September 26, 2009 (Saturday)
平時, 都無咩點主重早餐, 一杯熱水, 幾塊餅乾, 都可以成為我的早餐. 但到周末, 感覺就不一樣, 什麼都想特別一點. 連食個早餐, 都會特登落樓下買黎食.
↓麥當當早餐....Brian 話個麥當當個袋好特別...所以, 要我影下來.
食完麥當當早餐, 真係好飽肚, 邊道都唔想去, 坐在梳化看電視都不知幾舒服. 我還要求Brian 遲一點先出街, 購買我哋一星期所需嘅物品. 但好多野都唔遲得. 屋企啲慳電燈泡, 竟然消咗. 所以, 今日行程, ......家居用品店(買燈泡) --->超市買餸---> 藥房(因我用的物品做緊特價)--->還要去買做緊特價嘅memory stick.
嘩!! 真係超多地點去. 真係不敢怠慢時間. 而且, 依邊地大....真係由A點去B點. 都需要一段時間. 幸好, 有車, 如果沒有車, 真好不方便.
趕呀趕, 買呀買, 買野買到連屋企都返唔到, 啲食物, 家所用的用具, 一袋二袋, 還在車上.....便要趕去食泰國餐. 因為約了啲阿妹和她們另一半.
真係唔好話多倫多少人, 去超市, 去藥房, 去家居用品店.....通通需要排好長時間隊比錢, 條隊還轉埋彎. 唔知啲收銀手腳慢, 定係人真係太多. 去襯邊一樹, 還要等車位迫. 連去到食飯, 也要等位食飯, 都等了40 分鐘. 幸好, 我同啲妹, 你一句, 我一句, 唔覺唔覺啲時間等都耐.
每次, 約見我啲妹 and 她們另一半, Brian 都好似開心過我, 今日, 依餐飯, 都係Brian 話我知, 我先知有依個約會. 但事實上, 我見到啲妹心情都會好開懷. 大家一人一句, 講咩都得. 好開心.
↓男子組合照, 女子組合照
吃過晚飯, 我們過場, 去泰國餐廳隔離間西餐廳食甜品. 嘩!! 雖然, 過隔離鋪. 但下着大雨, 走幾步路, 已經身濕晒. 但不缺我們傾計心情. 又再同啲妹...食呀食, 傾呀傾.
每次, 同阿妹出黎, 啲妹好似放氣咁, 一五一十講屋企, 對某一啲人嘅不滿. 說實話, 我每天打電話回家同我父母談話, 我父母又會話我呻對啲妹嘅不滿, 甚至, 責怪我!! 但每次,聽同一件事..... 都會有兩個版本..... 父母一個版本, 啲妹又有另一個版本.
我只是覺得自己好幸運, 可以一早離開到屋企, 有自己生活. 如果, 我決定和屋企人生活. 我性情一定會好火爆. 放假都唔想係屋企.
由中午1pm 出街頻撲, 直到食晚餐, 食甜品.....成晚上1am 先渣車回家. 在街留連12 小時. 只不過是食飯和買日常用品. 放假啲時間真係容易過.
↓西餐廳嘅環境 (這間餐廳是我第一次blog 友約會嘅地點)
↓Super 好味道嘅甜品......食咗感覺好滿足....哈
黎緊........十月中, Thanksgiving holiday(感恩節). Brian 已經約我啲妹and 她們的另一半到我們的家開Party. 所有食物, 飲品....都是我和Brian 準備. 啲妹and 她們的另一半出席, 就可以了. 依幾個星期起, 我同Brian會開始去超市入貨準備party. 照舊年經驗,起碼要20 磅Turkey (火雞)先夠食!! 真估唔到, 我啲阿妹和她們的另一半是如此"擦"得!
但Brian 事前沒有通知我....十月中會有party. 現在, 好像每一個和阿妹的約會, 都是我最後一個才知道. 不過, 我唔介意...只要大家當天玩得開心便可以. 而且, 我在每次Party 中都找到快樂. 哈哈. 但我知道, 我們家將會有人到訪, 我就好像變咗清潔女工上身. 什麼都起勢抹, 加倍清潔. 這是我的習慣, 想改也改不了. 可能, 就是這個原因, 每個party 最遲知道的一個人便是我. 哈哈.
)
所以, Brian's daddy 今年速遞咗一盒冰皮月餅過黎比我哋過節囉! 無往年寄咁多.....
