又愛又恨

March 17, 2010 (Wednesday)

    頭先醃悶咗陣,想喊添! ........................知自己做啲行為好唔成熟...但都忍唔住.

    事源,.............舊年(2009年), 係法國網站, 已經發現有本食譜, 會隨食譜附送一件Hello kitty 餐具作贈品. (出版十幾期食譜)。  見到Hello kitty 餐具用品張圖片咁得意, 而且, 生產商都有點名氣.   所以, 好想擁有依套餐具, 但無渠道........而且, 法國網站講明,  唔會裝運去法國以外地方. 因此, 對依套心儀餐具, 無望.

↓咪係依套Hello kitty 餐具, 隨食譜附送一件Hello kitty餐具0

    好啦!! 事隔一年(2010年), 透過一位好心blog 友(英國網友) 比咗information 我.  得知英國開始發行這本附送Hello kitty 廚具食譜, 一心諗住有啲明目,  ......以為套Hello kitty餐具會有望啦!! 連credit card, pay pal  都準備好晒. 而且, 我另一半都支持我買 (好少可).   可惜,  英國網站事先聲鳴, 唔會ship英國以外地方 ....所以, 隔離果個點支持我都無用.  而家, 買唔到心頭好, 真係好down!!!!! Down 到.....成日黏住部電腦度, 希望揾到一個網站有購, 這套餐具, 我直情Down 到想飛去英國買添!!!!!!

   我另一半幫我, 上UK ebay bid, 好多seller 都話唔會接受英國以外國家購買.附上很多運費也不肯.

    Hello kitty 你.......令我又愛又恨呀!!

---------------------------------------------------------------------------------

April 7, 2010 (Wednesday)

   管理處打電話黎, 話我哋個單位有一個大郵包收.    我都有點奇怪, 咩日子會有郵包收呀? 初頭幾驚, Brian's Daddy 張生日卡打回頭. 但諗深一層, 生日卡打回頭, 郵差都放入我哋屋企個郵箱啦!! 洗乜放係管理處呀!??

↓就係依個郵包喇!!0

   原來係我隔離果個人, 同UK ebay賣家講 (放hello kitty 食譜連餐具--個果賣家), 成功購買到一隻Hello kitty 大型碗. 隻碗都幾大隻!!似pasta 碗.

   今次, 終於都比我恨到喇!!!! 開心到我不得了!! 哈哈哈!  本來, 今日夜晚果餐都唔係食麵架!! 為咗襯返隻Hello kitty嘅Pasta 碗, 夜晚個餐即刻炒個麵食, 順便用一用依隻難能可貴嘅餐具嗎.....

↓就係依本食譜附送Hello kitty 餐具. (我係uk and 法國網站, 見到有啲人, 一次過買幾本同一期食譜, 其實, 就係為Hello kitty 餐具, 講真, 如果係加拿大都發行依本食譜,我都會咁做!!! )0

↓同新餐具進餐....Yeah!!  (隻碗好大隻, 放到兩人份量嘅炒麵呀!!)0

.