描述相片


October 20,2011 (Thursday)


看看相簿, 原來留了幾張相片, 沒有記錄下來.


近來天氣不太好,每天都是天陰陰,還要帶雨傘.  諸多不便.  但去超級市場時, 一看到啲南瓜, 便馬上笑起來. 堆南瓜圖案真是好可愛. 令我發笑.


以前不甚拍照的我, 自寫blog 之後, 將大小事物拍下來. 再輕輕描述在內心所想, 再發放到這個四方框框上! 有一日, 回顧自己過往寫的, 又會勾起回憶. 可能, 就是咁, 令我在yahoo blog 寫了一段長日子. 都還未停下. 


↓就是這堆南瓜,可能Halloween 將到. 以南瓜作粉飾. .......現在的濕凍天氣


其實, 我很喜愛去超級市場的. 去別處旅行, 我會盡量去一去超級市場. 原來去超級市場, 可以容易了解當地文化. 人們主要食什麼, 超級市場便有什麼.   而且, 超級市場的價格又可反影生活指數. 所以, 超級市場真係唔係師奶地方. 越行得多了解當地越深.


我在超級市場很喜歡行pastry section. 近來發覺有美國cheesecake factory的蛋糕購賣. 閒時, 會買件來吃.


↓蛋糕櫃面


現在很喜歡吃麥皮. 我有段時間都有吃麥皮習慣, 但不知為何停止, 但近來又再一次喜歡吃麥皮. 每天都吃, 連午餐都吃.  去超級市場, 就是為買麥皮. 而看到令我發笑的南瓜

↓牛奶麥皮+果仁+乾果
 

Posted by at

9 comments:

  1. Jasmine27 October 2011 at 16:18

    我都是喜歡去旅行時逛超市，有時還會發現當地特別的小食和零食。
    [版主回覆10/29/2011 05:08:39]胡途:
    我也是, 如果有機會, 去邊一處旅行,都很想去超級市場行下. 有收獲,會好開心.

    ReplyDelete
  2. *開心幸福PooH*27 October 2011 at 18:21

    d南瓜好搞笑呀!!!!我曾經睇過篇文章.....話如果想了解當地/當區既社會生活文化.....1定要去街市.....正得於你所講....當地人食咩用咩....生活指數如何....1個市場已經反映晒出嚟.....所以依家我去旅行....都鍾意行街市/supermarket
    [版主回覆10/29/2011 05:08:40]開心幸福Pooh:
    就係啲南瓜得意, 帶領我舉起相機影相.......其實,我都睇過啲文章話, 超級市場可以反影當地生活水平和指數. 我唔係啲咩社會研究人員, 我只係抱住貪得意心態行超級市場. 行得開心,有收獲,好滿足. 哈哈~~ 所以, 我好鐘意行超級市場, 去周處旅行都會趁機會行下的.

    ReplyDelete
  3. ak27 October 2011 at 19:40

    嘻嘻 , 超市係我最喜歡到的地方 , 看到咁多嘢食唔買睇下都開心 , 南瓜樣子很可愛呀 , 還有蛋糕櫃內的蛋糕和芝士林林總總 , 噢 ! 太吸引了 , 流口水中 !
    [版主回覆10/29/2011 05:08:42]AK:
    可能我又貪吃啦!! 超級市場百行不厭. 哈哈~~ 有啲超級市場啲擺切好吸引. 齋睇都開心晒.

    ReplyDelete
  4. cowcow27 October 2011 at 20:22

    對呀~ 事無大小都寫在BLOG, 會醫好我老人痴呆呢個病~ ^^
    [版主回覆10/29/2011 05:08:43]cowcow:
    會架咩!! 哈哈~~~ 不過, 我試過有啲以前嘅事唔記得, 係blog 揾返回憶...哈哈~

    ReplyDelete
  5. 貓 叮27 October 2011 at 20:39

    我都好鐘意逛超級市場呀! 無無聊聊都可以逛好耐呀^^
    [版主回覆10/29/2011 05:08:46]貓叮:
    可能我都比較貪吃, 行超級市場見到咁多貨品, 好開心, 真係百行不厭.

    ReplyDelete
  6. 靚芒27 October 2011 at 20:53

    這些南瓜劃了笑臉, 比鬼怪樣可愛得多. 你那幅窗外相很有油畫feel.
    [版主回覆10/29/2011 05:08:48]靚芒:
    係呀!! 平時啲南瓜, 好少有畫上笑臉. 見到都好開心.

    ReplyDelete
  7. Jo 姐姐27 October 2011 at 23:06

    我都好鍾意行超市 就如妳所講 可以了解當地民族風情 生活習慣~~ 睇見一大堆南瓜配上笑臉 確實令人開心呢 ^:^
    [版主回覆10/29/2011 05:08:50]Jo姐姐:
    我係超級市場都百行不厭, 但有時,時間有限, 行得好快手. 哈哈~~ 不過, 有機會去別處旅行, 都會趁機去超級市場行個圈的. .....平時, 賣南瓜邊有畫上笑臉. 但畫上笑臉, 我覺所有南瓜都很開心....哈哈~~

    ReplyDelete
  8. Mui28 October 2011 at 06:18

    我都聽blog友話Toronto有Cheesecake Factory既cheesecake賣，你係咪去Pusateri呀？唔知Bayview Village個間有無呢？
    [Mui回覆10/29/2011 05:40:00]thanks. For sure will try Pusateri's at Bayview Village next time I'm in town.
    [版主回覆10/29/2011 05:08:55]Mui:
    Yes, 依度超級市場係Pusateri (Downtown). 但我去過Bayview village 個間Pusateri 都有cheesecake factory啲蛋糕賣架!! 我係Bayview village 都買過幾件.

    ReplyDelete
  9. Oli28 October 2011 at 08:45

    我好鐘意去遊行時行超市，因為覺得外國超市貨物種類、地方比香港又多又大，好好行
    [版主回覆10/29/2011 05:08:57]Oli:
    我都係架!! 喜歡旅行時行超級市場, 有時齋行都好開心. .....不過,你睇我好,我睇你好啦!!我係香港行超級市場都好開心. 好多貨品都好岩我口味. 由其是香港超級市場多日本貨品.

    ReplyDelete

Subscribe to: Post Comments (Atom)