2015 第一個周末

January 3,2015 (Saturday)

新一年, 第一個周末.

好自由, 瞓到飽, 周街去, 周圍食. Happy~

而家, 我同Brian, 上咗車仔麵癮.

大家齊齊free 嘅日子, 就會去食. 


↓一出街, 就即刻食車仔麵先, 食完個感覺, 好滿足.  之後, 就去行下街, 點知一行, 就買咗啲Hello kitty 產品. 而家黎咗溫哥華住, 真係買hello kitty 產品容易咗好多!!

 

↓由於, 食車仔麵附近, 係比較多港式食鋪喺左緊, 所以, 掃咗啲港式零食,  之後, 去一間blog 友介紹嘅新麵包店, 原來間麵包店, 係專賣自然酵母嘅麵包, 其實, 唔知係咩東東,  但啲麵包咬落去好"煙銀". 我喜歡芋頭, 見有芋頭包, 芋頭酥, 就買黎試下. 啲芋頭, 真係好足料!! 

 

↓還掂去開, 港式鋪頭, 就特登去埋中式超級市場, 買條新鮮魚, 因為想試下個新買嘅Le creuset盤, 用黎蒸魚嘅效果係點. (但由於Brian爸,他唔喜歡, 他煮飯時, 有其他人一齊企係廚房, 所以, 晚飯前, 要額外整多條魚, 好似整亂咗Brian 爸嘅時間表. 先開到飯!!) 但個新綠色盤, 用黎蒸魚好好睇

 




-------------------------------------------------------------------

January 4,2015 (Sunday)


其實, 去完一日街,

第二日, 已經唔願再郁. (而家, 我只可以有活力, 係全周末出一日街咁.)

星期日, 我只係等待去望彌撒.

但Brian 屋企, 真係太多朋友.

望完彌撒, 即刻就有約.

仲即刻衝去食晚餐嘅地方.

我哋打邊爐呀!! 


↓星期日晚餐, 去咗打邊爐!! 由於, 同啲Auntie & Uncle 食飯, 影咗幾張相, 就算數.

 


↓最鐘意打邊爐, 打到個爐, 係咁滾起, 啖啖食物熱辣辣, 甜品, 有雪糕!!