咖哩魚蛋

March 1, 2011 (Tuesday)
    多數放工之後, 都會比較肚餓, 但晚飯又未煮好. 啲空檔時間.....就會摷下野食.

    見到雪櫃有包魚蛋, 就好快手整咗咖哩魚蛋黎充下飢.

    其實, 我都係第一次整咖哩魚蛋, 我只係跟着, 早輪炒下一個咖哩魚蛋食譜整. 唔洗好耐, 就食得啦!

     原來, 咖哩魚蛋, 工序簡單, 步驟又唔多. 第時有party都可以試下整這個小食.  不過, 我今次重手咗, 加多咗咖哩粉, 味道辣了. 但都可以接受. 不過, 肚子餓時, 咩都好食的!! 哈哈~~

↓咖哩魚蛋, and 咖哩腸仔.    0

LV Catalogue

February 28, 2011 (Monday)
    看到自己小小郵箱, 塞到滿滿, 原來, 收到了LV Catalogue. 有時, 也不得不佩服啲郵差, 可將一本咁大嘅Catalogue 卷到細細, 塞入我家郵箱. 所以, 我每次收襯Catalogue 都是一卷卷的. 哈哈~

     已經唔知第幾次收這本品牌的Catalouge了. 但我隔離個果人, 仍是好心急, 連用開信刀都不用. 打開黎睇. 看看有咩新貨.

     其實, 內心沒有想要什麼, 但見到Catalouge 嘅精美相片.....又會心思思, 想買哩想買嚕. 所以, 我時常都覺LV 這個品牌好識宣傳自己. 好識吸引人買野!! 隔一陣寄一寄Catalogue 黎, 攪到唔去行下, 好似唔好意思咁!! 哈哈~~

↓男裝Catalougue.     0

*突然醒起, 原來我寫blog 有四年啦!! 識咗好多人,了解更加多. 令到我見識更多, 思維也豐富了, 都估唔到寫blog, 有依個得着添!!

回家

February 27, 2011 (Sunday)
  又是回娘家的日子,慣例去飲茶...總之, 做返啲好慣例嘅野!  本應飲餐茶, 係舒舒服服, 但阿娘就係咁打電話, call 啲妹, 啲妹都大啦! 唔聽電話都預咗唔會黎. 但阿娘,阿爸就照call. 成餐茶就掛住打電話, 你哋兩老咁樣. 打爛沙盆, 問到督. 現今80後就最怕.

  點解我識啲人, 個個都會想回家. 但我完全沒有這個感覺, 唔通真係女生外向?? 每次回娘家, 為何都有任務給我呢? 說實話, 我真係好攰架! 

  不過, 有啲開心係...現在回娘家嘅中午時段, 可以出下街, 有個自己空間, 舒服了一點. Brian 籍着依個時候, 配咗副眼鏡. 他真幸福,到現在咁大個人先需要眼鏡. 其實, 他的視力, 跟本不需要眼鏡. 但在夜晚or 落雪天, 如果清楚就更好啦!

  到食晚飯時間, 才辦完娘家的任務.......

↓娘家晚餐

因為魚躍在花見

February 25, 2011 (Friday) 
 近排, 極度想食壽司. 就係因為電視劇 "魚躍在花見" 囉!!! 影到啲日本壽司, 日本烏冬咁鬼好食. 真係預先食飽飯睇. 都會再覺肚餓. 

所以, 今日....我忍唔住啦!! 叫咗日本野外賣. 仲係滿口日文口聲嘅 "架佬" 送黎我屋企門口. 頓然, 感覺好有日本feel呀!! 哈哈~~

其實, 我好喜歡食日本菜,......應該話,係日本產品都鐘意. 我學過一年日文架!! 但真係x 年前學過. 咩都交返比先生啦!! 年初想學返.....而家就極度再想學返!! .....幣啦! 我又比電視劇嘅效應, 影響咗我啦!!

    放工後, 一邊睇"魚躍在花見", 一邊食日本野食, 夠合切啦!!


↓兩客刺身飯 and 壽司 (仲附送沙律 and 麵豉湯)0

 

中獎杯+宵夜

February 24, 2011 (Thursday) 0℃
     終於0℃....感覺溫暖好多!!! 雖是陰陰天, 但感覺好好多!

     近來, 咖啡店有roll up 依個活動. 卷起杯邊, 分分鐘會有驚喜.  所以, 近排多咗人飲咖啡. 係公司都唔例外, 個個聯同一齊買咖啡黎tea 一tea.  

     Brian放工時, 攞住個空杯返屋企, 佢唔講, 我都知他中咗獎. 中咗個Donut....都好過無啦!! 我飲咗兩日都中唔到. 而家, 中個donut 好勁架啦!! 哈哈~~

↓中獎杯.....卷起杯邊......就知有咩驚喜. 今年大獎係"四門房車". 我中到優異獎(Donut)已經好happy啦 0

     晚餐, 我煮了豉油火腿絲炒麵. 之後, Brian 就去做part-time了. 我都費事跟佢去做兼職. 我真係懶了許多.

