February 16,2014 (Sunday)
連續落了幾日雨. 到我行街嗰日, 就陽光普照, 實在太好啦!!
而且, 我依日又係打算去戶外商場行. 無雨落, 行得舒服啲.
但去行街之前, 當然嘆返個早餐先, 食咗嘢先有力氣行街嗎!
↓有陽光, 立即搬啲早餐去戶外食, 最喜歡曬太陽, 曬一陣, 真係精神好多.
↓好彩,麥當當個戶外area 開咗, 曬住食早餐, 好舒服.
食完早餐, 就出發去行商場.
由於, 個戶外商場係溫哥華西部. 要渣車過橋先去到.
但其實唔好理溫哥華嘅東南西北. 我覺係溫哥華,通常去邊, 都要過橋, 過一過海, 先能到達.
黎咗溫哥華之後, 真係日日都過橋先得. 因溫哥華實在太近海, 周圍都比海圍住.
因此, 橋---就成為生活上必需品.
↓過橋啦!!
↓到咗Park Royal Mall 戶外商場. 其實, 我之前都行過,最喜歡依個商場設計特別,全部鋪頭都係一座一座係戶外. 而且, 啲鋪頭種類比較特式啲, 我好鐘意行. (依張商場相, 我係web-site copy 落黎㗎!)
去行下商場, 都係純緒娛樂下自己. 無咩目的. 哈哈
但原來二月份, 商場啲鋪, 又幾多減價, 真係減完再減. 見到都Happy~~
可能, 聖誕節又過咗, 情人節又過埋.....咩purchasing power 都過去. 而家唔減, 邊有人去商場吖!!
以後都係要醒啲, 留返啲彈藥----二月中, 先購物. 可能買得仲多. 哈哈~~
↓去商場行, 買咗一袋二袋. 仲見到粉紅色Le creuset tea pot....即買!!
↓粉紅--係我至愛, 而家有粉紅杯, 粉紅茶壺, 還有粉紅心心煲. Happy~~ 而且, 加拿大Le creuset 選擇真是好少, 所以, 可以買到粉紅色Le creuset, 真係份外興奮.
去完商場, 就去Church, 再去食晚飯.
原本Brian's 父母約我哋去酒家食飯, 點知間酒家擺酒. 無得食晚飯.
所以, 求其去food court 食!! 最好笑係, 我哋個心, 跟本就係想, 去food court 食, 因為多選擇, 又可以快啲食完, 返歸睇冬季奧運嗎!!
今年, 冬季奧運, 加拿大隊好落力. 睇到好緊張!! 日日起身, 拍完個鬧鐘, 就上網睇獎牌榜.
↓晚餐, 係food court食了豬扒飯, 再加格仔餅, 咖哩魚蛋和豬紅.
↓個blog 寫到依度, 其實今年Sochi冬季奧運都完結, 今年加拿大有25面獎牌. 可喜可賀. 因為加拿大運動員係業餘運動員, 政府無咩資助. 但仍有咁嘅成積, 我覺好勁. 記得四年前, 冬季奧運係溫哥華, 我當時都特登飛黎, 去現場睇開幕禮. 估唔到又過咗四年. 時間好快.
February 7, 2014 (Friday)
唔知係咪而家嘅position. 都係星期六 or 日, 都返半晝.
因此, 我開始對每一日, 都覺一樣.
以前, 真係日日數住, ............幾時係星期五. 多麼想星期五快啲來臨.
到而家,好似邊一日都差唔多. 只要每日係平安返歸. 由晚上, 直不甩瞓到第二朝, 已經好舒服.
剛剛February 10,( 星期一). 是公眾假期. 連埋星期六, 日, ......就可放足三日假.
但由於這個公眾假期, 唔係個個省份都有得放. 但公司就是全國性, 很多工事, 每個省份都互相聯絡着. 所以, 這個公眾假期, 都放唔到.
但一有長週末, 周圍嘅人, 周圍嘅環境, 都有啲hea 感覺. 所以,係公眾假期要返工時, 一放工就會即時彈出街. 一出街, 已經開心無限. 哈哈~~......
