September 27, 2010 (Monday) 這個周末, 都出咗好多街, 飲飲食食啦!! 但就好特別....無咩點周圍影相.
星期五(Sept 24), 做埋兼職, 就立刻出街, 去粥鋪出發....., 都已經遲食晚飯, 但去到粥鋪, 竟然要等成半個鐘先有臺. 人多......啲臺就自然排得密麻麻, 臺與臺之間個距離好密. 攪到我都唔好意思攞部相機影食物相啦! 食咗碗大粥, 炒麵, and 一蝶煎釀三寶, 即時走人.
不過,依間粥鋪係Brian至愛, 已經去過依間粥鋪, 超多次, 我求其係以前啲網誌, copy and paste 啲相. 都ok!! 因為去開依間粥鋪, 食黎食去都係果啲野....哈哈.....
↓以下兩幅相,係以前影落......今次又食炒麵, and 叫咗咗碗大粥 (豬潤魚片粥)0
---------------------------------------------------------------------------------
星期六(Sept 25), 超早起身, 因為.....為咗去飲早茶囉!! 我隔離個果已經提住 "飲早茶" 依件事好耐啦!!!! 當然滿足他願望啦!!
原來,屋企附近果間酒樓, 係早茶時段, 係超多人, 仲係外籍人士居多添!! 真係估唔到, 外籍人士喜歡飲早茶.
由於人多, 我同Brian坐係近門口位, 一大堆人望住. 我又唔好意思舉機影食物相.
但朝早飲茶, 好開心......,見到啲一籠籠點心, 每籠點心仲有煙霧出,感覺好有朝氣.....哈哈~~~
不過, 我飲完早茶, 要午睡,差電....入夜, 自己煮啲簡易晚餐. 再跟手幫Brian剪頭髮. 之後, 落樓下買咖啡返屋企飲, 一邊飲野, 一邊玩電腦..... 咁就一日...哈哈!
↓簡易晚餐----蒜蓉包+青瓜肉碎意粉0
----------------------------------------------------------------------------------------
星期日(Sept 26), 去咗行戶外Mall......."Don Mill Mall"呀!! 由於我知依樹剛開了一間South St. Burger.....好想,好想試下.
係就係以前都食過South St. Burger. 但Don Mill Mall 依間係新開張, 就試下新環境食.
比我發現, Don Mill Mall 間South St. Burger 收費手法, 係平過其他分店架!! (唔知點解會咁) 哈哈~~但味道係一樣, 可惜依間啲位無其他分店咁好坐. 但勝在黏住個Mall, 食完可行街街.
食完...就當然順道行戶外Mall, 但我行Mall 時, 咁啱個Mall有野攪, 超多小朋友 and 狗. 我驚狗嗎!! 所以, 行一陣就無行.....不過, 係Don Mill Mall 行一陣, 個心好relax, 因為Don mill Mall 係一個戶外Mall, 行一陣有如行公園咁, 好鬼開心架!!
之後, 又順路陪咗Brian行電器用品店 (Future shop and Best buy). 我哋無野要買架!! 但Brian就係好鐘意行, 行下先返屋企先安樂...........哈哈~ 最後, 去超市入貨......
我成日都話, 係加拿大啲時間過得好快, 行下Mall, 買下啲日用品, 頻頻撲撲, 就差唔多無咗大半日, 返到屋企都要準備晚飯啦!! 又星期一啦...................
↓South St. Burger 嘅格局, 每次去South St. Burger 唔係為咗個Burger, 係為咗burger 隔離嘅配菜, Poutine 薯條0
↓晚餐----超求其, 將雪櫃啲剩餘物資, 整到好似早餐style 黎食!0
