November 13,2014 (Thursday)
Brian 父母, 雖然退咗休!! 但日日都好忙碌.
日日都有興趣班, 要去上堂, 要做功課.
他們其中一樣興趣, 令到佢哋咁忙......就係Brian父母所學嘅Ballroom dancing.
仲認真到, 去參加Ballroom dancing 嘅業餘比賽. 件跳舞戰衣, 還遠呼到去英國度身訂做.
Brian 成日都話去睇他們ballroom dancing比賽. 去支持下!!
雖然Brian 父母, 好想Brian 去欣賞ballroom dancing 比賽. 但Ballroom dancing 啲入場費好昂貴, Brian 父母認為, Brian攞啲錢去其他方面仲值!!
---------------------------------------------
我好似, 講咗咁耐, 都同我今篇blog 個topic. 有啲唔"拉能"
等我回一回. 講返事情個經過. 就會同Ballroom dance & 中獎, 拉上關系.
其實, 事源係.......................
我有一日行商場, 無意中, 參加咗商場舉辦嗰啲抽獎, 只係在一張紙上, 填上性名 & 聯絡電話就ok. 我貪得意就填下. (*平時, 我係唔會做依啲嘢, 但依一日, 唔知點解有依個舉動)
那我就把依張抽獎表, 放係一個, 好似人咁高嘅抽獎箱裡面. 最攪笑, 我跟本唔知有咩獎品, 我就走去填抽獎表
隔咗一個月, 還要咁啱係我食緊lunch 時, 收到個電話.
係咩咩商場打黎, 仲恭喜我. 中咗獎!
我初頭, 還以為電話惡作劇, 仲想收線!! 因為我已經忘記自己填過抽獎表
但電話筒個服務員, 好有禮貌, 係咁講,講, 講...... 最後, 叫我去商場的接待處取禮物. 即可.
份禮物, 竟然係-------「Ballroom dancing 雙人入場門票.」
仲要係Brian父母比賽嗰一日嘅入場門票.
真係橋到, 難以想像.
好突然, 自己無啦啦中獎, 仲要係中咗, Brian想要嘅野!!
我領完獎, 竟然即刻走去教堂, 捐獻咗啲.
因為我自己及Brian 家人, 都唔敢相信, 成件事嘅經過!! 係事實.哈哈!
↓個事實終於來臨, 同Brian 一放工, 就衝去跳舞比賽現場
↓當日表演場地, 係市中心嘅Hyatt 酒店
↓去到先知, 原來這一個跳舞比賽啲參賽者, 來自世界各地.
↓睇依啲比賽, 真係大開眼界, 啲舞衣, 真係個個都好靚, 我睇足全場, 晚上十一時, 等埋Brian父母, 先走!! 其實, 我唔識跳舞, 但我知, 我遲啲實要學.
↓睇完, 去食宵夜!! 牛肉湯河和豬扒公仔麵!!
November 11,2014 (Tuesday)
平時, 每個禮拜嘅星期一. 係好難過的一天
但依個禮拜嘅星期一, 就無咁灰. 因返完依個星期一.
星期二, 就係公眾假期 (Remembrance day國殤紀念日)可以放假啦.
雖然依個日子, 係紀念啲戰爭嘅軍人. 係好sad 嘅日子.
但一星期, 有一日額外假. 可以休息下. 邊個會唔like.
仲要係全國得我哋依個省份, 有得放假. 做咗溫哥華人, 就擁有多日公眾假期嘅福利.
而Brian 好好人仕呀!! 話襯放假, 帶我去一間咖啡店飲咖啡兼食甜品.~~Relax!!
↓依間咖啡店, 雜誌有報導過, 滿心期待去試下杯咖啡好唔好飲. 但Brian 話, 好馬馬.
