January 25, 2009 (Sunday)
新年緊係出街感受下節日氣氛...... 年三十, 同咗屋企人有咗飲茶, 見新年就到, 一家人又齊齊整整, 緊係食好啲, 叫啲好特別啲點心, 同埋小炒..........食到好開心! 哈哈!!
通常, 我屋企, 食完一輪點心, 都會叫啲炒粉麵食, 因為我父母有個觀念, 感覺要有啲飯or 粉麵落肚先叫完滿......我同Brian見依間restaurant 個menu 有個 "龍蝦魚翅撈飯"(個名幾有意頭), 見又係新年...就豪一豪, 就叫黎食,......嘩!!! 魚翅撈飯, 真係第一次食, 感覺有啲豪華....哈哈!!
其實依個飯啲翅都算係咁, 起瑪啲翅都係夾得起,哈哈!! 個個都一邊食,一邊舉晒啲翅....show off 下.....哈哈!! 咁就開開心心, 熱熱鬧鬧同屋企人過咗一個年三十lunch!!!
↓蝦子柚皮, 鰻魚海王燒賣, 之後, 重頭戲係"龍蝦魚翅撈飯"
↓我哋一邊食依個龍蝦魚翅撈飯, 一邊show off 自己個碗飯啲翅...連我媽咪都玩埋一份,哈哈!! 
**多謝Brian 幫我請我屋企人食新年lunch!!!
豪一豪,新年龍蝦魚翅撈飯
Subscribe to:
Post Comments (Atom)
好豐富呀!~
ReplyDelete[版主回覆02/04/2009 05:29:00]小威威: 咁新年就食餐好啲, 開心下嗎!
個飯好正喎!!!
ReplyDelete[版主回覆02/04/2009 05:31:00]V&M: 哈哈!! 都係見個飯的名稱都幾好意頭, 咪叫黎食囉!! 而且, 新年,就食餐好啲, 大家一齊開心下!
Vicky,
ReplyDelete我終於潛完水返嚟喇....哈哈!
到了牛年都未祝福你, 但想深一層, 其實我已經一早寄上祝福俾你, 你都收到啦, 大家心照得架喇!
見到你Daddy返去之後可以同你地一齊過年, 都感到好開心, 呢排你都冇時停, 冇得休息, 你真係要小心身體, 唔好好似我咁病咗呀!
你攞返晒Daddy幫你帶的行李未呀?
你地呢日魚翅撈飯真係好豪呀, 我咁大個女都未試過咁豪, 等我第日又試吓先得....哈哈!
唔緊要啦, 起碼佢地叫都會返, 好過叫都唔返嘛.....至少你地真係可以一家人齊晒做節, 但我屋企永遠都冇可能齊人架(有二哥冇大哥)!
[版主回覆02/04/2009 05:57:00]爆炸魔女: ~雖然, 你潛咗水, 但我見你潛得幾好玩, 日日都有節目. 潛得好開心!! ~咪係囉!! 你都寄咗賀年卡黎喇!! 你雖然係牛年祝福咗我喇!! 話時話,我都係第一次收賀年卡, 我仲show 比Brian 添!! 哈哈!!多謝你! ~我daddy 黎咗, 依排weekend 都要趕住返媽咪屋企囉!! 雖然, 我哋五姐妹返齊屋企食飯, 但其實食餐飯, 有啲人食得趕, 好似食飯好晒時間咁!! 有啲無咗食新年飯意義囉!! 有時我都唔理太多喇!! 齊人就算!! 可能依邊係外國社會, 新年係人都要返學,返工, 係無咁多時間架喇!! 有時,屋企啲野都唔理得太多喇!! 但求大家係節日都開心下就算!! ~你仲乜,放假先黎病架!!! 放假病就最難好, 因為放假會玩多啲, 邊有時間休息!! 哈哈!! 你真係小心...對自己好啲, .....早排,我啲傷風好返, 近排有黎返, 今次鼻塞, 食野都感受唔到味道, 無計,我依邊仲好凍, 全公司啲人都病, 好難被免!!! ~我daddy 帶晒我係香港帶唔到啲野黎加拿大喇!! 我已經用咗你張毛毯了!! !! 早排日日-30℃,真係開heat 都覺凍, ...暖水袋, and 毛毯一齊用...哈哈!! 好舒服! ~其實,依日食魚翅撈飯, 都係講個意頭....代表有得撈嗎!!! 而且, 新年咪食好啲, 同屋企人一齊開心下囉!!
Brian 好大佬feel 啊
ReplyDelete[版主回覆02/04/2009 06:02:00]Kitty: 哈哈!! 新年嗎!!! 大家一齊食得開心嗎!! 無話大唔大佬架!! 哈哈!!
Brian is so good to your family ! He must be a good man.
ReplyDelete[版主回覆02/04/2009 06:04:00]Happy Girl: 多謝你咁講....我都覺,Brian 對我屋企都好!!
新年.. 我都有食翅架.. 不過係碗仔翅 wakakakak...
ReplyDelete[版主回覆02/05/2009 13:55:00]畫: ~哈!! 你都幾風趣!! ~其實,新年食咩都無所謂, 只要全家一齊食咪開心囉!!
Vicky: ~你呢間野連蝦子柚皮都有得order呀?我諗呢度既野食一定唔會差得去邊，因為 蝦子柚皮都幾難煮架，佢出得呢個菜，即係個大廚都應該有番咁上下斤兩啦！ ~ 魚翅撈飯呢樣野，我記得你爸爸回來探你地時好似有食過，但就無咩印象你有無食啦，但可能係口感無特別，但就心理上已經覺得好豪啦！
ReplyDelete[版主回覆02/12/2009 16:25:00]陶陶夫人: ~你真識食, 蝦子柚皮真係要用好多時間and 心機煮, 雖然, 柚皮係啲下蘭野, 但就好難整得好食, 今次,我食依個蝦子柚皮就馬馬哋.....不過, 難得resturant 有得食, 就order 黎食!! 係外國restaurant 有得order 依啲野食,真係好難得!! ~你記醒仲好過我, 我好像都有同daddy 食過翅, 但唔知有無post 過出黎....好似我只係講過, 你都記得....哈哈!! 多謝你咁留意我!! ~叫依個飯, 學你話齋, 心理上會覺好豪....其實, 都係貪新年就食啲特別野囉!! 不過, 估唔到依個炒飯真係有幾多翅, 好足份量, 新年食豐富啲攞個意頭囉!! 哈哈!
好正喎....你呢間酒樓真係款式比其他店多, 又特別, 望落都好好味....仲有翅食, 正呀!!!
ReplyDelete[版主回覆02/18/2009 05:11:00]細細粒: 你觀察力真係好, 依間酒樓係比較有特色, 見新年就去下囉!! 仲食好啲啲囉!! 大家開心下嗎!! 哈