周末齊齊放假

January 18,2014 (Saturday)

終於, 我倆可以全個周末都休息啦!! 屈指一算, 原來我哋兩個, 好耐無一齊, 係周末一齊放假!! (這周末, 我終可懶在床, 唔洗比鬧鐘叫醒, Happy~~)

周末啲時間係自己, 當然, 出街逛, 出街食, 我哋兩個, 出下街, 就好開心㗎啦!!

而且, 我手頭上, mark 低咗, 唔少想食嘅地方!! 一有機會, 當然出去食!!

但懶懶下, 星期六裝扮完, 出到街都食得晏.

↓首先, 去咗一間日本餐廳食Lunch, 我食日本咖哩烏冬, Brian食日式鐵版漢堡餐.

↓碗咖哩烏冬好啱我口味!! 而且還有泡未咖啡. 好鐘意咁樣食Lunch!! 

Lunch之後, 就去咗行街. 

其實, 行街都有目的. 因我想揾一個食物盒, 裝我平時食唔晒啲早餐. 咁返工時, 都可以慢慢食早餐! 

唔知點解, Brian家的早餐, 異常豐富, 每樣食物都有啲啲.  

早餐準備好晒, 我食唔晒又好浪費. 而且, 我有時未到lunch 已經見肚餓. 所以, 想買個食物盒.  裝住啲早餐, 返工時, 都可以繼續食!!  咁朝早又可以慳返啲時間, 打扮下都好!!

但我想要個Hello kitty食物盒. 所以, 走去港人投資嘅商場行. 港人投資, 當然多點Hello kitty 嘅野. 揾Hello kitty食物盒, 都多選擇啲!!


↓行港人投資嘅商場(Aberdeen Centre), 當時, 仲有兩星期先農曆年, 但個商場已經佈置得好有農曆新年氣氛.  商場內, 好多大大個中式花燈, 好多大大個Fortune cookies 

↓個商場還有好多大大棵桃花, 商場門口仲有燈飾. cute得黎唔俗. 又有農曆新年氣氛,我好鐘意. 

我同Brian行街, 都係唔行得耐, 個腦永遠都係想食下嘢, 所以, 行到中途, 走咗去食Crepe. 黎一個下午茶break!!


↓依間Crepe,啲Crepe好日式. 個Crepe又足料. 我同Brian share 當下午茶都夠!! Crepe 裡面有芝士蛋糕, 綠茶雪糕和水果!! 

Tea time之後, 連續去咗幾個商場行, 黎咗溫哥華, 最容易就係轉商場行, 一行唔啱, 就轉去第二個商場.  一日裡面, 可以行足幾個商場, 都有好多時間剩.   其實, 溫哥華版圖唔係好大, 好容易周圍都去得到!! 

我哋係依日前前後後, 行咗3個Shopping mall. 揾我個Hello kitty食物盒.  哈哈~~

最後, 當然比我見到Hello kitty 食物盒啦! Yeah!


↓其中一個商場, 有Q版財神, 作農曆新年裝飾!

入夜, 去咗試新嘢, 食台式火鍋. 

之前, 好似未試過台式火鍋嗎!! 見溫哥華有, 咪試下囉!!

我覺台式火鍋, 其實都有啲似港式嘅「一品窩」.

台式火鍋----就係將所有自選湯料和食材, 全放入鍋.  上檯時, 鍋裡的食物, 已經熟晒.  不過, 就一邊用火爐heat住個鍋, 一邊食. 咁樣食法, 都幾得意.   

不過, 台式火鍋, 最好係.......一個人, 一個鍋. 用自己筷子夾. 又對住個爐. 啖啖放入口嘅食物和湯, 都係熱辣辣. 食到成身好暖.


↓當天是星期六, 台式火鍋店,很多人, 等待火鍋需時呢!! Brian食羊肉鍋(這個鍋, 男士唔夠食, Brian要額外加羊肉)

↓台式火鍋, 個火爐係重點, 個火爐啲火不段heat住個鍋, 啲食物啖啖都係熱辣辣, 我食台式麻辣鍋,(內裡有大腸, 豬肉和臭豆腐, 但啲臭豆腐都唔係好traditional, 可能係加拿大啦!! 怕人接受唔到)

食完台式火鍋,再行商場, 因為我要入啲零食.

最後, 我哋行到個商場關門, 關晒燈, 先肯走.

↓由於行到商場關晒門, 有機會同Hello kitty精品店影下相, 平時, 鋪頭邊度肯比我咁影

我哋星期六, 唔洗返工, 唔洗溫習, 就周街食, 周街行. 好似好簡單, 但我覺好好玩, 好relax.

雖然, 我同Brian由朝去街, 去到啲商場都close 晒, 先捨得返歸. 但返到歸, Brian's parents 仲未返屋企. 估唔到Brian's parents 仲蒲得夜過我哋. 哈哈~~


↓出街多數會入零食, 這天還買到Hello kitty 食物盒和Hello kitty 原子筆

---------------------------------------------------------------------
January 19,2013 (Sunday)

有無發覺, 我和Brian係周末, 唔洗返工, 但無咩點提及過Brian's parents呢!!

其實, Brian's parents 很多節目, 他們又多興趣, Brian's 父母係周末, 仲多節目過我& Brian. 

我哋星期六出街, 出咗全日.  但返到歸, 還見不到Brian's 父母在家.

每次Brian's 父母, 開屋企度門, 都見到我&Brian係屋內存在. 哈哈~~

所以, Brian's 父母都有懷疑過我&Brian. 係星期六係咪做宅男宅女?  因為, Brian's parents 早過我&Brian出街, 又遲過我&Brian歸家嗎!

但無論係點, 星期日黃昏, 大家實約埋去church. 之後, 大家齊齊投票去邊間飯店食dinner. 

全個周末, 只是Sunday這一餐dinner, 先同到Brian's 父母食!

Brian 父母,雖然退咗休, 但生活模式, 好精彩.

我反而全個周末off, 出得一日街, 都已經散散哋!! 星期日要休息下!! 我都無Brian's 父母咁有柏力, 周圍去!!哈哈~ 

↓星期日晚餐, 去咗食茶餐廳, 飲柑桔蜜, 食炒米粉

↓食了雞窩煲和肉醬雞扒意粉

↓還吃了熱辣辣的豆腐花