周末 (超級市場+打邊爐)

January 22, 2011 (Saturday) 寒冷-25℃ windchill, 落雪
   一朝早身, 見到仲未落雪, 就嗱嗱聲換衫, 渣車去超級市場入下貨啦!! 渣得架車去, 就當然大量入貨啦!! 係加拿大, 除咗望住個天氣外,仲要有架車先方便. 有時, 感覺係依邊居住好唔瀟晒. 成日為咗天氣, 地理環境而有所隱憂.

   今躺, 走咗去chinese超級市場入貨. 現在, 臨近農曆新年, 間chinese超級市場整到好有農曆新年氣氛. 紅檔檔咁. 原本我諗住影下超級市場嘅佈置架!! 但比超級市場啲工作人員製止. 話唔影得相架喎!(以前都無).  但佢差啲想攞埋我部手提電話添!! 我話, Ok, 我唔影架啦!! (其實,我部電話連相機功能都未到, 就比個工作人員叫停)

   其實, 我好尊重人嘅, 人哋話唔好影,我都唔會影架啦!! 我影咗又唔會發達嘅!! 唔影對我黎講, 完全影響唔到我....... 點知, 買買下野, 就越買越多, 自己原本個購物籃都滿晒. 咪走去攞第二個購物藍囉!! 係依個時候, 我又撞返果個叫我唔好影相嘅工作人員. 他以為我返轉頭想影相呀!! 係咁跟住晒!! 我買壽司又睇住. 想點?? 攪到我好似偷野咁.  算啦!! 個工作人員跟跟下都比人分呼去做野. 如果由頭到尾都跟住晒. 我真係會出聲架!!

   入完貨之後, 一出超級市場門口, 就剛剛落雪啦!! 真係唔好再周處去, 立即渣車返屋企. 再遲啲太多積雪, 條路就比較難渣架啦!! 真開心,係臨落大雪前入晒貨, 返到屋企.

    每次, 去開chinese 超級市場, 就買點熟食. 所以, 星期六嘅午餐, 就是係超級市場啲熟食. 

↓咕嚕肉,檸檬雞,炒河粉 + 一大盒壽司  (本來以為食唔晒, 但我哋兩個食得晒全部)0

  星期六, 多數都係懶一點, 食完豐富午餐, 對住個窗玩電腦, 見住個天係咁落雪, 落到唔想停. 天文台又怖錯數啦! 由下午落到夜晚, 點止落咗1cm 雪呀!! 落成5 cm 雪都似. 好彩, 我一早起身買咗餸.

   不過, Brian 係依啲落雪情況下, 仍應承去做兼職, 我都已經無心機返啦! 我連陪佢返都費事. 佢放工返黎仲買埋咖啡and 冬甩比我. 仲要煮埋晚飯. 而家, 我係屋企做過乜呢?? 好似乜都係Brian做晒嘅??我連午睡都做埋. 我覺自己好懶呀!!
  
↓星期六, 不段落雪....由於中午落到夜晚0

↓星期六晚餐, Brian再煮Spicy chicken 飯. 因為雪櫃仲有料剩, 唔好晒. 所以, 再encore. 仍然煮得好好味. 0

----------------------------------------------------------------------------------
January 23, 2011 (Sunday) -32℃windchill 
     哈哈!! 我哋兩個都起唔切身, 落樓下買早餐. 不過, 就算起到身費事落街, 而家好凍呀!! 企近個窗都覺得好凍. 落樓下, 個一下, 真係好難頂呀!

    突然諗返六, 七年前, 依啲天氣下, 我仲會同Brian由屋企行到去唐人街(行足半個幾鐘有特). 為咗食個港式麵包+杯港式熱奶茶. 好配服自己以前可以到. 而家, 唔得啦!!

    講返今日, 起咗身之後, 就去雪櫃摷野食, 好求其焗咗個pizza, 蒸咗蝶混醬腸粉. 雖然, 一中一西好唔"拉lung". 但又食得好滿足.  哈哈~~~ 是但, 普通一個星期日, 晏晝但求食得滿足就算架啦!!

    夜晚, 就打邊爐, 咁凍最好選擇都係咁啦!!今年都係第一次打邊爐咋!! 雖然,得我哋二丁友, 但我啲食一餐邊爐, 可以食好耐架!! 仲係不自覺食多咗好多. 不過, 食完打邊爐實會成身暖笠笠, 我暖到走去熄咗個暖氣添!! 哈哈~~ 

↓星期日的午餐pizza and 蒸混醬腸粉, 晚餐就打邊爐0

↓今日一起身, 天文台話有-30c windchill, 氣溫有-19℃(白色圈住咗). 嘩!! 好凍呀!! 皮膚直接接觸空氣5-10mins 必定凍傷皮膚. 最後,最凍有-32℃.0