仍是在渡假屋

September 8, 2012 (Saturday)


經玩啤牌和飲酒, 盡情發癲的一夜.

來到第二日, 好驚訝!! 啲妹可以起到身. 仲入到廚房, 煮到早餐. 哈哈~~  唔通飲過酒, 真係會容易肚餓啲?嘻

早餐, 五妹還舉手說, 要由她操力. 但她煮食的行為, 不夠迅速. 最後, 都是我們幾姐妹入廚房一齊整. 全班女仔在廚房, 爭鑊鏟, 揾剪刀, 爭位企及互相笑大家.  這些情況, 我們幾姐妹一齊, 屬常見.  唔識我們啲人,會覺我哋唔多啱.  而且, 有點混亂.  


但我們另一半, 已經接受我們幾姐妹的行為模式.  這個時候, 我們的另一半, 會自成一角, 等待我們在廚房嘈呀嘈, 去完成一餐---早餐.

↓這間便是我們租住的渡假屋, ...........渡假屋的後園是連接大湖

↓其實,早餐好豐富, 有薯餅,蛋, pan cake和唔同種類香腸. 但太肚餓, 通通都無咩點影. 但最唔好食, 係蝶pancake~

去得渡假屋, 當然玩一點水上運動!!! 

渡假屋後花園, 是連接大湖的. 我們一大堆人, 吃過早餐, 便去玩水上踩單車.

一邊踩, 一邊感受湖上嘅舒服. 也望望大湖旁的大屋.

外籍人士, 真是好肯花心機, 去建立一間屋, 維修保養, 花園設計, 甚至一個涼亭. 都是自己買木材, 一手一腳自己建築而成. 因此, 我感覺外國人, 真係獨立好多.


↓搬水上單車...........一齊踩水上單車

↓踩水上單車時, 大湖沿岸的大屋, 有些屋有水上工具停泊!!

↓在大湖上, 看到啲外國人,好花時間幫間屋粉飾

↓大湖有很多橋, 條條橋都是不同花款

此終, 都是九月時份, 秋風起, 天陰陰時間比較多. 我哋踩踩下水上單車, 都落起毛毛雨. 我哋都係安全為上. 快快手踩返上岸.

無得玩,水上單車, 我哋一班人, 轉為步行. 行下啲天橋. 望下湖景.

但由於唔太熟路, 步行都迷路. 好彩, Brian攜帶平版電腦出外, 馬上看電子地圖找路返回渡假屋.



↓由於落雨, 轉為步行, 行下啲橋, 望下湖景. 同埋我哋平時, 阿妹住嘅城市, 通常渣車出入, 很少膽傘步行咁耐...所以, 落雨膽傘,行街...她們覺好好玩!! 哈哈~ 但行行下迷路, Brian 要開GPS.....揾路返渡假屋

↓但原來Brian今日的衣著, 有點像 "蔡瀾" ...哈哈~~

↓終於,揾到條路,返渡假屋

中午, 還去了渡假屋附近的咖啡店!! 渡假屋四處環境都是比較優靜. 去一間咖啡店, 都渣了半小時車程. 


↓去咖啡店, 買飲品

雖然, 我哋去玩, 無咩特別去留意天氣會點點點.....但當然,天氣好, 會玩得方便啲.

不過, 今次我哋去渡假屋, 要玩咩, 天氣都配合到. 真係好感恩  
 

黃昏時, 我們打算燒野食, 天氣就陽光普照, 認真開心.........我們連忙捧着一大堆食物, 去渡假屋個後園燒野食. 

雖則,是陽光普照, 但由於位置在北部地方, 氣溫偏低, 只有5-6℃, 我們還帶不夠衫, 戶外燒烤時, 差唔多將所有帶去渡假屋啲衫褲, 都着晒上身. 但就係凍到震, 大家圍埋火爐燒野食. 有食物就搶住食, 真係好好玩!!



↓黃昏時, 燒野食.....初頭個個着得好單薄

↓但隔無陣.....凍到咩衫都着上身....因為得5-6℃.

↓男士,都馬上着返長袖衫......還越燒越多野食...




↓我哋女士......只是付責攞住支蜜糖......不過, 今次燒野食, 真係好凍呀!!!

 

↓有少少食物熟咗, 即時爭食.....

↓最後, 食剩蝶雞翼(但後尾, 宵夜時, 用黎送酒)......燒野食甜品, 棉花糖朱古力夾餅

講真, 在渡假屋, 大家都係睡不着, 入夜, 通常都係玩啤牌, 傾下計, 飲下酒....., 嘻嘻哈哈, 玩到癲癲哋. 玩到係梳化瞓着都得架!!


↓開始入夜, 又黎玩啤牌時!!!

↓不段飲.....飲到面都紅晒

↓最後,有個妹係梳化瞓埋!!