   不知係咪兼職過後, 人會特別肚餓, Brian 回家後買了一袋二袋食物返屋企,當宵夜. 而家, 屋企樓下又開了間漢堡包店. 攪到Brian一經過就會心思思買個漢堡包黎食.仲攪到我一日食多一餐添! 真係間唔中食下好啦. 因為我覺得漢堡包, 係慢性毒藥黎架...哈哈~~

↓宵夜.... 漢堡包, 咖啡, 冬甩 and 薯條. 全部清晒. 個肚有脹大了!! 但好味0

仍是放假天

February 22, 2011 (Tuesday)
      很多人, 都放完公眾假期(Family Day), 我也回服日常生活, .....但Brian 仍是放假天. 其實, 是他公司的規例. 我也很難一字一語解釋. 不過, 我哋自己知就得啦!! 哈哈~~

     其實, 他一連放四天假期. 他已經開始呻悶啦!! 我lunch time 咪同Brian 食餐晏囉!! 咁樣陪一陪,應該無咁悶掛!!

     咁晏晝係屋企, 剩機煲下劇添! 電視劇 (魚躍在花見), 追開就會追. 每日得一集. 真係有點頂癮. 哈哈~~ 食完麵, 睇完劇....我就回服正常. Brian 繼續放假.....

 
↓晏晝, 簡簡單單食個熱辣辣麵, 食到成身暖晒!!0

長周末最後一天

February 21,2011 (Monday)   -21℃windchill
   黎到公眾假期最後一天, 我竟然晨咁早彈咗起身. 咁就當然即時換衫, 落街買早餐啦!! 我知自己, 如果再瞓返, 一定會瞓到黃朝八晏. 咩早餐食物都買唔到.

    其實, 朝早啲天氣, 都幾凍下, 但唔理得咁多, 平時, 邊會有閒情食街外早餐. 係放假先有機會. 所以, 就算幾凍, 都走出去買.. 我仲一次過, 買多幾個早餐set.(買咗麥當當and A&W 早餐) 咁下晝都可以唔洗煮都有得食. 哈哈~

↓我嘅麥當當早餐    0

   係公眾假期最後一天, 都無咩地方好去!! 皆因, 好多地方都唔開門. 我知政府攪咗好多戶外運動, or 咩咩展覽會. 但唔知點解, 都係無咪起勁去. 我and Brian 只留係電視傍煲劇. 我反而喜歡留在屋企過假期. 心情又可以平靜啲. 又可以隨心想點都可以.好舒服.而夜晚個餐, 就係叮返啲額外早餐set. 再加蝶蒸燒賣就攪掂.  很簡單就享受完個公眾假期.

-------------------------------------------------------------------------------

    本應心情都好正常, 但飯後, 照常例打電話返娘家, 我阿娘又有啲好特別嘅要求要我做. 令到收完線, 當躺哭了出來. 我唔知點講. 我為何有這樣大的反應. 我只是知道, 我腦海突然間浮現着, 我以前細個時, 啲點點滴滴.  我小時候, 我也不知可解, 我是一個不受歡迎嘅人. 受盡排斥. 所以, 我很小就盡可能, 咩都自己攪掂. 長大之後, 我也有點不順暢, 也是自己處理的.

   我是不介意幫阿娘做她的事, 但偏遍只有我呢?? 我是否只在家報喜不報憂, 所以, 阿娘以為我好順暢, or 好優閒呢??早知, 我學家中啲人嘅動作. 得父母同情, 便可以什麼都不需要負責吧!

   講真, 這幾年, 幸好Brian 係我身邊, 如果唔係, 我已經離家出走了! 不再回家. 

   在我哭時, Brian 走了落街, 給我盡情哭, 盡情發洩, 還買了咖啡給我! 他回來後, 也提議一啲解決辦法給我.  係依啲冰天雪地嘅日子, Brian 一個人在街上, 買咖啡同時,也要為我想方法. 很感動.

長周末嘅星期天

February 20,2011 (Sunday)
   平時,星期日係Brian 嘅低落日....哈哈!!! 但今個星期一係Family day 公眾假期. 所以, Brian 極度好想出街!! 但去邊好呢?? 天文台又話落heavy snow (10cm雪).....不如留係屋企啦! 我係對落雪好隱憂.....所以, 我唔想出街!!!

