櫻花及行街

March 30,2014 (Sunday)



依家諗返, 我未黎溫哥華定居時. 其實, Brian 已經帶我黎溫哥華很多次.

一年四季嘅溫哥華. 其實, 我真係未黎溫哥華定居前, 都略知一二.

而家覺得, Brian 以前帶我黎溫哥華玩, 是一個悉心的安排. 他就是想我了解溫哥華多一點. 先帶我過來.

最喜歡當年春天黎溫哥華, 因為溫哥華滿街都是櫻花樹. 真係去到邊處都是好靚嘅粉紅色櫻花. 說實話, 可能我又大鄉里, 當年春天黎溫哥華, 真是估唔到溫哥華啲櫻花, 可以多成咁

而家, 定居了溫哥華, 終可見住啲櫻花全個開花過程啦!!

還要係, 一出門口, 行都唔洗行多步, 就已經同櫻花樹, 零距離.

星期日, 出街玩前, 就去影一影櫻花. 先至去行街. 



↓溫哥華真係處處都係櫻花

↓真係一出門口, 就是櫻花處處. 

↓同Brian 一人一張櫻花樹下

↓有啲櫻花比較淺粉紅

↓見到櫻花, 真係好開心




↓有啲櫻花啲粉紅比較深.

↓溫哥華就係咁, 依個時候, 真係每條街嘅兩旁樹, 都是開滿櫻花. 

↓好簡單行去幾條街, 都唔洗去公園, 已經櫻花處處

↓地下有啲櫻花碎, 整到連地下都粉紅色. 靚

↓Brian 話, 他細個時, 他父母一年會帶他去兩次日本滑雪, 所以, Brian 好細個就認為, 富士山和櫻花樹, 就是代表日本.  但當Brian 黎溫哥華, 就覺溫哥華好似日本, 因為溫哥華好多雪山和櫻花樹. 真係就咁係溫哥華影幅相,呃人係日本影都得. 

--------------------------------------------------------------

同啲櫻花癲完, 就去咗行街.

係溫哥華, 我鐘意一條條街咁行. 我總覺得, 行outdoor 好過行indoor 嘅mall. 起碼無咁焗速.

↓就係行依啲街, 沿途一間間鋪頭, 鐘意邊一間就行入去. 行街途中又有自然空氣, 舒服好多

↓行行下, 就去咗食下午茶, 唔知點解Brian 話好想帶我黎依樹嘆tea 好耐. 其實, 咪又係星巴巴咖啡店, 只是係這間星巴巴個地點係比較熱鬧啲. 

↓行街時, 見到個M&M 公仔(其實個M&M 公仔係貨架). 但好得意, 所以, 走去影張相!