甜品夜, 打邊爐, 花市

January 24,2014 (Friday)


今年, 聖誕節及新年, 都好似過咗無幾耐. 又話就到農曆年. 之後, 又中西情人節. 時間好似好快.

黎到溫哥華, 亞洲人比較多, 中式節日, 也顯得特別熱鬧, 而這個月, 中西方節日, 又咁近. 攪到我多咗籍口出街玩!!

星期五(Jan 24)一放工, 衝衝食完晚飯, 就好似支箭咁, 飛咗出街. 去咗食甜品,飲熱朱古力!!

因為臨近情人節, 溫哥華啲甜品店, 會聯手舉辦朱古力節. 每間甜品店, 會特別炮製一杯朱古力奶. 慶祝甜蜜蜜情人節!!

貪新鮮嘅我, 仲帶埋Brian's mom 去試飲熱朱古力奶. 無計啦!! 大家嗜好, 都係愛甜.......當然一齊走去試試. 而且, 我自飲完法國啲熱朱古力奶, 就深深難忘. 好掛住純朱古力渣出黎嘅熱朱古力奶呀!!!


↓Friday (Jan 24)去了溫哥華其中一間甜品店, 食件餅, 飲熱朱古力奶. 當中啲Liquid chocolate 唔係我想像中的熱朱古力奶, 但勝在杯朱古力奶, 夠熱辣辣, 一邊飲一邊食件馬卡龍, 仲坐住露天地方飲, 都幾爽.

-------------------------------------------------

January 25,2014 (Saturday)

由於, 就黎農曆新年, Brian話要剪個靚髮.

其實, 係以前, 我會幫Brian 剪頭髮, 不過我幫Brian剪頭髮時, 一定要用好多報紙和膠袋執住個地, 而家住係Brian's 父母屋企唔方便. 執咁多嘢係地下.

所以, Brian 要自己出街揾salon剪頭髮, 他都話, 好耐無幫襯出面街啲salon. 哈哈~~

間salon, 自黎咗溫哥華之後, Brian幫襯咗三次!  每次他剪髮, 我就係salon隔離間咖啡店等他!!

↓我就係坐係咖啡店, 一邊玩ipad 一邊等Brian 剪頭髮囉!! 男士剪頭髮好快, 我未飲完杯咖啡, Brian都剪完頭髮, 他仲同我嘆多陣咖啡添!! 但Brian 話凍, 唔肯坐露天位, 要坐係室內啲火爐位.

就黎農曆新年, 所以, 慶祝農曆新年嘅飯局, 又出現!!!

雖然, 依啲飯局, 揀選食中餐(打邊爐), 就算有訂位, 都排晒長龍, 要等檯等好耐先有得食, 但一大班人, 一齊迫下迫下, 咁等. 大家傾下傾下, 又唔覺等好耐, 而且, 傾到熱晒身. 更Happy

↓新年飯局, 其實都係籍口, 但求大家一齊聚埋飲下酒, 一埋檯, 個個放晒, 自己帶嘅酒上檯.

依個打邊爐飯局, 有成12個人出席,我哋叫啲打邊爐餸, 多到無位擺,要放埋係隔離檯.好誇張!! 哈哈~~

成餐打邊爐, 食咗幾個鐘. 酒都飲咗幾個鐘. 真係飲飲食食到好興奮!! 連平時, 講嘢細細聲, 斯斯文文嘅Uncle. 都係依餐飯, 攪到Man 晒. 說話仲大大聲. So funny哈哈~~


↓打邊爐.

-------------------------------------------------

January 26, 2014 (Sunday)

係溫哥華, 真係亞洲人比較多. 花市都有得行.

仲要係好乾淨,好闊落嘅花市行. 雖然, 我今年唔太需要辦年貨. 但行下, 可以感受到好多農曆新年氣氛.  新年熱鬧啲, 係會似樣啲.


↓花市裡面, 好多農曆新年掛飾賣. 都幾人頭湧湧 (啲相, 我係花市個web-site copy出黎, 因花市人太多, 唔知點影!!)

↓新年年花都好多, 人流又多,好熱鬧!!

而我同Brian, 行行街, 例必揾嘢食, 明明出街前, 都食咗嘢, 但出到街, 點都會再食!!

而家, Brian 出襯街, 見到有車仔麵, 就會走去食, 其實, 係我教Brian食車仔麵, 而家他對車仔麵上咗癮. 我好似攪到Brian越來越市井. 哈哈~~~  


↓行行下花市, 去咗食嘢, 我食日式豬扒飯, Brian食車仔麵和格仔餅!

去花市行, 都買到啲啲嘢,但買啲嘢,就同新年無咩關係. 不過, 新年有點新嘢, 當個意頭! 哈哈~~

↓係花市, 買咗杯日式綠茶朱古力, 好濃, 好香.....我還買了三對襪, 因我有鋪買襪癮, 這三對襪, 長到上大脾, 溫哥華冬天就咁着對長襪, 就出到街. 唔洗着襪褲. 其實之前都買過依款大脾襪, 但見花市有, 又買多幾對!! 哈哈~~

↓去完花市, 啲中式地方, 就順道去附近, 買燒肉食, 溫哥華啲燒味, 好美味, 啲燒肉皮幾時食都脆bob bob. 還有, 買了特價嘅大大盒的Haagen-dazs 雪條!

↓還有, 去完花市, 收到Brian's mom 來電, 要買啲賀年食品放係全盒. 其實, 一買啲雜不甩嘢食, 我會好happy. 我同Brian(仲有Brian媽)都係雜糧怪. 平時, 無籍口買零食, 就唔敢買太多, 而家農曆新年, 當然買多點. 好鐘意而家啲零食, 好多都係獨立包裝, 方便好多.

臨近節日, 真係零舍多節目. 唔覺唔覺, 成個weekend, 就去咗咁多地方!!