    所以, 晏晝就行落樓下買麥當當食, 一邊煲電視劇, 一邊食漢堡包. 食完lunch, 我仲幫Brian剪埋個頭, 佢當堂----醒神晒!! 但做咗好多野, Brian都係覺悶, 仲係有啲出街心!!而且, 望出窗外, 還未有雪.....因此, 便快速換衫, 去最近屋企個mall 行街. 咁起碼落雪時, 都唔洗渣段好長嘅路先返到屋企!! 

↓午餐---麥當當0

   去到mall, 好好彩揾到個靚車位泊......現在, 市中心, 真係越黎越難揾車位, 就算收費停車場, 都好像爭先有車位. 真係好得人驚!!!

    原來去行Mall, Brian 就帶咗我, 招去Sephora 方向去!!! 我差點忘記....原來Sephora 現正購賣hello kitty 產品添!! 我早一個月前, 已經扭Brian 買. 但未有貨....今次, 再check就有啦!! Brian即買塊Hello kitty 鏡比我!! touching touching....之後, 我仲"立"支眼睫毛先走人.  哈哈~~~

   行完自己野, 就行Brian 個啲favourite stores.....Apple store and Best buy 依啲電器鋪. 男士都係對依啲特別着躍. 仲好容易有心頭好添!!! (買咗個電話套)

   好彩, 行完街, 仲未落雪....開心!!!

↓今日戰利品-----Hello kitty 鏡 and 睫毛液....0

↓好鐘意塊Hello kitty 鏡...出街好有用!!0

↓Apple store ...Brian最鐘意行. 我鐘意門口display window 凌空釣住部MacBook air0

    夜晚個餐.....我一早解凍材料......準備夜晚打邊爐. 因為天時冷, 又怕落雪唔知去邊度食嗎!! 點知開飯前, 都未落雪!! 仲懷疑天文台有無佈錯料.......點知打打下邊爐, 望出窗.....全地白檬檬. 啲雪真係落得快!! 霎下間就白成咁. 好彩, 坐係屋企, 如果係街, 一定好唔方便!!!!

   深夜, 走了落樓下飲咖啡....仲係坐係咖啡店入面飲......不過,唔知係咪落雪, 我同Brian包場咁濟! 哈哈~~ 不過, 最開心我and Brian 係喺依間咖啡店第一個客幫襯roll up coffee嘅顧客. 因為我哋係踏正12am 入內買咖啡. 其實,唔係特登, 只係咁啱咋!!

↓打邊爐 (小肥羊辣湯底)......................宵夜, 飲咖啡....驚訝地做咗第一個買roll up coffee嘅顧客. 但都唔贏嘅!!0

長周末嘅星期六

February 19, 2011 (Saturday)
    飲完成晚酒.......成個人dry 得好緊要. 晏晝先同Brian 由大學同學屋企渣車返自己屋企!!  雖然, 過晒食lunch 時間, 但一點肚餓嘅感覺都沒有. 只感覺自己dry dry 哋. 但點都要食點東西落肚. 便買咗個subway sandwiches 黎同Brian 兩份食.

   之後, 我自己一個仲走咗去超級市場買野, 因為, 夜晚時份三妹and 三妹男朋友會過黎我度玩!! 點都要買點東西黎招呼下!!!! 好好彩用11號巴士去買野. 我買完野, 落大雪, 落得好利害. (但當自己返咗屋企, 場雪又停!! 遇到場過雲雪添!)

↓我和Brian嘅晏晝....subway sandwiches   

    見三妹上黎...執好啲個全都盒招呼下先....其實, 個全盒都係農曆新年買架黎應節. 查實個全盒得個"擺"字.  雖然過咗農曆十五, 但有阿妹上黎就沖下場. 此終,都係新正頭嗎!

↓全盒內都係啲傳統糖果, 瓜子......原來現在椰子糖都幾難揾

oop

    我家樓下開了間漢堡包專門店, 見三妹and 她另一半黎, 就一齊落樓下食. 唔好以為而家食個包會平啲....講真, 食漢堡包已經一啲都唔平!! 分分鐘貴過一餐泰國餐!!!不過,依間bugers 店話用自家農場製肉, 純天然!!! 不過, 個漢堡包又真係幾好味!!

↓Dinner 同三妹食hamburger

oop

↓漢堡店網頁個包幾靚仔

op

   三妹and 三妹男朋友黎我度, 都係傾下計, 睇下中文電影.....到1am, Brian 唔知上咗啲咩癮, 話要煮Spicy chicken 比三妹and 三妹男朋友試...所以, 夜麻麻...四個人落樓下啲24小時營業啲超級市場買材料煮...買完順道去咖啡店買野飲.....一邊飲咖啡,一邊等Brian煮Spicy chicken.

   因此, 依晚宵夜就係熱辣辣嘅Spicy chicken 飯......夜麻麻食飯做宵夜...食完個肚好脹大呀!!! 哈哈~~

↓宵夜 (Spicy chicken with rice)

oop