↓February 7, (Friday)...... 晚飯出咗街食. 好簡單去茶餐廳食, 食咗喇沙雞肉米粉, 焗豬扒飯
↓鮮魚肉魚湯米線, and 一杯荔枝汁
----------------------------------------------------------
February 8, 2014 (Saturday)
依日off. 但天氣有啲凍. 係溫哥華真係1℃. 已經係凍. 但以前係多倫多,二月邊有可能得1℃咁暖. 以前, 真係day day 感覺-20℃. 哈哈~~ 所以, 黎咗溫哥華, 覺自己賺咗!!
但點都唔會釣以輕心. 點都好, 幾時都係着暖啲好!!
由於, 依日off, 瞓到晏一晏. 下晝好晏, 先出街食台灣嘢. 做lunch
我同Brian 兩個人, 仲唔覺唔覺叫到好多嘢食. 我諗我哋食到, 啲waiter 都會應得我哋.
↓等食個樣.......................食咗鹵肉飯. 好大碗, 好多料!
↓食咗皮蛋肉鬆豆腐, (啲肉鬆多到見唔到豆腐和皮蛋), 還有食咗鹵大腸
↓吃了大size 牛筋麵, 還有香蔥肉卷.
近近哋食完個台式lunch. 再近近哋去附近個商場行街, 難得一日off嗎! 當然去行下.
不過, 一行商場, 就會唔覺意, 放低幾十個大洋係商場.
↓行商場買咗hello kitty 鏡+ comb 組合 (攞返工用). 仲買咗兩對cashmere socks. 初頭以為$4對, 仲已為好扺買, 點知去cashier, 先知係$2 對sock 咋!! 興奮!!
↓慳到幾個大洋, 去嘆咖啡都開心啲
--------------------------------------------------
February 9,2014 (Sunday)
依日, 工作天.
以為可以直落, 去咖啡店溫埋習, 但自己真係好攰, 好無精神. 集中唔到. 可能, 又正直公衆假期, 咖啡店多人得很, 嘈了點呢. 原本想去library, 但原來係公眾假期, library 喺1pm就 close. 真係早閂門.
最後, 自己出咗去行街, 仲好即興, 買咗幅太陽眼鏡比自己, 再走去曬太陽. 頓時, 感覺舒服好多.
之後, 再去咖啡店開壇溫習, 就係依個時候, 咖啡店員工, 送咗coffee比我. (其實, 個咖啡店員話, 佢自己沖錯咗杯咖啡, 唔想倒咗佢, 問我要唔要). 就係咁, 我就享用到一杯free coffee. 不過, 個店員比完杯coffee 我, 就同我講句: good luck for your study......so nice.
↓溫習.......但集中唔到, 走去行街, 買咗幅新太陽眼鏡.
↓帶新太陽眼鏡, 曬太陽食件餅, 好舒服. .....好好彩, 咖啡店員送咗杯special 咖啡比我. 一日飲咗兩杯drink, 有一杯免費.
---------------------------------------------------
February 10,2014 (Monday)
依日, 溫哥華是公衆假期.
但是, 我和Brian 都是工作天.
不過, 大家齊齊約埋食lunch 和dinner. 當hea 下. 知道工作中, 有點娛樂. 時間快過好多.
而這天Dinner 去嘅地方,都去得幾即興, 原本食快餐店就算.
但大家想食粥, 所以就即時上綱摷粥舖. 只是亂咁摷, 但又比我摷到一間粥舖. 仲要係順路. 真好彩.
但估唔到溫哥華, 真係好多中餐食, 真係去到邊, 都會有. 仲要係味道唔差呢. 過咗黎溫哥華之後, 感覺自己過得好港式. 好彩係, 這邊啲士生的人, 好接受!!
雖然依一日, 見住好多人放假, 但自己要工作. 但這天, 無端端嘆到心中所想,都唔錯嘅一日.
↓Lunch---咖啡店+ 港式麵包
↓晚餐--豬潤粥(至愛), 還有义燒腸粉
↓還有, 四寳飯, 炸醬撈麵. ....其實兩個人, 食四様嘢, 都唔係太多. 但個侍應竟問我, 係咪有一個order 要打包㗎!! 但我和Brian 最終清唒四樣嘢!! Haha
February 14,2014 (Friday)
十九年一次, 中西合壁情人節, 但我好像唔覺, 有什麼特別. 但這天, 都仍然是好開心, 依隻開心, 係好自然!! 一起身, 就已經開心.
