Pizza,行街+打邊爐

June 10, 2011 (Friday)
    終於又到Friday, 開心到想跳舞!! 哈哈~  而且又有Hockey 球賽睇!! 變相就雙重歡樂!!!  所以, 特別走咗去Pizza 店買個大pizza 食. 雖然, 要自取pizza 較為便宜. 但我又唔介意自取. 好彩pizza 店唔遠, 係我後面街, 我很樂意行去自取. 

    因為我總覺得, 一邊食pizza, 一邊睇hockey 球賽. 咁先覺似樣!! 但閒日就唔會咁做. 星期五放周末嗎!! 就會有更多籍口對自己放縱啲.

↓大pizza, 兩個人都食唔晒

opop

-----------------------------------------------------------------------------

June 11, 2011 (Saturday)
    好早就起身, 買定個早餐食, 好快速就食完個早餐就化妝出街啦!!

    一日裡面,去咗好多地方, Best buy, Staple, Canada computer and  Don Mill Mall. 我仲買咗唔少添!! 多謝Brian.......

    行街行到要買杯野飲回氣,因為行街, 渣車, 揾車位, 購物, 排隊比錢,  揪住啲戰利品, 再係另一個地點重複再一次. 唔攰就係假. 真好想好想加拿大啲地方集中啲, 唔想周圍謄太多....(我遲啲個blog會寫今日的戰利品)

↓朝早的早餐....行街行到4pm, 食lunch又唔係,食件餅又唔夠喉, 求其飲住杯咖啡頂住先 

oop

  
    夜啲就去咗三妹屋企, 傾啲野, 順道比咗啲英國手信佢.  她收完我份手信即刻用, 即刻post 上facebook. 證明她好滿意份手信. 哈哈~~

   之後,  再約埋其他啲阿妹以及她們的另一半, 出去打邊爐. 其實, 出街打邊爐都無咩所謂, 我哋但求圍威喂.  但我唔明點解加拿大好多食鋪and 商場都開到個冷氣好微. 啲空氣系統完全唔掂.   整到成間鋪都係味. 依餐攪到我成身痴淋淋, 真攞命. 我哋已經去間新新哋嘅食店. 都係咁!!

   不過,我哋好耐無一大班人出街打邊爐啦!! 食野個氣氛好開心~~~

↓打邊爐醬料...........................................沙爹湯and 清湯低 (仲有一個爐,但無上鏡)    

oop

↓打邊爐嘅食物, 啲野食,普偏都ok 

oop

   飯後, 就上咗去三妹屋企顛下, 玩下新版本嘅大富翁, 睇下啲好香港嘅節目. 玩下啤牌,整埋芒果布甸添!! 玩到2am 先走.

↓大家一齊整芒果布甸......啲妹第一次自己動手整芒果布甸, 所以,整得好雀躍. 還有三妹請我食的日本牛奶味雪條. 話係北海道牛奶整. 又幾滑喎!! (有時,置身係三妹屋企,感覺置身在香港,她的零食,電視娛樂, 玩的遊戲, 全是香港的!)

op