十二中, 臨放聖誕假期前, 最近我家的麥當當close 咗, 門面寫住"under renovation". 攪到我成個十二月, 都無咩點食到麥當當早餐添!!
放完假返番黎多倫多之後, 因我懶買餸關係, 都會食麥當當攪掂 (嗱! 我唔係餐餐食麥當當, 我今年2011, 只食了兩餐.)
2011 年第一次去麥當當時, 對腳自自然然行去屋企後面街個間麥當當, 完全無諗麥當當renovation 完未. 就行咗過去, 但好彩都開咗.........嘩!! 一入到去, 嚇親我呀!!點解 "潮" 咗咁多嘅? 啲座位都舒服咗好多. 立刻周圍影影先. 我當時, 見到麥當當經理添!! 我仲同佢講....「間麥當當redo 咗, 感覺好舒服. 食快餐變咗享受」哈哈~~ 之後, 快手快腳, 買完外賣. 返屋企比啲相Brian睇. 都嚇親. Brian 話揾日約我去食返餐添!! 哈哈~
有見及此, 我哋就相約今日去依間新潮麥當當食早餐(堂食). 本來唔想去架!! 咁鬼凍, 成-21℃ 呀!! 天文台仲發出咗端度嚴寒警告. 但見自己去完旅行都未嘆過正統早餐. 凍就凍啦!! 唔理啦!! 加多條頸巾, 直衝去麥當當. (但地滑都唔敢太急步行)
其實, 都係好普通嘅一餐------"麥當當早餐". 但坐係啲"潮"啲嘅地方食. 又會覺得開心啲架!! 哈哈~~~
↓麥當當 (依間麥當當有電視架!!但我原來無影到)0
我呢邊有間mc don don 都係好靚呀，成個酒店lobby咁，有火爐，大梳化～ 希望慢慢所有 mc don don 都係咁靚啦～
ReplyDelete[版主回覆01/26/2011 12:45:00]廿六: ~我係呀!! 我依邊都有幾間麥當當都裝修得好靚呀!! 火爐,梳化, 電視, 都鬼舒服架!!而家連我屋企附近個間都係咁. 真係食麥當當都開心啲.哈哈!! ~學你話齋, 我希望每一間麥當當會慢慢變到好靚啦!!
I just had it yesterday, Egg-McMuffin, and Newman Coffee!!
ReplyDelete[版主回覆01/26/2011 12:45:00]Big Daddy 嘩!! 依個配塔, 簡直就爽啦!!
great price, $3 USD!!
ReplyDelete[版主回覆01/26/2011 12:45:00]Big daddy: 你個邊啲McDonDon好抵食呀!!
-21度......我聽到都凍....怕怕.....!!!!
ReplyDelete[版主回覆01/26/2011 12:45:00]小花媽: 依日已經唔算凍啦!! 前兩日keep 住-32℃添!! 不過, 依邊家家戶戶都有heat, 留係屋企係ok嘅!! 但出到街, 就有點辛苦. 頭個下, 有啲難頂, 可能我特別怕凍啦!
新潮麥當當 .... 完全冇麥當當feel ... 又幾好呀
ReplyDelete[版主回覆01/26/2011 12:45:00]WingL^^ 咪係囉!! 完全唔似係麥當當食, 見到間麥當當咁舒服, 食都食得開心啲. 而家我依邊越來越多麥當當都變咗依啲樣啦!! 唔知香港啲麥當當係點呢??我係香港都唔係好多時去麥當當架!! 哈哈~
香港啲麥當當冇咩特別 大大隻M字, 一睇就知係 麥當當
ReplyDelete[版主回覆02/02/2011 05:46:00]WingL^^ 哈哈~~但我時常感覺香港麥當當啲換領嘅玩具好多元化. ......