brian 去街逛, 實去電器鋪(類似香港啲百老匯). 平時, 我好少係電器鋪購物, 但早排同Brian 去逛, 我自己買咗一大堆, 差電器, 記憶卡, 保護殼. 因為特價咗之後, 再半價, 埋單時, 再半價, 攪到我以為自己去dollar store (北美的$1 店), 多過去電器鋪購物. 之後, 去商場另一樹逛, 比我見到個手提喼, 又係半價再半價, 個喼仲係有啲名氣, 所以, 即刻買!!  攪到我似自由行, 拖住喼係商場行. 哈~




↓另一日, 逛商場, 入咗間時裝店, 又係減緊價, 由$100 減到$50, 再由$50 減到$25. 仲想點, 找到啱size 即去counter 比錢!! 買咗件毛毛冷衫, 又暖又好似好高貴....... 再另一日, 同Brian  逛街, 特別行啲普通百貨公司, 點知比我見到Marc by Marc Jacobs 手袋仔, 做緊特價,  點知埋單時, 再半價, 當然即買啦!! 而我行街實買hello kitty 物品, 見到hello kitty 間尺. 就帶咗返歸.

 


↓行兩日街, 買足兩日. 但之後, 又唔覺意買咗個迷你keyborad, 又唔覺意買咗啲零食 (無錯, 又係減價囉!)

 


總結黎講, 同Brian 一齊放工啲日子, 都唔好逛太多街. 因為日日都買到嘢 !!

但加拿大啲零售業, 長期都企高價, 所以, 突然間, 比我見到半價再半價嘅貨品, 真係買到好開心!! 哈哈~



-------------------------------------------------------------------



都係唔好去商場逛太多!! 逛太多, 都幾危險.

我同Brian 唔行商場啦!!

齊齊轉戰去-----食嘢 !!

初頭, 同Brian 好有恆心, 早啲起身, 去食個靚早餐.


↓去咗食港式茶餐, 有一日去咗食burger King 早餐

 



但食早餐太豐富, 真係好容易飯氣攻心

都係齊齊放工之後, 去嘆下茶. 食件餅, 會比較好啲.

不過, 難得這一排, 我同Brian 啲工作時間, 可以遷就到.

我同Brian 先可以, 係閒日行商場, 又去食下嘢.

攪到, 這一個好悶嘅一月, 好快就過咗大半!! Yeah!!


↓我哋好癲, 過橋過海, 去嘆茶. 好似好大陣仗

 


↓閒日放工, 去咗嘆茶. 嘆餅!!

 


↓有一日, 去咗食熱狗, 食雪糕......., 另一日, 我貪得意, 叫Brian 帶我去溫哥華最薯名嘅大學參觀, 但估唔到, 去到這大學, 竟然有雞蛋仔+ 車仔麵食. 真係估唔到, 咁學術嘅地方, 會有間咁港式嘅麵食. 

 



↓另一日, 大家齊齊放工之後, 去咗食麥當當, 因為用獎卷買, 買買下, 似食dinner 多過似下午茶..... 第二日, 去咗超級市場買啲清潤飲品配麵包.