睇完澳洲網球公開賽. 真係睇到一朝早先瞓!! 但瞓無幾個鐘就醒咗! 就換件衫, 落咗樓下飲茶. 今年, 都係我第一次去飲茶.
好驚訝!! 都有個成個幾月無飲茶. 但啲侍應還記得我們. 由門口叫我哋叫到入座. 真係有啲熱情. 最驚訝係, 連我哋飲開嘅茶都知. 啲侍應實在太有記醒啦!!
最驚訝係,......臨近農曆新年, 間茶樓啲侍應, 完全無迫我哋買糕點. 又無特別hard sell, 迫其他茶客買喎! 我初頭還以為臨近農曆新年飲茶, 實會比啲侍應迫添!! 點知又無喎!! 依間, 茶樓真係比較gentle啲. 但依間茶樓賣果啲新年糕點, 比較大份. 有啲唔啱我哋兩個. 所以, 我哋都無買到.
↓飲茶點心 0
飲完茶, Brian 做咗陣兼職 (今次唔係賣電話, 係ipad, 原來都幾好賣). 見Brian做完兼職, 個天色都幾好, 起碼無雪嗎!! 咁我哋就走咗去chinese 超級市場. 因為Brian話想辦年貨喎. 說實話, 我自己好少辦年貨架!! 因為我一返娘家, 就好中國化, 好傳統. 所以, 我自己係好少辦年貨架! 但出咗黎做事之後, 我會封利事. 以前都貪得意整年糕. 而家當然懶到出汁啦!
有時, 我都唔明Brian,由細到大都接受好西化教育. 但內心竟然好中化. 連壓碎錢每一年都做足!!! 我自己就無依啲習族啦! 可能, 我家思想和習慣太傳統了. 令到我覺得做什麼都有很多程序. 所以, 攪到我成長之後, 有咩都喜歡簡便就算啦!
不過, 將所有農曆年貨擺埋係屋企. 頓然感覺自己屋企好有農曆新年氣氛呀!!
↓在超級市場買咗以下嘅年貨.0
↓還買了利事封 (我遲啲想買啲印有性氏嘅利事封, 依邊我就未見過, 印有性氏嘅利事封, 係咪要係香港訂先有呢?)0
而夜晚, Brian 又話"玩煮飯", 係呀!! 他覺得煮飯好似玩咁. 他越玩越開心, 越煮越有成功感. 今次, 就煮clams pasta. 味道比較清甜. 唔錯,唔錯!!!
↓煮到出晒煙........................製成品 clams pasta (即係clams上湯匯意粉,so 好甜架!)0
--------------------------------------------------------------------
January 30, 2011 (Sunday)
星期日, 休息日....都好遲先起身. 因為喜歡瞓到自然醒. 遲起身, 當然肚餓啲啦! 嗱嗱聲入廚房煮下野先. 近排,我真係很少機會入廚房攪下野食!! 哈哈~~~ 趁有機會就急急腳入去整個brunch 先. 如果唔係Brian 又話煮架啦! 現在, 我好像和Brian 爭廚房用添!! 哈哈
一邊食brunch, 一邊睇澳洲男子網球公開賽 (Final 捷克vs. 英國). 雖然,係睇repeat, 但我事前唔知賽果嗎!! 所以, 睇到好肉緊架!! 睇到食完brunch, 啲碗都無洗添!! 哈哈~~
而夜晚, 我又伸展廚藝啦!! 雖然係pasta. 但我係將雪櫃啲剩餘物資攞黎煮. 無睇食譜, 求其煮咋!! 雖求其煮, 都入得口架! 哈哈~~
↓早餐+午餐 (有炒麵, 食剩嘅點心+混醬腸粉), 晚餐食pasta. (有cream, clams, 洋蔥,parsley)0
