屋企附近, 為乜放工時間比平時咁多車? 仲塞住晒架?? 人想行都困難, 迫住晒!!
原來, 間名牌百貨公司今日舉行聖誕廚窗開幕禮......所以, 封咗成條馬路, 順便搞啲活動!! 塔咗個舞台係馬路......有人唱歌, 跳舞,咁囉!!
其實,年年間百貨公司都有搞依啲活動!! 舊年, 都有趁下熱鬧望下個舞台啲人唱歌...但舊年, 我係依個時間臨近返香港....所以, 無記錄抵.....但估唔到話咁快又一年.
而今年, 見經開咪順便約埋Brian 一齊再趁熱鬧, 睇下今年百貨公司有咩特別野搞囉!! 但今年天氣實在太凍了. (好似比舊年早到咗!) 都係企咗一陣.......影下相就走喇!!
沿途同Brian 行返屋企, 見到街上啲商鋪, 燈柱, 都已經裝飾到好聖誕節lu! 好有氣氛, 可能我又鐘意聖誕節喇! 一邊行返屋企行到好開心....哈哈!! 唔知係咪有個開心mood, 返屋企馬上order pizza 黎食.....繼續開心落去....哈哈!
今年, 唔知點解好想落力咁佈置屋企, 變得更加有Christmas feel. 雖然, 以前都會砌棵聖誕樹"得" 係屋企, 但其他地方就咩都無佈置, 但依邊啲人真係好注重聖誕節架!! 屋企每個各落都有聖誕裝飾架!! .......想學下人添!! 哈哈!!
↓百貨公司啲佈置
↓百貨公司門口, 啲人等緊睇show呀!!
↓見到有人做防問呀........
↓百貨公司免費派Pretzel 呀!!
↓本來條街好多車...現在比間百貨公司封咗成條街....做聖誕節宣傳, 但咁樣又幾有氣氛!!
↓夜晚.....叫pizza食......
我1 Holt Renfrew 咁大制作既
ReplyDelete[版主回覆11/12/2009 10:28:00]Kitty: 年年依個時候, Holt Renfrew 都好大製作架!! 緊係喇!!....依間野....賺埋賺埋唔少喇....攪依啲活動, 確實無難度喇....哈哈!!
e家香港好多商場都有聖誕裝置啦!~
ReplyDelete[版主回覆11/12/2009 10:28:00]小威威: 香港啲商場無輪什麼節日都好識裝飾架! 好有心思!
好熱鬧!!!!
ReplyDelete[版主回覆11/19/2009 08:00:00]表叔公: 其實, 百貨公司都係想型造依個效果出黎!! 吸引啲人買野嗎!!
this time the pizza is different!
ReplyDelete[版主回覆11/19/2009 08:00:00]Bobo de Licious: 哈哈!! 係呀! 今次食pizza 就唔可以攞返以前啲相黎post 喇! 今次係叫外賣pizza, 平時果啲係自己買...所以, 有所不同囉!
呢邊我都已經見有商場佈置咗一d啦.........佢哋一定係早佈置既, 因為可以擺耐d嘛.....哈哈~~
ReplyDelete[版主回覆11/15/2009 12:36:00]細細粒: 其實我感覺香港各大商場都好有心機佈置架!! 我依邊啲商場, 差唔多年年佈置到一模一樣, 係我依邊, 啲廚窗會比較特別花心機佈置,其他就唔太有心思咁囉! (我認為)唔似香港啲大廈有燈飾睇!