↓我就期待蝶甜品, 雖然蝶甜品簡簡單單, 但我好like, 而我杯朱古力香蕉奶昔(箭咀指住嗰杯), 報紙完全無介紹過, 但反而, 整得好好飲. 我哋後尾遺棄咗杯咖啡.哈~~ 所以, 有時,報紙唔好盡信
而一放假, Brian 家, 就好例牌, 會出街食.
我哋簡簡單單去茶餐廳食.
比我哋發覺, 茶餐廳有一盅盅嘅燉湯飲.-----真是非常驚喜.
由其是依家, 涼咗咁多, 入夜得1℃. 我哋即刻叫啲燉湯飲.
飲完暖粒粒.
↓燉湯, 真係一人一盅燉湯. 好似係節瓜瘦肉湯
↓再食啲石頭窩菜. 非常暖. 有魚塊豆腐石頭窩, 三杯雞石頭窩
↓羊肉腐竹石頭窩 及黑椒牛肉粒石頭窩. 全部都熱辣辣, 食到成身暖晒
------------------------------------------------------------
November 12, 2014 (Wednesday)
而近排, Brian 父母好忙碌.
反而, 我同Brian 早放.
6pm 就齊齊返到歸
調返轉, 我哋要等忙碌嘅Brian 父母先食晚飯.
咁忙碌, 當然出去食, 去咗小菜館, 食晚飯.
↓出街食, 我哋鐘意飲例湯. 之後叫啲小菜. 食咗沙薑雞
↓上湯蝦米津白, 肉碎豆腐
↓蒸肉餅, 甜品有西米椰汁芋頭
November 8, 2014 (Saturday)
其實, 我都唔係, 好大年紀, 而家真係好容易就覺攰.
所以, 擁有一個, 鐘意幾點起身嘅星期六. 真係好舒服!!
而且Brian 係星期六都off. 真係無幾何!!
我哋兩個, 係依一個難能可貴嘅星期六.
一起身, 第一餐, 走咗去商場個food court食車仔麵.
最鐘意車仔麵可以隨便搭, 好玩, 又好味
Brian 跟咗我先識食車仔麵!! 他未識我前, 連「車仔麵」----依三個字, 都未聽過!!
↓我覺車仔麵好好味, 有咖哩魚蛋嗰一碗, 係我嘅!!! 我還額外加蝶炸豬大腸,美味到呢!!! 哈哈~~ 至於,格仔餅+ 杯飲品, 係買兩餸車仔麵 + combo, 就會有!!! Anyways, 好抵食!!
坐係商場food court, 食食下麵, 我突然感覺有點奇怪!!
點解個商場有咁多人累晒係玻璃圍欄邊. 平時唔係咁
無幾耐就聽到華裔小姐啲音樂.
原來, 這一天, 係今年溫哥華----華裔小姐, 首次公開露面!!
我食住車仔麵, 一邊睇. (因我食麵張枱, 就係喺啲玻璃圍欄旁.)
估唔到食碗車仔麵, 都有依個娛樂!!
↓個商場(係香港人開), 幾多人累晒係玻璃圍欄邊. 無耐見到啲華裔小姐同啲保母. 邊個攞第一就返香港選國際華裔選舉
↓坐係最前排, 係今年啲華姐呀! 我覺個個都唔差, 可能其中一個或者幾個, 會係明日之星. 而我發覺香港依家好多選美, 有好多都係溫哥華人. 而有啲華姐落選, 返香港再選美, 都會贏. so funny. 記得我剛畢業, 仲未有野做住. 有個Auntie 話提名我選美. 連form 都攞比我, 嚇得我. 走夾唔頭. 但我個界畢業, 有個朋友, 真係參加選美, 而家係慧賢雅集做緊嘢
↓我當然食完碗麵就走, 無睇晒全個華裔小姐個event 呀!! 我黎得依度食車仔麵, 當然買埋零食先走!!
