時間真快, 唔覺唔覺又到十二月喇! 聖誕月又到喇!!
早幾日, Brian 買咗盒count down christmas 嘅朱古力月曆比我!! 雖然, 依份禮物唔係話啲咩貴重野!! 但由Dec 1 起, 我哋會一齊count down 聖誕節, 而我就會, 每日食一粒朱古力....食到Dec 24號....哈哈!! (因為count down christmas 朱古力月曆只有24 粒, 食晒咪代表聖誕節到囉!!)
今年, 特別買咗Kinder 朱古力! 依隻牌子, 我都幾鐘意食架! 我都驚自己忍唔住, 未到24 號就擦晒出黎食! 哈哈~
話時話, 今年到十二月竟然一場雪都未落過!! 只係凍凍哋, 對我住加拿大黎講, 已經係一件奇特事件啦!! 哈哈~
而我到十二月頭都未"的"起心肝砌聖誕樹添!! 我仲有唔夠一個月就去旅行, (對我黎講係旅行, 對Brian 黎講係返屋企) 而且, 個個weekend 都攰.....現在, 圍咗啲聖誕燈係屋企某啲各落. 聖誕樹可能無時間砌....是但喇, 砌到就砌, 砌唔到就算.....哈哈!
↓Count down christmas chocolate calendar
我11111111111111 我向公司decorate 緊
ReplyDelete[版主回覆12/09/2009 12:26:00]Kitty: ~ 11111 到 ~可以有份decorate 好開心架!!!
哈哈!~ 我就無咩心機砌聖誕樹呀!~
ReplyDelete[版主回覆12/09/2009 12:26:00]小威威: ~到現時為止, 我都係未有心機and 時間砌聖誕樹...哈哈!!
係呀~~ 好快又一年啦~~ 一星期過得好慢, 到左六日就時間快到呢~~
ReplyDelete今年.. 我覺得 HK 無咩聖誕氣氛..
[版主回覆12/09/2009 12:26:00]畫: ~好耐無見, 見你啲相多過見你啲文字, 哈哈!! ~你講得岩, 閒日啲時間就好慢, 但到weekend 啲時間, 就過去得特別快, 時時刻刻都期待weekend 嘅來臨。 ~你快啲去影香港啲燈飾喇, 影下影下就有氣氛架喇....哈哈!
而家天氣反常, 估唔到連加拿大都無雪落!!
ReplyDelete[版主回覆12/09/2009 12:26:00]傻妹: 其實, 加拿大嘅冬天唔係日日落雪, 間唔中先會有雪落. 但十一月都未落就少見啲, 不過, 今晚, 就開始落喇。
令我諗起上年同事都送咗個畀我呀~~~可惜我無用嚟count down, 一得閒就攞嚟食~~~哈哈~~~ 你有幾耐無同Brian一齊返去佢屋企啦?
ReplyDelete[版主回覆12/09/2009 12:26:00]細細粒 ~你啲同事都幾有你心, 舊年送count down chocolate 比你, 其實, 你公司啲人都幾有聖誕氣氛. ~我舊年聖誕節先見咗Brian 屋企人, 雖然, Brian 屋企人都係加拿大, 但Brian 屋企係西岸, 我要坐五小時內陸飛機先到, 所以, 我都係一年去西岸一次. 每年見一次Brian's 屋企人。
Vicky, Kinder有得買X'mas月歷咩?我都好想買呀！ 今年我聽天聞台話會特別凍，而且仲會落好多雪，原本我地NY都話會落雪架，但後來又無落，so far我地依家反而多左雨水，落完雨天氣就特別凍添呀！依家加國已經凍啦，你都要小心著涼呀！
ReplyDelete[版主回覆12/09/2009 12:26:00]陶陶夫人: ~我都係今年先見到Kinder 出聖誕月曆, 還掂每年都買開, 今年見到Kinder 便買下來囉!! 你試下去啲drug store(好似香港啲萬寧)睇下, 有好多聖誕月曆賣架!! ~我依邊今日都開始有雪, 到十二月先落雪, 已經比較遲, 不過, 落雪交通比較不便, 所以, 我令願冬天只係一味凍, 但唔落雪, 哈哈! ~大家咁話, 冬天小心着涼. !
真係估唔到加拿大都會無雪落??
ReplyDelete[版主回覆12/09/2009 12:26:00]心樂: 加拿大冬天唔係日日都落雪架, 但係十一月只是凍,仲未落雪咋!! 就特別啲囉!! 但現在十二月, 已經落緊雪喇.