April 18,2015 (Saturday)
我在香港讀到中學二年級.
我當年, 好細個, 自己返學, 放學. 自己一個人坐車, 自己一個人出街. (又唔知點解, 當時, 我阿娘又會咁放心!!)
但我要走出街, 通常都係幫阿娘購買煮飯時, 所缺的物品. 有時, 會接埋細妹放學. 但我會偷雞同細妹去公園行個圈, 先返歸...哈哈~~
雖然, 我阿娘好捨得比我出街, 但阿娘, 不太肯, 我幫襯啲流動嘅街邊小販檔.
因為我阿娘, 害怕啲街邊小販檔, 無啦啦走鬼時, 會唔覺意做成危險.
所以, 我細個時, 我有幾條街, 阿娘唔太願意我經過.
但世事, 就是這樣, 越是不肯, 但自己個心, 就很想冒險.
而當年, 和我同年紀嘅表妹, 比較投契. 可能大家都是家中老大, 遭遇很近似.
每年暑假, 我們就會胡亂說---出街的籍口
但我和表妹出街, 就是去那些相方家長, 都不太願我哋踏足嘅街邊檔所在地, 為就為着冒個險及食個痛快.....雖然, 食埋啲平民食物, 但是大家都是"門"住屋企人, 走入幫襯街邊檔裡頭, 那隻偷偷哋去食腸粉, 魚肉碗仔翅嘅感覺. 好好玩呢!!
---------------------------------------------------------------
好似講咗好多, 我嘅童年時......
但就係早排, 係溫哥華某本中文雜誌, 見到有間港式小食店開張, 主張發購, 香港街邊食物.
那些燒賣魚肉, 腸粉, 及蒸粉果......嘩!! 真係好多好多, 我童年時, 冒險食嘅食物!!
星期六一返工, 即刻同Brian 好似支箭, 飛去這間港式小食店!!
↓小食店, 有玉泉忌廉(因這邊少有, 即刻叫返罐黎飲!!), Brian 飲大路嘅陽光檸檬茶
↓係港式街邊小食店, 食咗蒸粉果, 以前係街邊, 啲蒸粉果, 我好鐘意, 見到依樹有, 就即刻叫. 再要一蝶混醬腸粉+燒賣魚肉, 啲味道, 真係同細個食嗰啲味道, 差唔多!!
↓由於工作完, 所以太餓, 食咗碗五香肉丁公仔麵, Brian 食咗豬潤出前一丁. 食完個麵, 已經好夠, 但下次黎, 好想食埋魚肉碗仔翅及咖哩魚蛋.....
其實全餐, 啲港式街邊嘢, 得我一個食得興奮.
因為Brian 完全無接觸過, 香港啲街邊檔.
其實, 我仲懷念, 啲燒魷魚, 染到橙色嘅粉腸, 炸豬大腸, 釀三寶, 蒸花生, 懷舊甜蔥餅, ....我以前係街邊食過韭菜棵. 好好味!!
不過, Brian 肯同我癲, 我好開心啦!! 因為依間港式小食店, 開得好"隔攝", 真係睇住地圖, 先識去!!
但就因為去咗個"隔攝"地方, 比我哋經過好舒服嘅公園. 食完港式街邊小食, 就去行公園, 望住個湖.
估唔到食完街邊小食, 可以找到, 另一個好好嘅娛樂!!
↓去完港式小食店, 經過一個好優靜公園, 所以, 走去坐下
↓有山, 有水, 又有埋石, 唔出聲, 都好好享受
↓星期六好例牌, 去買零食!!
April 12,2015 (Sunday)
今年啲櫻花好抵玩, 由一月尾開到四月中.
都可以周處見到櫻花盛開.
有時, 啲微風吹, 啲櫻花瓣, 隨風而飄, 感覺好似落雪咁. 好美麗.
所以, 這一個April 12, 我和Brian 嘅相識紀念日.
我哋便趁機, 再一次, 周圍去影下櫻花.