↓而星期六晚餐, Brian 爸太忙, 唔顯技啦!晚餐出街食!! ~~Happy. 食咗海鮮炒烏冬, 喇沙雞湯米, 炒飯, 最鐘意食有埋杯餐茶飲. 熱檸茶...我至愛
November 7,2014 (Friday)
外籍朋友, 又由香港返回溫哥華. 又係短暫停留
他一落機無耐, 就打電話黎揾我, 仲無啦啦話佢自己生日. 要同我食飯&摸下酒杯慶祝!!
食飯咪食飯, 飲酒咪話飲酒囉!! 做咩無啦啦話自己生日呢? 好似仲有好耐先到佢嘅生日喎
算啦, 外籍朋友點講, 就點聽啦! 因為我知一切都係籍口.
其實, 外籍朋友, 專登由中國帶咗啲上品嘅中國酒黎. 仲預訂咗一圍蟹宴黎送酒. 都幾識鋪排.
安排到咁, 唔去唔得啦!!
就同外籍朋友, 發下癲. 傻笑下啦!!
↓依個世界好奇怪, 亞洲人生日, 多數喜歡食下西餐, 外籍朋友竟喜歡食中餐慶祝. 還要飲中國酒. 其實, 我prefer法國紅酒多啲.
↓外籍朋友, 話以下盒"太雕"中國酒係上品酒. 要識人, 先買到, 講到好珍貴. 而且, 啲中國酒嘅包裝都幾特別. 望落去似出土文物, 仲有兩隻皇帝杯, 啲酒還要用熱水座熱黎飲. 襯食蟹係幾夾嘅, 但我都係鐘情紅酒多啲.
↓食咗俄羅斯大蟹, 外籍朋友好興奮, 要同隻蟹影相!!
↓外籍朋友居住香港仲耐過我, 係食物方面, 已經全香港化, 他order 咗蛋白蒸蟹腳, 頭抽炒蟹身
↓還食咗片皮鴨和紅燒乳鴿
↓蟹殼焗飯, 甜品有壽包, 合桃餅, 笑口棗及焗西米酥皮布甸
---------------------------------------------------
November 9,2014 (Sunday)
好多事情, 一係就風平浪靜, 無事幹發生.
但一發生, 就打孖黎.
無啦啦, 平時賞開酒嗰一班朋友, 話要嗱嗱臨要賞酒.
平時, 又話一個月先一次, 賞酒大會嘅!! 而家隔兩星期就一次啦!!
好似越飲越密喎!!
但當我聽到去近排好hit 嘅chinese restaurant 舉行賞酒大會. 我唔洗諗, 就即刻go go go.
因為我想試, 依間chinese restaurant 嘅"黑松露撈雞" 呀!!!
所以, 就即刻, 嗱嗱臨去買酒. (因為賞酒大會規定, 每對couple 要帶一支酒)
又即刻, 嗱嗱臨渣車過橋.....去賞酒大會嘅現場!
↓近期溫哥華好hit 嘅chinese restaurant, 一入去, 真係眼前一亮, 裝修得幾高雅
↓依間新開嘅chinese restaurant, 仲有好多貴賓房, 裡面啲裝修, 都幾舒服. 而且, 服務不錯
↓嗱嗱嗱, 賞酒大會, 當然有好多酒品賞啦!!
↓我都係鐘情紅,白酒多啲. 一堆酒杯......逐支開黎飲啦!! happy~
↓一邊飲, 一邊食野. 食咗紅燒乳鴿, 脆皮叉燒(口感好特別), 而啲茶, 有candle 興住個茶壺, 所以, 杯杯茶都熱辣辣, 同埋啲茶, 好好飲
↓最想最想試嘅黑松露撈雞, 我覺幾好味.好香. 但唔知點解Brian 就馬馬哋鐘意. 還有蝶蠟味配煲仔飯 (煲飯, 比侍應攞咗去分, 所以,無影到 )
↓仲食咗南瓜魚尾煲,炒A 菜 (濃味食物配紅酒, 好happy)
↓燒羊架 (好味). 甜品, 紅豆沙和蒸馬拉糕(依個馬拉糕好似用黑糖整)
