好難得12 號係周末, 唔洗返工, 又好難得我哋一起拍拖11 個年頭! 時間真過得快.....一年又一年, 今年慶祝11 周年紀念啦!!
總刮黎講, 11年來有他陪伴左右, 日子都總算過得好快樂, 有時, 感覺我們好像已經達到心靈相通. 大家唔需要出聲, 都知道大家想點. 我相信依種奧妙關係, 就係在我們這11年生活當中, 慢慢地培養上黎. 但我哋當然間唔中實有意見不合. 不過, 就係依啲火花.....才能令我哋生活上, 更加有情趣.
今年, 11周年嘅節目, 係原本plan定食個美味早餐先架! 但我倆太懶懶閒啦!! 係屋企 "咪咪魔魔", 又睇咗陣世界杯, 攪到過咗早餐時間. 所以, 下晝先出去商場食個豐富brunch囉!! 之後, 就順便去下行商場. 又順便望下父親節禮物咁囉!! 雖然, 依個日子, 好似唔係好襯買父親節禮物. 但下星期就係啦!! 還掂都係行商場咪順便望埋囉!!
行完商場,真係人都散晒呀!! 皆因個商場太多人啦!!好普通行條直路都要左被右被. 而家, 多倫多真係多人過以前好多好多呀!!!
↓晏晝食咗餐好豐富嘅brunch.........0
入夜, 就去咗食日本野慶祝下啦!! 我哋係連續第三年係同一間日本食店慶祝我哋嘅周年紀念啦!! 可能有人會覺得我哋好奇怪. 去足咁多年都係喺同一間日本食店慶祝. 但依間日本食物確實又幾啱我哋口味. 又幾近我哋度. 當然首選啦!!
我哋原本都計畫試下新食店嘅!! 係網上都望過某啲餐廳嘅食評. 但啲食評又好壞參半. 又費事係我哋嘅喜慶節日,食到唔太好嘅野, 有個壞印象就唔好啦!! 不過, 我倆確實太喜歡食日本野啦!! 最後, 都係揀返我哋去開個間食囉!!! 依間實食得開心嗎!! 哈哈~
食完超飽肚嘅日本餐, 仲兜埋去gelato 意大利雪糕店,食我至愛嘅雪糕添!! 食埋甜品, 就畫上今天完美嘅句號, 我個肚皮and 心情都同樣都好滿足.
↓食日本餐前, 一人影一張相留念0
↓日本餐廳嘅食物.0
↓由於, 我倆order了好多食物了, 所以, 唔係蝶蝶都影相, 我哋又識個餐廳老闆, 我哋order啲份量仲額外加大比我哋添! 最後, 仲埋送綠茶紅豆蛋糕做甜品! 所以, 變相食咗好多落肚, 哈哈!!0
↓手卷 and 刺身. (啲油金魚刺身好新鮮....very good!!)0
↓最後兜去食gelato 雪糕做甜品.0
係依兩年周年紀念日, Brian都咁啱有個原因, 提早送周年紀念禮物比我, 我今日成日都用住份禮物(手袋). 周圍去, 個手袋真係好好用. 多謝你, Brian!!
雖然, 我倆只係行街,食飯, 聽落去同平時周末無咩大分別. 但見Brian個份投入,and 着緊嘅安排, 通通過程, 我見到已經好開心了!!
No comments:
Post a Comment