之後, 去食下嘢, 又再行過, 去唔同街賞下櫻花.......雖然, 係簡簡單單, 但感覺好舒服.
↓櫻花瓣開始, 隨風而飄, 現在, 地上就遍地粉紅色櫻花瓣. 即代表, 櫻花時間將完結.
↓啲櫻花, 都無早前開得咁密麻麻.但仍是很美.
↓櫻花開得靚, 真係成個粉紅波波咁. 而家, 隨地都執到粉紅櫻花瓣玩!!
↓櫻花和太陽, 真係好美嘅配塔.
除咗櫻花,
我同Brian 最喜歡就係食.
有咩紀念日, 都係食食食....哈哈~~
由其是, 每個月嘅12號, 我同Brian 都好似有陣鐘聲響起, 點都要慶祝下.
當年, 我的一句, 每個月的12號, 都要"係咁二"慶祝下.
那就keep 住"係咁二"慶祝下, 到依家.....哈哈~~~
我哋係這一天, 相識紀念日, 都是"係咁二", 由朝食到夜晚. 當慶祝下
不過, 最享受, 這個12號, 是在星期日.
出去食和玩, 心情都開懷啲.
↓早餐, 去咗星星咖啡店. 而家星星咖啡啲包點, 比咗間法國公司經營, 啲包點突然好食咗!! 哈哈. 食咗個雞蛋芝士包.
↓午餐食咗快餐, 好耐無食, 食咗好happy~~
↓相識紀念日, 晚餐去咗食馬來西亞餐, 首先有串燒, 荷葉椰汁飯.
↓馬來西亞炒飯(好香), 還有咖哩羊肉 (我哋request 超辣, 食得好開心!!)
↓海南雞, 還有好惹味嘅番茄蝦仁四季豆
↓還有甜品, 椰汁芒果黑糯米及椰汁榴蓮黑糯米
.jpg)
我知Brian,每次祈禱, 每次許願,
都會為我祈求, 為我許埋願.
很感恩, 能夠和他一齊行.
我知, 我們未來嘅路, 會越來越好的
April 8,2015 (Wednesday)
一個無染過頭髮, 但現在頭髮還是全黑嘅人. (都有幾條白頭髮, 但真係全黑咁濟!!)
原來, 這位黑頭髮人士, 將會面臨七字頭嘅歲數.
今個月, Brian 爸生日啦!!
生日.....當然係開心事!!
Brian 家, 好開通, 生日-----便會出外食餐飯, 慶祝!!
壽星仔, 想食日本餐. 那就一早book 定枱, 放咗工, 一齊和他食日本菜慶祝!!
↓魚生好新鮮, 壽星仔已經急不及待, 夾黎食!!
↓日本卷物, 簡直係我至愛, 我同Brian 不停order 黎食!! 哈哈~
↓食咗燒牛肉, 還繼續食日式卷!!!
↓食咗一客海膽蒸飯, (好香噴噴!!), 壽星仔最喜歡食嘅燒魷魚 (燒得好香!!)
↓還食咗芝士焗蠔和大蝦. 而生日, 點都需要食點麵, 壽星仔話, 食烏冬, 都一樣!
↓依個日式蒸石頭魚, 好鮮甜, 好好食!! 還食咗燒魚鮫(燒到好脆口, 亦估唔到咁多肉, 送酒一流)
↓Encore 咗無數次啤酒, 最後, 餐廳見我哋order 得咁狼, 送咗紅豆黑芝麻雪糕比我哋作甜品
↓返到歸, 同壽星仔切蛋糕, 我哋明明訂咗個貌似tennis 波波嘅蛋糕, 做生日蛋糕, 因壽星仔喜歡打tennis, 他可以日日去打,都面不改容. 但估唔到間蛋糕店, 整到個tennis 波波似草地顏色!!
↓生日, 當然影下合照啦!
↓我哋仲玩埋自拍....哈哈~~自拍神器出現, 就好玩好多!!
.jpg)