情人節個朝早, 同Brian 出街食個早餐. 嘆件餅......好自然做啲特別少少嘅嘢, 就當慶祝下情人節.
其實, 我好感動, 我唔係,只有情人節先會開心. 我亦唔係, 只有情人節, 我隔離嗰個先會表心思.
唔知我和Brian, 係咪成長咗, 大家彼此抱着同一信念. 一齊行, 就算一齊撞釘, 也一齊扶持. 知道身邊有人支持, 原來動力會很大.
這種動力, 比接吻, 親熱. ......更能感受彼此嘅愛.
而在繁忙生活, 能簡唔中, 收到我隔離嗰個的心意. 小禮物. 知道他把我的微小事, 放在心頭上. 這些行動, 比工作上收到嘅bouns, 來得更感動.
Anyway, 好感激!
↓一月尾, 收到這個Le creuset 粉紅杯, 原來加拿大某書店, 網上有這隻杯, (反而門市係無) Brian 得知, 馬上上網購買, 最後在書店內取貨. 到我收到, 當然很歡喜, 粉紅色喎!! 依家, 有兩件粉紅色Le creuset. 希望加拿大出多啲粉紅色嘅Le creuset!!
↓我是零食怪, Brian 買日用品時, 見到特別版嘅Kit kat 會比小驚喜我........而早排我買過一支Hello kitty 筆, 好好寫. Brian 有日無端端買多兩支比我----(他話做"是啤")
↓有日放工, 收到Brian 買嘅心心蝶和心型碗, 他話係加拿大買唔到Le creuset 心型物品, 依兩樣頂住先. 哈哈~~~
↓由於, 我有時要帶電腦出街, 但溫哥華落好多雨, 我啲大袋又無拉鏈, 部電腦容易被雨淋濕. 所以, 落雨天, 帶電腦出街, 我會好唔方便. 有日便收到Brian送嘅一個laptop手袋. 望落去同普通手袋無分別, 但其實手袋內裡, 有個位, 附設軟墊, 黎放電腦, 手袋又有拉鏈, 部電腦雙重保護!! 仲要係個手袋容量大, 但咩上黎唔覺個袋bulky. 真係唔知他點摷, 又會比佢摷到依個laptop 手袋..............還有我帶早餐返工, 帶上癮, 事實, 係我無時間食早餐,所以, 我瘋狂要一啲, 唔同款食物盒. 所以, Brian 見到又會買黎送比我!
↓情人節.......收到一個Hello kitty fruit jar. (可以保暖, 保冷), 放水果返工, 都得!! 夠實用. 好鐘意, 還有一張情人節卡.
↓情人節...Brian 除咗送禮物比我, 都會送埋禮物比他父母, 咁情人節12am, 就齊齊擦禮物. Brian 爸有鬚刨, Brian媽有咖啡k cup container
↓情人節早餐,雖然好簡單, 但我覺好開心, 依隻開心, 仲係好自然嘅開心!! 早餐食咗心心shortbread, cream cheese bagel和咖啡
↓情人節晚餐, 我&Brian都放得遲, 所以去食chinese 嘢, 去咗打邊爐. 仲同埋Brian父母一齊打. (好彩, 比較西化嘅Brian父母, 都唔介意情人節食中餐, 又肯同埋我哋一齊食.) Brian話要影碗混醬, 他打邊爐最鐘意混醬. 打邊爐食咗,----雪花肉, 手打肉丸,還有魚腐.
↓還有醉雞, 另一蝶雪花肉, 雲吞, 水餃
↓係溫哥華打邊爐最鐘意食新鮮魚片, 還有西洋菜, 牛拍葉和豬潤
.
.
.
.
.
.
.
.
情人節.......就晒一晒, 一張絕密相.
平時, 我是比Brian拍醒, 先會起身返工, 但我起咗身都會瞓, 我係好似張相咁, 企係度瞓
↓其實, 依張相, Brian個口不段叫我, "快啲起身, 夠鐘啦"......repeat & repeat
