一堆活動

March 21,2014 (Friday)

由於, 早倫食咗一次台式Tea house, 念念不忘.

Friday 一放咗工, 就即刻再去一次.

飲完杯台式飲品, 即鬆晒. (好似止毒癮咁. 哈哈~)


↓好鐘意啲台式飲品, 依間特別足料. (Brian 飲芒果椰果沙冰, 我飲Orea 芋頭涼粉沙冰), 還食咗肉鬆士司. 美味~~~

----------------------------------------------------------------

March 22,2014 (Saturday)

唔知Brian 痴咗邊條根. 唔洗返工, 都晨咁早起身. (可能他太興奮, 因佢好少係星期六放假. 哈哈)

仲要"聊" 人同佢去茶餐廳, 食港式早餐.

嗱, 星期六動作係會慢啲.

咪咪魔魔, 去到茶餐廳, 先知早餐時段仲有幾分鐘就無. 好彩趕得切.  所以, order 早餐時, 好似講急口令咁.  Anyway, 最緊要------快.



↓港式早餐, 有奶茶, 檸茶, 我食西式早餐A+B combo (A=餐肉+雙蛋+西多,  B=魚蛋粉)

↓Brian 食中式早餐A+B combo. (A=蒸腸粉, B=皮蛋肉碎粥.). 其實, 依啲港式早餐, 係香港人都食過, 但Brian 係香港居住時, 竟然從未接觸過.

啲港式早餐, 確實好充足.

食到精神晒. 就去我哋最喜愛嘅活動----行街. 

其實, 行咗陣West Broadway夾Granville 啲鋪頭仔.

係依條街交界啲鋪頭仔, 真係衫褲鞋襪,煲煲蝶蝶, 連電子產品都有.  所以, 好鐘意去行, 但可惜太大雨.  所以, 要轉戰去室內嘅百貨公司行. 


↓落雨天, 都係最好去室內百貨公司行, 這一個紅色圓波波. 住北美嘅人,實知我去邊間百貨公司行啦!! 不過, 依間百貨公司開到黎加拿大, 就好靜英英, 就算係星期六, 都無咩人. 停車場都大把位. 都唔知依間百貨公司點earn (近排加埋價, 仲邊度有人行)

行咗一陣, 又走去食.

食咗Brian 近期最鐘意嘅車仔麵. 

依啲車仔麵, 又係喺香港住過嘅香港人都食過. 但Brian 又係喺香港生活時, 從未食過車仔麵檔. 

自我介紹他食一次, 他就鐘意車仔麵----依一個食法. 所以, 他一經過車仔麵鋪附近, 佢一定要食. 

有時, 我懷疑Brian 黎到加拿大先學做香港人. 哈哈~~

↓今躺車仔麵(要魚湯, 油麵, 還有紅腸 &魚皮餃), 仲叫咗格仔餅. 我仲食埋日式綠茶雪糕brownie 水果crepe

行咗半日街, 我又買到啲嘢. 都唔知點解自己可以去到邊都買到嘢. 依個行為, 有啲唔應該, 但買嗰陣時, 又覺有用.

↓又買咗一大堆, 但最開心買到啲Hello kitty 物品, 有Hello kitty iPad 袋, Hello kitty廚房隔熱手套, 還有一個mini 版keyboard.

↓還買到一個閃閃令令嘅Hello kitty 電話飾物, 買到嘢, 個心情和樣子確實開心啲.

行街, 都唔係剩係買嘢比自己.

今躺, 仲買咗牛肉批and 酒.

牛肉批係比Brian 媽的. 因為她成日想食牛肉批, 但去咗幾次, 間批餅店, 又close 咗.

沿路返歸, 經開批餅店, 我見到批餅店開咗門, 就即刻彈入去買咗盒牛肉批

其實, Brian媽好容易滿足, 一盒牛肉批, 就已經好開心!! 還即刻啪咗兩個牛肉批. 哈哈~~ 見到Brian 媽嘅食牛肉批個樣. 我自己都開心埋.

而買酒, 係因為夜晚要同Uncle 食晚飯, 個晚飯名為「賞酒大會」所以, 就買支酒, 夜晚同Uncle 一邊食飯, 一邊飲.



↓還買了牛肉批 和 酒

↓星期六夜晚, 就同Uncle 食晚飯. 飲咗許多特別酒, 好Happy 的一個「賞酒大會」. 相中支酒,  我上年去法國時就探訪過依支酒嘅莊園.